Yosua 2:14 - Katɔti Ɔku Kedee

¹⁴ Na Israelƒuɔ batu inyɔ bamɛni básu Rahab banini, “Si bútadi lɛla lɛni bɔdubo-ɔ bɔsu mɛni lɛlɔ ni, Katɔti ɔdu-bu. Na si átasu ukyuli ɔdi lɛla lɛni ɔsu búbo mɛni ni, buusé-ɔ kenye ka bɔdubɔbla-mii lɛƒɔndia si Unwoti úti kalɔ kamɛni ɔ́kya-bu enu kemmo.”

Yosua 2:14 ပူးပေါင်းရင်းမြစ်များ

Ala Kalɔ Buse 24:49

Ɔmɛni ɔsu ni, si bɛdubɔbla mina ɔtɔlati kaƒɔ buni na bɛdubɔdi nwuna litemi lɛlɔ bite-nwu ni, na bɛsu-mi. Na si ɔɔɔdi lɛni lɛnɔ ni, na bɛsu-mi na lɛti kesii kani na masia.”

Ala Kalɔ Buse 47:29

Na ka nwuna ukpiwi ɔ́ni úde ni, ɔ́ya na bálɔ Yoseƒ béte-nwu. Mmɔ na ɔ́su-nwu ɔnini, “Si mina lɛlɔ lɛ́da-a ebiti ni, na ete-mi kɔnu na akpali Katɔti ese-mi kenye ka adubɔbla-mi lɛƒɔndia lɛdi. Na adubɔdi-ka lɛlɔ lɛnɔ. Tava-mi na Egyipte mɛni.

Samuel 2 2:5

ɔ́tala bekyuli badi ɔ́kya kadi kammɔ ɔnii batásu-ma banini, “Unwoti ute-mii kusɛ kusɛ na lɛƒɔndia lɛni na bɛ́bla bina ati na bɛ́va-nwu ɔsu.

Samuel 2 2:6

Na muuvele Unwoti nnii ɔbla-mii lɛƒɔndia. Na ɔdi nwuna litemi lɛlɔ siin ute-mii. Na ami lɛnɔ ndubɔnu-mii kɔnyana lɛni kani na lɛla lɛni na bɛ́bla mɛni ɔsu.

Samuel 2 9:1

Limeyi lɛdi ni, Dawid úye Israelƒuɔ bammɔ únu ɔnini, “Saul kaba kemmo ubi ɔdi ɔsɔ ɔkya ngba? Na si ɔdi ɔkya ni, mɔɔyɔ́ ka lɛbla-nwu lɛƒɔndia lɛdi ɔkɛnku Yonatan ɔsu.”

Baga 1 20:39

Uwi ɔni na ɔga ɔmmɔ ɔ́si ɔɔví ni, kenye udiene ɔmmɔ ɔ́pkali-nwu ɔnini, “Ati, ƒula kabla ɔblane ɔkya kekpo kani kebo ɔkplu kemmo uukpó asa na ukpone ɔdi úti nwuna ukisine ɔni na úbeƒie úboku-mi na ɔ́su-mi ɔnini, ‘Taagyumana ɔnana ɔmɛni. Na si úkeli ni, adubuti ƒula ngba aƒɔ kayu. Iye ndubɔƒɔ sika ɔƒualadi mpim eti aku.’

Agba 14:22

Si aawia ukyuli likpidi ni, adubo bɔyii. Nsu si lɛbuni na aawia ukyuli ni, Unwoti ɔdubɔyɔ-ɔ uwi ndi uwi na ɔdi nwuna litemi lɛlɔ ute-ɔ.

Agba 18:24

Bakpana badi bakya bani ɔbladu mɔɔyila lɛlɔ udu. Nsu badi beebó taada lɛlɔ geen utulo banwa muedi.

Mateo 5:7

Lɛlɔ litaayɔ bekyuli bani mɔɔnu bana bekyulikpana kɔnyana. Katɔti ɔdubɔnu-ma kɔnyana.

Batalane Kabla 23:22

Bekpone Ɔtɔnkune ɔmɛni ɔ́bala-nwu ɔnini, “Taya na ukyuli ɔdi biala ɔsɔ unu litemi lɛni na ásu-mi mɛni munu munu!”

Yosua 2:13

Na bise kenye ka bɛɛɛdubo bula ɔdi bɔdu! Mina ɔti iye mina uni iye mina banwani bananabi ku belekubi ku bana kɔduli bekyuli ni, biládu bula ɔdi!”

Yosua 2:15

Na Rahab ɔtɔ ɔmmɔ ɔdanku ɔma ɔmmɔ lɛwoduku bonwu lɛmmɔ. Ɔmɛni ɔsu ɔ́lɛmi nwuna ƒansili na ɔ́ya na béti kabuli bébo bada. Na Israel batu inyɔ bammɔ básia kabuli kammɔ lɛlɔ báyu bátɔlɔ.

Yosua 6:17

Bɛyila ala ani ƒui nkya ɔma ɔmmɔ kemmo udu na enwini akpala ete Unwoti. Nsu ɔyalɛ Rahab ku nwuna kaduli bekyuli amu ni, bitabla-ma lɛla lɛdi. Ɔsika anwu nábala bula batu bani na bátala na Yeriko.”

Yosua 6:22

Amu na Yosua ɔ́tala bakloƒu inyɔ bani na ɔ́ya na bábɛ bésie Yeriko mmɔ ɔnini, “Biteesie ɔyalɛ ɔmmɔ kaduli na bitédie anwu ku nwuna kaduli bekyuli aani kalɛ na bíse-nwu kenye bíse.”

Yosua 6:25

Na Yosua ɔ́nu ɔyalɛ Rahab ku nwuna kaduli bekyuli kɔnyana. Ɔsika anwu néti nkyuli inyɔ bani na Yosua ɔ́tala na Yeriko mmɔ ɔ́bala. Na Rahab ɔmɛni kaba bekyuli bamu belie Israel kalɔ lɛlɔ úti úbedu ɔmwi kadi.

Samuel 1 20:8

Ɔmmɔ ɔsu ka unwi bɔbla bunyimi nkya ami ku-ɔ ntɛ na Unwoti anumi ɔsu ni, muuvele-ɔ na atina-mi ƒula lɛƒɔndia. Na si bɔnu na awɔ lɛnɔ ánu áti ka lɛ́bla lɛla likpidi lɛdi ni, teti tesienku ƒ'ɔti, mmomu awɔ ɔlati du-mi kɔnakunwi.”