Yosua 14:11 - Katɔti Ɔku Kedee

¹¹ Nsu lɛ́mu mbo ɔlɔkplu kaduɛ úti úbedu ɔmwi. Na kalɛ kani na mbo ɔlɔkplu asa na Mose ɔ́tala-mi ni, ɔyikun ɔmmɔ ɔmu ɔkya-mi lɛni kani. Na lɛni kani na mbo ɔyikun na lisie kekpokɔ ɔƒɛni kalɛ kani na úse-mii kuuku.

Yosua 14:11 ပူးပေါင်းရင်းမြစ်များ

Kɔgya 103:5

Uute-mi ala abuni ani mɔɔwia na mina ngba emeyi kemmo na eedú-mi. Na ɔɔyá na mina ɔyikun ɔɔbla ɔwɔdi aani kɔdigbo aasɛ kalɛ.

Kɔgya 90:10

Na bula ngba emeyi ƒui adubɔbla aani akwa liti ku aavlanyɔ kani. Na si ɔlɔkplu ɔkya ukyuli ɔdi ni, na ɔdubulie utédu akwa liti ku avlaatɛ. Na ɔmmɔ muedi aatí ka bɔnɔ ku lɛbibo lɛti kani na ɔdi-nwu. Ngba buuubo bɔsa na abu ɔdi ɔvi.

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Lɛkpa Ulu 31:2

“Ɔƒɛni mina akwa éedu eti anyɔ ku aavlanyɔ-inyɔ na nsɔ naaakana-mii bɔtɔnku lɛnɔ. Na Unwoti ɔ́su-mii lɛnɔ ka lɛɛɛdubo Yordan Ketu kamɛni bɔvia.

Lɛkpa Ulu 33:25

Na beti abuala ani mbo ɔkplu geen bagyumana bina lɛma kɔyakun. Na ɔyikun ɔkya bina bekyuli akɔ.

Lɛkpa Ulu 34:7

Na Mose ɔ́kɛ akwa eti anyɔ ku aavlanyɔ asa na úkpi. Na asa na wekpi ni, na ɔmu ubo ɔlɔkplu kaduɛ na ɔmu ɔɔnu kaduɛ lɛnɔ.

Yosua 14:10

“Nsu nu! Akwa aavlene-alɔ kemmo na bɔkya mɛni ka Unwoti ɔ́su Mose litemi lɛmɛni. Uwi ɔmmɔ kemmo na bɔ́mu bɔkɛ kalɔ kakwiidi kemmo. Na ka Unwoti ɔɔdi nwuna litemi lɛlɔ ɔsu ni, lɛ́mu nli ngba úti úbedu ɔƒɛni. Aanu-mi ɔmwi! Lɛ́ɛkɛ akwa liti ku avlaatɛ-alɔ sɔɔn.