Yosua 18:16 - Katɔti Ɔku Kedee

¹⁶ Na údeyi ɔkɛ kɔbi kɔni ntɛ Hinom úsie utédu Reƒaiƒuɔ Kɔwɛ kemmo na katɔ kakɛ. Na údeyi ɔkɛ Hinom utédu kɔwɛ úsie Yebusiƒuɔ kada ntɛ, na ɔ́kanti ɔkɛ En-Rogel.

Yosua 18:16 ပူးပေါင်းရင်းမြစ်များ

Samuel 2 17:17

Ɔƒɛni Yonatan ku Ahimas bakya kesii kani baalɔ banii En Rogel. Na ulekubi kabla ɔblane ɔdi na ɔlɛka usie utásu-ma na ama beti kenye kammɔ besienku Dawid. Ɔsika utalɛka banu-ma ka beeduo Yerusalem ɔma kemmo.

Samuel 2 5:18

Na uwi ɔni na Dawid ɔ́bɛ ɔkya mmɔ ni, únu ka Ƒilistiƒuɔ bésie bétégyingya bakya Reƒaiƒuɔ Kɔwɛ kemmo.

Baga 1 1:9

Amu na Adonia ɔ́du baƒonu ku ɔmantɛ bakɔ ku bana bebi bani nélie lɛmwi na Sohelet lɛkpabi lɛni nde En-Rogel kudɔ. Na ɔ́lɔ ɔga bebi bammɔ ƒui bani ndi nwuna banwani ku Yudaƒuɔ banana bani ndi bagadine benengu,

Baga 2 23:10

Na Ɔga Yosia ɔ́sɔ úbie Toƒet ɔni nnkya Hinom Kɔwɛ kalɛ na ukyuli biala ɔ́sɔ ulákɛ kuƒi na uti ubidi ulekubi iye ɔnanabi utábla bɔkyula akpala ute Molek baƒiɔ lɛnɔ.

Ala Alɛdi 1 14:9

Ɔƒɛni ni, Ƒilistiƒuɔ bébo bakya Reƒaim Kɔwɛ kemmo na bakya beebile ala na mmɔ.

Ala Alɛdi 2 28:3

Ɔ́bla akpala úte ala bamba na kesii kani baalɔ banii Ben-Hinom Kɔwɛ kemmo. Na ɔni na utulo ƒui ndi ɔni na ɔsiaku kadi bamba ɔbladu kama na úti ubidi ɔnanabi ɔ́kyula ɔ́kpa. Na ɔmmɔ ɔdi lɛla lɛni muusé Katɔti lɛlɔ geen. Anwuɔsu na ɔ́bɔku-ma ɔ́lɛku Israel kɔlɔ kemmo.

Ala Alɛdi 2 33:6

Ɔ́kyula nwuna bebi bananabi ɔ́kpa na Ben Hinom Kɔwɛ kemmo. Na uubó like na ɔɔbla evo ala na ɔɔkpali bekpine ku ayu bamba na ɔ́bla ekpidi bonwu bonwu lidu lidu na Unwoti anumi na ɔ́ya na Unwoti úti kɔnyi geen.

Yesaia 30:33

Na ɔ́si kukuuku ni, Katɔti ɔ́ɔklibi kesii kadi úse úte Asiriaƒuɔ baƒiɔ bani na baatu lili aani ɔga ɔni ndubo bukpi. Na ogya ɔmɛni kasalakɔ kadi ubu voo ɔni na nwuna kemmo kábɛbɛ na bátɛ ekyweni bése béte-nwu. Na ogya agyabi ku ɔnyi ɔni na Katɔti ɔdubɔnwuna ɔlɛku nwuna lɛlɔ kemmo na ɔdubuti ɔtu ɔkya ekyweni ammɔ.

Yeremia 19:11

Na asu-ma ka lɛ́su lɛnɔ nnini, ‘Ami ndi Unwoti Ɔyikune Ƒui na mɔɔsu-mii kpakplaa ka ndubo Yuda ku Yerusalem kadi ku kalɔ kammɔ bɔbwɛ aani kalɛ na libui lɛmɛni lɛ́bwɛ na bɔsa bɔsɔ buuubo-ni lɛlɔ. Na Toƒet mɛni na bɛdubo bina bekpine bɔva. Na bina akɔ pii bɛdubo bukpi ɔni na kalɔ kasɔ kaaadubo bɔkya na bava bina ƒui.

Yeremia 19:2

Na bisie Hinom Kɔwɛ kemmo na kesii kani baalɔ banii kavɔ abwɛdi ɔban kenye na asu bekyuli bammɔ anii ami nnini,

Yeremia 19:6

Anwuɔsu binye kagyumana! Limeyi lɛdi lɛdubo ɔni na basɔ baaadubo mɛni bɔlɔ banii Toƒet iye Hinom Kɔwɛ. Mmomu badubɔlɔ mɛni banii Bekyuli Kadukɔ Kɔwɛ!

Yeremia 32:35

Na báya na Yuda lɛnɔ únwini alaekpidi ɔblane, ɔsika bátu ekpo ekpo bálɛ Ben-Hinom Kɔwɛ kemmo ka bataakpa Baal baƒiɔ. Na béti mmɔ bénwini kesii kani na baadú bana bebi bananabi ku belekubi taakyula taakpa Molek baƒiɔ. Na ami ńtabla kasusu kamɛni udu kudii muedi ka babla ɔmɛni udu bete-mi.

Yosua 15:63

Na Yebusiƒuɔ bani nli Yerusalem ama ni, Yudaƒuɔ bátakana na babɔku-ma. Anwuɔsu Yebusiƒuɔ ku Yudaƒuɔ baamu beli Yerusalem bébedu ɔmwi limeyi lɛmɛni.

Yosua 18:28

ku Sela ku Ha-Eleƒ ku Yerusalem kesii kani na Yebusiƒuɔ bélie, ku Gibeat ku Kiriat-Yearim. Lɛdi lɛma leevu-ine ku nina akpaklɔ. Na ɔmɛni ndi kalɔ kani na béte Benyamin kaba bekyuli.

Litemi Batɛne 1:21

Nsu Benyamin kɔdua bekyuli ama bátakana Yebusiƒuɔ bɔbɔku bɔlɛku Yerusalem mmɔ, anwuɔsu ama ku Benyamin kɔdua bekyuli bamu belie mmɔ úbedu ɔmwi kadi.

Litemi Batɛne 1:8

Amu na Yuda kɔdua bekyuli báta na bétékpoku Yerusalemƒuɔ, na béƒie-nwu báƒɔ. Na bádu-ma ƒui ku kuwii, na bátu ogya bakya ɔma ɔmmɔ.

Litemi Batɛne 19:10

Nsu ɔnana ɔmɛni úni ɔnii ɔsɔ ulatɛ. Ɔmɛni ɔsu anwu ku ulekudi ku kabla bablane ku nwuna bebuo ala betine inyɔ báta na béti anumi bátina Yebus ɔni baalɔ banii Yerusalem.