Yosua 2:10 - Katɔti Ɔku Kedee

¹⁰ Na búnu kalɛ na Unwoti ɔ́ya na Ɛpugyie ɔ́kwii uwi ɔni na bísie bɛ́via Egyipte kalɔ bɛdubo. Na bɔ́sɔ búnu lɛnɔ kalɛ na bɛ́du Amoriƒuɔ baga inyɔ bani nlie Yordan ɔƒɛ katukɔ kakɛ na baalɔ-ma banii Sihon ku Og.

Yosua 2:10 ပူးပေါင်းရင်းမြစ်များ

Kɔgya 74:15

Áya na abiɔ ku ntukpa ƒui bɔ́ƒɔ ntu na bɔɔgbá. Na ntukpa bonwu bɔ́kwii.

Bumomo Bɔka 20:14

Uwi ɔmmɔ kemmo Mose ɔ́tala bekyuli badi ɔ́kya Edomƒuɔ ɔga na bátásu-nwu banini, “Ƒ'ɔnwani Israel ɔnini, ‘Agyi lɛbibo lɛni néebo-bu lɛlɔ.

Bumomo Bɔka 23:22

Katɔti náda-ma údie Egyipte na bebo ɔyikun ɔni nse aani ɔmantɛ akɔ unengudi geen.

Bumomo Bɔka 24:8

Unwoti náda-ma údie Egyipte kalɔ lɛlɔ. Na bebo ɔyikun aani ɔmantɛ akɔ unengudi geen na baduli bana bekisine. Na báƒɛ bana ekubi kɔkɛ kɔkɛ. Na beti bana kɔtaminta baƒuaala-ma.

Lɛkpa Ulu 2:30

Nsu Ɔga Sihon anwu útenu kalɔ ka bɔsia bana kalɔ kemmo. Bina Unwoti Katɔti nábla-nwu na nwuna kayi káyu ɔkplu kalɛ na bukpoku-nwu na bɔdi-nwu lɛlɔ.

Yosua 24:12

Na lɛ́kya-ma liƒu na bayia. Ɔmmɔ ɔsu Amoriƒuɔ baga inyɔ bammɔ békeli ɔni na ɔɔɔdi bina ekpola nábla kabla kadi.

Yosua 4:24

Ɔ́bla ɔmɛni úti ɔ́tina kayawi bekyuli ƒui na banu bati ka ubo ɔyikun geen. Na ɔmɛni ɔdubɔya na bayia Unwoti bana Katɔti uwi biala.”

Yosua 5:1

Amu ka Amoriƒuɔ baga bani nlie bésie Yordan Ketu ɔƒɛ kanukɔ ku Kanaanƒuɔ baga bani nlie ɛpu amadɔ ƒui bénu kalɛ na Unwoti ɔ́ya na Yordan ɔ́kwii na Israelƒuɔ bésie bávi-nwu kemmo ni, liƒu lɛda-ma geen na enu áƒɛ-ma na Israelƒuɔ bamɛni ɔsu.

Yosua 9:10

ku lɛla lɛni na úti ɔ́bla Amoriƒuɔ baga inyɔ bani nélie Yordan Ketu ɔƒɛ katukɔ kakɛ. Na baga bammɔ ndi Ɔga Sihon ɔni nási Hesbon ku Ɔga Og ɔni nási Basan na ɔɔdi lɛga na Astarot.