Yosua 14:12 - Katɔti Ɔku Kedee

¹² Anwuɔsu ti kalɔ ku lɛma lɛni nwi abi lɛlɔ te-mi aani kalɛ na Unwoti úse kenye úte-mi limeyi lɛni na ami ku mina bekyuli búnwini búbeduo mmɔ. Ɔsika limeyi lɛmmɔ ni, énye mmɔ na énu kalɛ na básu kalɛ na bekyuli kangyaa bani nli mmɔ bese ku kalɛ bátu bana awodu bonwu báka bamana lɛma lɛmmɔ. Nsu lɛ́ƒɔ lɛ́di ka Unwoti ɔdubunyeku-mi na lɛbɔku-ma na bekeli balɛ aani kalɛ na use kenye úse.”

Yosua 14:12 ပူးပေါင်းရင်းမြစ်များ

Baga 2 19:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Ala Alɛdi 2 14:11

Amu na Asa ɔ́kpali úvele ɔnini, “Unwoti Katɔti awɔ kani ndubɔkana na ebunku bekpone bani neeebo ɔyikun na badi bani na bebo ɔyikun lɛlɔ. Anwuɔsu ƒula lɛlɔ na bula anu asia ka ebunku-bu. Na bɔdubo bekpone bani mbo ɔyikun geen mɛni bukpoku buti bute ƒula lɛnyi ɔbu. Na bɔgyi ka ulakana na wadi-ɔ lɛlɔ, ɔsika awɔ ndi Unwoti bula Katɔti.”

Kɔgya 44:3

Na ɔɔɔdi bula bati bamɛni nékpo ku bana kuwii asa báƒɔ kalɔ kamɛni bése iye bana enu kabla kadi na béti badi-ma lɛlɔ. Mmomu awɔ nnye mmɔ na ábla ala ebendi ku ƒula ɔyikun na átina ka aayɔ́-ma.

Kɔgya 60:12

Na ɔkɛnku Katɔti lɛlɔ ni, bɔdubɔdi lɛlɔ. Ɔsika anwu ndubɔnya bula bekisine ususu kalɔ.

Bumomo Bɔka 13:28

Nsu bɔɔsu-ɔ ka bekyuli bani nlie mmɔ ni, bebo ɔyikun geen, na bana lɛma linengudi ƒui lɛnɔ bátu awodu bámana-ni. Na mmɔ muedi na bɔ́nu Anak kaba bekyuli.

Bumomo Bɔka 13:33

Na bɔ́nu bekyuli bani náta katɔ na bási Anak kaba kemmo muedi na mmɔ. Na abu buse na buse aani bakpɔtilikpɔ na bana anumi. Na lɛni na badubo-bu bɔnu.”

Bumomo Bɔka 21:34

Amu na Unwoti ɔ́su Mose ɔnini, “Tayia bekyuli bammɔ, ɔsika líti ɔga ɔmmɔ ku nwuna bekpone ku kalɔ kammɔ ƒui lɛ́kya-a enu kemmo na kalɛ na ábla Sihon ɔni ndi Amoriƒuɔ ɔga ɔni nádi lɛga na Hesbon lɛni kani na ɔlɛka abla Ɔga Og.”

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Lɛkpa Ulu 1:28

Na bɛ́sɔ bɛ́su bɛnii, “Wɛ bɔdubusie ɔƒɛni? Ɔsika bekyuli bani na bɔ́tala mmɔ básu-bu ka bekyuli bani nkya mmɔ bebo ɔlɔkplu na bákuku betulo-bu. Na belie lɛma libendi lɛni nina awodu ákuku ésie kayaa. Na bɔ́nu bekyuli bani na baalɔ-ma Anakƒuɔ lɛnɔ ka bakya mmɔ.”

Lɛkpa Ulu 9:1

Bise atu na binu! Ɔmwi limeyi lɛmɛni lɛlɔ ni, bɛdubo Yordan Ketu bɔvia na bisie bitáƒɔ kalɔ kani na kana bekyuli bemomo na bebo ɔyikun betulo-mii binwini bina kadikɔ. Na bana lɛma linengudi líbomo kaduɛ na lɛma lɛmmɔ awodu ákuku ésie kayaa geen.

Lɛkpa Ulu 9:3

Nsu ɔƒɛni amii ɔlati bɛdubo bɔnu ka bina Unwoti Katɔti ɔdubo bɔgyu bɔtɔ-mii anumi aani ogya ɔni mɔɔkyula ala kalɛ. Na ɔdubo-ma udu bɔyila na ɔdi-ma lɛlɔ uwi ɔni na bɛ́kpɛ bíde-ma kalɛ na bɛkɛ kuƒi na bɛbɔku-ma bɛlɛku bana lɛma. Na ɔdia na bɛyila-ma udu pla aani kalɛ úse kenye úse.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Hebriƒuɔ 11:33

Ɔkɛnku bɔƒɔtaadi lɛlɔ ni, bana badi békpo na bádi lɛga kadikɔ lɛlɔ. Na badi báya na bekyuli baabla ala ulu lɛlɔ. Na badi kɔnu kútuku Katɔti linyese lɛmmɔ. Na badi bákalɛ bagyata inye.

Yosua 15:14

Na Kaleb ɔ́bɔku Anak bawɔ ɛtɛ ku bana kaba bekyuli ɔ́lɛku ɔma ɔmmɔ kemmo. Na bawɔ bammɔ ndi Sesai ku Ahiman ku Talmai.

Litemi Batɛne 1:20

Béti Hebron kalɔ béte Kaleb aani kalɛ na Mose úbo-ma ɔda úse, ɔsika Kaleb ɔmmɔ nékpoku Anak bebi ɛtɛ kaba bekyuli bani nélie mmɔ na ɔ́bɔku-ma ɔ́lɛku mmɔ.

Samuel 1 14:6

Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”