Yosua 14:6 - Katɔti Ɔku Kedee

⁶ Limeyi lɛdi ni, bekyuli bani nási Yuda kaba kemmo bébo Yosua kudɔ na Gilgal. Na bekyuli bammɔ kemmo unwi ndi Kaleb ɔni ndi Yeƒune ubidi ɔdi Kenesini. Na úbasu Yosua ɔnini, “Agyi lɛla lɛni na Unwoti ɔ́su Mose, nwuna kabla ɔblane, uwi ɔni na bɔ́kya Kades-Barnea na ami ku-ɔ lɛlɔ.

Yosua 14:6 ပူးပေါင်းရင်းမြစ်များ

Baga 1 13:1

Na Unwoti ɔda bubo kenye ni, kenye udiene ɔdi ɔ́si Yuda úsie Betel uwi ɔni na Yerobeam unye lɛkpabi anumi ka ɔbla akpala.

Baga 1 13:14

Na ɔ́sia kenye udiene ɔni nátɔlɔ mmɔ kama. Na útánu-nwu ka úlie kugyii kubendi kɔdi kalɔ. Amu na úye-nwu ɔnini, “Awɔ ndi kenye udiene ɔni nási Yuda?” Amu na údie kenye ɔnini, “Ami mmɔ.”

Baga 2 4:16

Mmɔ na Elisa ɔ́su uleku ɔmmɔ ɔnini, “Lɛkwa lɛni ndubo aani ɔƒɛni kalɛ bene ni, awɔ lɛnɔ adubɔgyu ƒula kaƒɔ ubi ada enu kemmo.” Amu na uleku ɔmmɔ úkeyi lɛlɔ na údie kenye ɔnini, “Ati, buvele nda-a, tatɔlɔ-mi, ɔsika Katɔti ukyuli na adi.”

Baga 2 4:42

Uwi ɔdi kama ni, ɔnana ɔdi ɔ́si Baal-Salisa na ɔda kakpa bodobodo uƒidi aavlanyɔ ku kakpa kɔkpasa kɔwɔdi kudeedi kɔni na ɔ́ƒɛ. Na Elisa ɔ́su nwuna kabla ɔblane ɔnini, “Ti bodobodo ɔmmɔ te bekyuli bammɔ na badi.”

Baga 2 4:9

Amu na uleku ɔmmɔ ɔ́su ɔgyani ɔnini, “Ngyi ka ɔnana ɔni muubo-bu kudɔ mɛni taatɔlɔ ni, ɔdi Katɔti ukyuli kedee.

Baga 2 8:11

Na Elisa unye ɔɔnu Hasael ɔnusɛ lɛni laa útédu ka kɔƒa kúkpo Hasael. Ɔmmɔ kama Katɔti ukyuli ɔmmɔ úsie kalɔ uuwulo.

Baga 2 8:7

Limeyi lɛdi ni, Elisa úsie Damasko, na Siriaƒuɔ Ɔga Ben-Hadad uuƒi. Na básu ɔga banini, “Katɔti ukyuli ɔmɛni ɔ́si ɔgyu kakaaka ƒui úbo ɔkya mɛni.”

Ala Alɛdi 1 23:14

Na Mose ɔni ndi Katɔti ukyuli ɔƒunadi bebi bani na ɔ́wɔ ndi Gersom ku Eliese na bana kaba kemmo bebi na baanu aani Lewiƒuɔ.

Kɔgya 90:1

O Unwoti, ƒula kudɔ ndi bula kaba bekyuli keliekɔ ɔ́si kukuuku ƒui.

Yeremia 35:4

Lɛ́kpanku-ma líboku kakpakɔ kaduli kemmo na lítiku-ma lísienku ɔtɔ ɔni mma batɛyane bani nsiaku Igdalia ubidi Kenye Udiene Hana ɔdi lɛlɔ. Ɔtɔ ɔmɛni ɔdi katu taasia ɔtɔ ɔni nsia kakpakɔ kammɔ bakpane benengu akɔ unwi ɔni baalɔ Maaseia ɔdi lɛlɔ.

Bumomo Bɔka 13:26

Amu na batalane bammɔ ƒui bénwini bébo na básala Mose ku Aaron ku Israelƒuɔ ƒui lisu na Paran ketele kalɔ kakwiidi kemmo na Kedes. Mmɔ na básu-ma ala ani bánu na béti egyiibi ani béde na kalɔ kammɔ lɛlɔ adi bátina-ma.

Bumomo Bɔka 13:30

Mmɔ na Kaleb údie lɛdi na ɔ́ya na bekyuli bammɔ bába lɛsɛ na Mose anumi na ɔ́su-ma ɔnini, “Bɛya na busie butéti kalɔ kammɔ, ɔsika bɔdubɔkana bukpo na bɔdi-ma lɛlɔ.”

Bumomo Bɔka 13:6

Yuda kaba kemmo ukyuli ndi Yeƒune ubidi Kaleb.

Bumomo Bɔka 14:24

Nsu ka mina kabla ɔblane Kaleb anwu úbo kɔyu kɔni návumana na úti nwuna kayi ƒui ɔsiaku-mi kama ɔsu ni, ndubuti anwu ku nwuna kaba bekyuli na betéduo kalɔ kammɔ kemmo na badubo kalɔ kammɔ ala bɔdi.

Bumomo Bɔka 14:6

Na Nun ubidi Yosua ku Yeƒune ubidi Kaleb bani mbunku bekyuli bani nésie bátávi bánu kalɔ kammɔ báni bana lɛwu bábwɛ.

Bumomo Bɔka 26:65

Ɔsika Unwoti ɔ́su Israelƒuɔ bammɔ ka ɔdi biala ɔdubukpi ɔkya ketele kammɔ kemmo. Na sɔsɔ ɔdi biala útebu uuulie ngba ntu Yuƒune ubidi Kaleb ku Nun ubidi Yosua kani.

Bumomo Bɔka 32:12

Ɔdi biala ulanu-ka amu ntu Kenesini Yeƒune ubidi Kaleb ku Nun ubidi Yosua lɛti, ɔsika ama kani néti bana kayi ƒui básiaku Unwoti kama.’

Lɛkpa Ulu 33:1

Ɔmɛni ndi kusɛ kusɛ ɔni na Katɔti Kenye Udiene Mose úte Israelƒuɔ asa na úkpi. Ɔ́su ɔnini,

Lɛkpa Ulu 34:10

Na Katɔti kenye udiene ɔdi útakya Israel kudii aani Mose kalɛ. Na Unwoti útaatɛmi-ku Mose anumi ku anumi.

Lɛkpa Ulu 34:5

Anwuɔsu Mose ɔni ndi Unwoti kabla ɔblane úkpi na Moab kalɔ lɛlɔ mmɔ. Na úbo úte aani kalɛ kani na Unwoti ɔ́su-nwu.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Timoteo 2 3:17

Bénweni-nya kalɛ na ukyuli biala ɔni néti lɛlɔ úte Katɔti wamanku na ɔklibi-nwu ute ala abuni bɔbla.

Yosua 10:43

Ka békpo bawɔlɔ ni, Yosua ku nwuna bekpone básɔ bénwini bésie Gilgal na bana kakyakɔ.

Yosua 14:14

Anwuɔsu Yeƒune ubidi Kaleb ɔni nási Kenesin kaba kemmo ni, anwu mɔɔdi Hebron ɔ́si uwi ɔmmɔ kemmo. Ɔsika Kaleb ɔ́di Unwoti ɔnii ndi Israelƒuɔ Katɔti litemi lɛlɔ ku kayi ƒui ɔsu.

Yosua 15:17

Amu na Kaleb ɔnwani Kenas ubidi ɔni baalɔ Otniel útékpo na ɔ́di ɔma ɔmmɔ lɛlɔ. Na Kaleb úti ubidi Aksa úte-nwu na úti.

Yosua 4:19

Na bekyuli bammɔ ƒui bávia Yordan Ketu kammɔ báwɔlɔ na kɔbuli kudeedi limeyi leevudi lɛlɔ. Na bételie ɔma ɔni baalɔ banii Gilgal na Yeriko ɔƒɛ katukɔ kakɛ.