Yosua 2:1 - Katɔti Ɔku Kedee

¹ Ɔmmɔ kama ni, Nun ubidi Yosua ɔ́tala batu inyɔ badi ɔ́siku Sitim kesii kani bákya. Na ɔ́su-ma ɔnini, “Bɛbɛ bitánu Kanaan kalɔ kammɔ. Ɔni ntulo ƒui ndi ka biduo bana ɔma unengudi ɔni baalɔ banii Yeriko na bɛnu mmɔ kalɛ na use.” Amu ka bétéduo Yeriko ni, bésie bétéduo uleku ɔyalɛ ɔni baalɔ banii Rahab kaduli na bátɛ mmɔ.

Yosua 2:1 ပူးပေါင်းရင်းမြစ်များ

Ala Kalɔ Buse 42:16

Ɔmmɔ ɔsu bɛtala bina akɔ unwi na útákpanku bina ɔnwani ɔnamudi ɔmmɔ uboku. Na bina bakladi bani mebu ni, ndubɔya na bakya-mi aban ɔtɔ wetédu uwi ɔni na bɔ́nu bɔ́ti ka litemi geen na bɛɛsu. Na si ɔɔɔdi lɛni ni, na mɔɔsu-mii na Ƒarao lɛgadi lɛnyi kenye ka batu bani mɔɔwia ala taanu na bɛdi sɔsɔ!”

Ala Kalɔ Buse 42:9

Na mmɔ ni, Yoseƒ únyimo ana ani na anwu ɔlatidi ɔmmɔ úgye dii úbavi ɔ́siku-ma lɛlɔ. Na ɔ́su-ma ɔnini, “Batu bani mɔɔbɛ́ taawia ala kalɔ taanu na bɛdi. Na bíbo bɛnii bɛɛwia bɛti kesii kani na buuubo ɔyikun na bɛsia mmɔ bɛkɛ-bu.”

Mika 6:5

“Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”

Bumomo Bɔka 13:1

Amu na Unwoti ɔ́su Mose ɔnini,

Bumomo Bɔka 13:2

“Die ukyuli unwi unwi na Israel kaba leevu-anyɔ ammɔ batɔnkune akɔ, na besie batánu Kanaan kalɔ kani na lɛ́su ka meti mete Israelƒuɔ mmɔ kemmo banu kalɛ kalɔ kammɔ kese.”

Bumomo Bɔka 25:1

Uwi ɔni na Israelƒuɔ bákya Sitim ni, na ama ku Moab belekubi bése kalɔ baatɛ.

Bumomo Bɔka 33:49

Na báda keliekɔ na Yordan Ketu ɔ́si Bet-Yesimot útédu Abel-Sitim na Moab kalɔ ƒiaa lɛlɔ.

Mateo 1:5

Salmon, Boas ɔni uni ndi Rahab, Obed ɔni uni ndi Rut, Yisai, Ɔga Dawid.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Eƒesoƒuɔ 5:5

Ɔsika amii alati bɛgyi bise ka ukyuli ɔni mɔɔbla lɛnungyie lɛni ndi lɛƒiɔkpa iye ɔni mɔɔbla lɛsɔnɔdi iye lɛyalɛ ni, uuubo kadikɔ kadi na Kristo ku Katɔti lɛgadi kemmo.

Hebriƒuɔ 11:31

Ɔkɛnku bɔƒɔtaadi lɛlɔ ɔsu na bátadu Rahab ɔni ndi ɔyalɛ mmɔ aani kalɛ na bádu bakladi bani nátaƒɔ Katɔti bátadi. Ɔsika Rahab úgyingya enu na ɔ́ƒɔ Israelƒuɔ batu bani nésie baatú kalɔ kammɔ.

Yakobo 2:25

Lɛni kani na ɔ́lɛku Rahab ɔyalɛ ɔmmɔ. Anwu ku Katɔti ntɛ bɔ́dia ɔkɛnku kalɛ na ɔ́ƒɔ Israel batu bani na bátala ɔsu. Úbunku-ma na bábɛ básia ulu bamba bálɛ bana bekisine enu kemmo.

Yosua 1:18

Na ukyuli biala ɔni mata menye-ɔ lɛlɔ na uladi ƒula litemi iye ɔda ɔni na ébo-nwu lɛlɔ ni, bɔdubɔdu-nwu. Mmomu awɔ ni, nye kpakplaa na ese kayi.”

Yosua 2:2

Amu na Yeriko ɔga ɔmmɔ únu ka Israelƒuɔ badi bébo ɔma ɔmɛni usien bébelie mɛni na bávi bánu bula kalɔ ƒui.

Yosua 21:31

ku Helkat ku Rehob ku nina bebuo kɔdikɔ kɔlɔ.

Yosua 3:1

Amu na kadi kégye ɔtanta tutuutu ni, Yosua ku Israelƒuɔ ƒui báta Sitim na bátɔlɔ bétélie Yordan Ketudɔ kesii kani na badubulie asa na bavia ketu kammɔ.

Yosua 5:10

Uwi ɔni na Israelƒuɔ bamu bakya Gilgal na kalɔ kani nwi ƒiaa na Yeriko kudɔ ni, bádi Kukpi Lili Bɔvia limeyi useyi ɔmmɔ na kɔbuli kɔmmɔ limeyi leevu-inedi lɛlɔ.

Litemi Batɛne 1:23

Uwi ɔni na bátala batu badi ka besie batásia Betel ɔni na bátaalɔ banii Lus mɛni anu kaduɛ ni,

Litemi Batɛne 18:14

Amu ka nkyuli ɛlɔ bani nétéyu Lais ɔma bánu mmɔ ni, básu bana banwani banini, “Bɛgyi ka kaduli kadi kakya mɛni kani na bánwi baƒiɔ badi na béti sika ɔƒualadi bákwa-nwu, na baƒiɔ bamba lɛnɔ ku ɔkpane awu gyɔlɔɔ lɛnɔ bese mmɔ? Bi ndi bina kasusu na lɛla lɛni na ɔlɛka bɔbla lɛlɔ?”

Litemi Batɛne 18:17

Na bana ɛlɔ bani na bátala mmɔ ama amu ni, bésie siin na bétéduo kaduli kammɔ kemmo na béti baƒiɔ bani bánwi na béti sika ɔƒualadi bákwa-nwu ku baƒiɔ bamba bani nse mmɔ ku ɔkpane awu gyɔlɔɔ. Nsu ɔkpane ɔmmɔ ku bekpone eti leevu-anyɔ bani nátu akpagya mmɔ ama amu ni, benye kaduli kammɔ kayakun.

Litemi Batɛne 18:2

Anwuɔsu Dan kɔdua bekyuli bamɛni bédie bekpone ɛlɔ básiku bana kaduli kemmo na bási Sore ku Estaol lɛma kemmo. Na bébo-ma ɔda ka besie na betéyu bana kalɔ kammɔ banu. Bekyuli bamɛni benye béte kaba kammɔ ɔtɔ bekyuli ƒui. Ka bétéduo ɔma ɔni nwi Eƒraim abi eli ni, bátálɛlɛ Mika kaduli.