Yosua 13:9 - Katɔti Ɔku Kedee

⁹ Na bana lɛmii lisie lítédu Aroer ɔni ntɛ útédu Arnon Kɔwɛ kemmo ku ɔma ubendi ɔni nkya kɔwɛ kɔmmɔ ntɛ ku kɔbi lili kalɔ kani nwi ƒiaa ɔ́si Medeba laa útédu Dibon

Yosua 13:9 ပူးပေါင်းရင်းမြစ်များ

Samuel 2 24:5

Ka bávia Yordan Ketu ni, báda keliekɔ na Aroer na bási mmɔ bésela ɔma ɔni nkya kɔwɛ ntɛntɛ útédu Gad kalɛkɛ úsela Yaser kakɛ.

Ala Alɛdi 1 19:7

Na báƒɔ bekpone bani muulie kɛɛkɛ kemmo nkyuli mpim avlaatɛ-inyɔ úbunku bana Maaka ɔga ku nwuna bekpone na bábada keliekɔ na kesii kani baalɔ Medeba. Na Amonƒuɔ lɛnɔ báda bana lɛma bése na bábaklibi lɛlɔ béte ka bekpo.

Nehemia 11:25

Na bekyuli pii bani nli lɛma lɛni nde bana mmo ndi bekyuli bani nási Yuda kaba kemmo. Na belie Kiriat-Arba ku Dibon ku Yekabseel ku akpaklɔ ani nde lɛma libendi lɛmmɔ.

Yesaia 15:2

Dibon ɔma bekyuli bákɔ bésie kɔbi lɛlɔ, na bana baƒiɔ kɔdu, na Moab kalɔ bekyuli ƒui béwulo na Medeba ɔma lili. Békpeyi bana eli ku kuduo ƒui.

Yeremia 48:18

“Amii bekyuli bani nkya Moab ɔma unengudi ɔni baalɔ Dibon, bekyuli basɔ baaadubo-mii bɔbu. Anwuɔsu bɛɛnu bina liboku na lɛti akɔ mmɔ. Bina bekisine badubo bina awodu bubo bɔƒɛ si uwi ɔni na beekpóku-mii.

Yeremia 48:22

Dibon ku Nebo ku Bet-Diblataim,

Yeremia 48:8

“Bina ɔma ɔdi biala ɔɔɔdubo bubu na balabwɛ-nwu. Ɔsika lɛ́su bina bekisine nnini, ‘Bɛkpala Moab Kɔwɛ kɔmmɔ kemmo ku kalɔ ƒiaa kammɔ ƒui bekyuli bidie-ka lɛlɔ.’

Bumomo Bɔka 21:30

Nsu búgyingya-ma ƒui na Hesbon ɔ́yii udu útédu Dibon. Na bɔ́yila-ma butédu Noƒa laa útédu Medeba.”

Lɛkpa Ulu 2:36

Na ɔdanku ɔ́si Aroer ɔni ntɛ Arnon Kɔwɛ kenye ku lɛma lɛni nkya mmɔ ƒui úti útédu Gilead. Ɔma biala uuubo ɔni bútadi-ma lɛlɔ. Bula Unwoti Katɔti úti lɛma lɛmmɔ ƒui ɔ́kya-bu enu kemmo.

Lɛkpa Ulu 3:12

Uwi ɔni kemmo búkpo bɔƒɔ kɔlɔ kɔni mɔɔsu mɛni ni, líti kalɔ kani nkya Aroer katɔ kakɛ kani nde Arnon Kɔwɛ ku Gilead abi lɛlɔ kalɔ ntɛ bule lɛma lɛni nkya-ni kemmo líte Ruben kɔdua bekyuli ku Gad kɔdua bekyuli.

Lɛkpa Ulu 3:16

Na Ruben kɔdua bekyuli ku Gad kɔdua bekyuli ni, líti kalɔ kani nwi ɔ́si Gilead úti ɔɔyu útédu Arnon Kɔwɛ úti útédu Yabok Ketu ɔni ndi Arnon bebi ɔmii líte-ma.

Yosua 12:2

Na Amoriƒuɔ baga inyɔ bammɔ kemmo unwi ndi Ɔga Sihon na úlie Hesbon ɔdi lɛga. Sihon ɔmɛni ɔɔdi lɛga ɔ́si Arnon Kɔwɛ kemmo útédu Yabok Ketu kemmo kesii kani na Amoriƒuɔ ɔmii ɔtɛ.

Yosua 13:10

ku lɛma lɛni ndi Amoriƒuɔ ɔga ɔni baalɔ Sihon ɔni nádi lɛga na Hesbon úti útédu Amonƒuɔ ɔmii lɛlɔ.

Yosua 13:16

Na kalɔ kammɔ kási Aroer ɔni ntɛ úsie Arnon Kɔwɛ kemmo ku ɔma ɔni nkya kɔwɛ kɔmmɔ ntɛ ku abi eli ku kalɔ kani nwi ƒiaa na kásia Medeba.

Yosua 13:8

Na kalɔ kani nkya késie Yordan Ketu ɔƒɛ katukɔ kakɛ ni, Mose ɔni ndi Unwoti kabla ɔblane úle kalɔ kammɔ úte Ruben kaba ku Gad kaba ku Manase kaba bekyuli kakɛ kani nébu.