Yosua 15:7 - Katɔti Ɔku Kedee

⁷ Na ɔ́si Akor Kɔwɛ lɛlɔ útédu Debir na ɔ́bu ɔkɛ útédu Gilgal Adumim ulu ubendi na Akor Kɔwɛ kada kakɛ. Na ɔ́vi ɔ́kɛ En-Semes Ketu kenye na úti útédu En-Rogel.

Yosua 15:7 ပူးပေါင်းရင်းမြစ်များ

Samuel 2 17:17

Ɔƒɛni Yonatan ku Ahimas bakya kesii kani baalɔ banii En Rogel. Na ulekubi kabla ɔblane ɔdi na ɔlɛka usie utásu-ma na ama beti kenye kammɔ besienku Dawid. Ɔsika utalɛka banu-ma ka beeduo Yerusalem ɔma kemmo.

Baga 1 1:9

Amu na Adonia ɔ́du baƒonu ku ɔmantɛ bakɔ ku bana bebi bani nélie lɛmwi na Sohelet lɛkpabi lɛni nde En-Rogel kudɔ. Na ɔ́lɔ ɔga bebi bammɔ ƒui bani ndi nwuna banwani ku Yudaƒuɔ banana bani ndi bagadine benengu,

Yesaia 65:10

Na Saron ɔdubunwini bebuo kadikɔ kabuni ute bana bebuo. Na Akor Ɔkwalɛ bonwu ɔmmɔ ɔdubunwini kesii kani na bebuo bammɔ badubo butaatɛ taanwuna ute mina bekyuli bani mɔɔwia-mi kama ulu.

Hosea 2:5

Bina uni útada udu buni. Útaalɛ-mi kama, na ɔ́su ɔnini, ‘Ndubɔsiaku mina basɔnɔ kama, ɔsika ama muute-mi adila ku ntu ku adala abuni ku ana lidu bamba lɛnɔ ku nnɔmii ƒɛƒɛɛ ku ntɛ buni.’

Yosua 10:43

Ka békpo bawɔlɔ ni, Yosua ku nwuna bekpone básɔ bénwini bésie Gilgal na bana kakyakɔ.

Yosua 15:15

Na Kaleb úse útékpoku Debirƒuɔ. Na kuuku ni, Debir na bátaalɔ banii Kiriat-Seƒer.

Yosua 15:6

Na ɔmii ɔmmɔ ɔ́kɛ útédu Bet-Hogla na katɔ kakɛ útásia Bet-Araba. Na ɔkɛ mmɔ útédu Ruben ubidi Bohan lɛtakpɛ.

Yosua 18:17

Na údeyi ɔkɛ katɔ kakɛ, na ɔkɛ En-Semes, na ɔkɛ úsie Gelilot, na ɔ́kɔ úsie Adumim Kɔwɛ na ɔ́bu úsie Ruben ubidi Bohan lɛtakpɛ lɛlɔ.

Yosua 4:19

Na bekyuli bammɔ ƒui bávia Yordan Ketu kammɔ báwɔlɔ na kɔbuli kudeedi limeyi leevudi lɛlɔ. Na bételie ɔma ɔni baalɔ banii Gilgal na Yeriko ɔƒɛ katukɔ kakɛ.

Yosua 7:24

Ɔmmɔ kama Yosua ku Israelƒuɔ béƒie Akan ku bebi bananabi ku belekubi ku nwuna ɔmantɛ bakɔ ku baƒonu ku bebuo beblidi ala betine bani na ubo ku sika ɔƒualadi ku awu gyɔlɔɔ ku sika ugyiedi ugyii ku nwuna kevo ku ala ani nse-nwu, na béti anwu ku ala ammɔ ƒui bésienku kɔwɛ kɔni baalɔ banii Akɔ nwuna kalɔ ndi Lɛbibo Kɔwɛ.

Yosua 7:26

Na bála atabi lisu pim lɛdi bálɛ Akan lɛlɔ. Na atabi lisu lɛmmɔ lɛlɛ mmɔ úti úbedu ɔmwi. Ɔmmɔ ɔsu na baalɔ kesii kammɔ banii Lɛbibo Kɔwɛ. Na ɔmɛni ɔ́ya na Unwoti kɔnyi kati kati kɔmmɔ kɔyɔ.