Yosua 13:8 - Katɔti Ɔku Kedee

⁸ Na kalɔ kani nkya késie Yordan Ketu ɔƒɛ katukɔ kakɛ ni, Mose ɔni ndi Unwoti kabla ɔblane úle kalɔ kammɔ úte Ruben kaba ku Gad kaba ku Manase kaba bekyuli kakɛ kani nébu.

Yosua 13:8 ပူးပေါင်းရင်းမြစ်များ

Bumomo Bɔka 32:19

Na abu bulawia kadikɔ kadi bulásiku-ma kudɔ na Yordan ɔvi ɔmmɔ. Ɔsika abu bɔ́ɔkɛ bula kadikɔ na Yordan ɔƒɛ katukɔ kakɛ.”

Lɛkpa Ulu 3:8

Anwuɔsu uwi ɔmmɔ kemmo ni, búkpo bɔ́ƒɔ lɛmii lɛni nkya Yordan Ketu ɔƒɛ katukɔ kakɛ bɔ́lɛku Amoriƒuɔ baga inyɔ bammɔ enu kemmo. Úti ɔ́si Arnon Kɔwɛ ɔvi útédu Hermon Kɔbi lɛlɔ.

Yosua 12:1

Israelƒuɔ békpo bádi baga inyɔ badi lɛlɔ. Na béti bana kɔlɔ kɔni nwi Yordan Ketu úti úsie ɔƒɛ katukɔ na ɔ́si Arnon Kɔwɛ útédu Hermon.

Yosua 12:6

Na baga inyɔ bamɛni na Mose ku Israelƒuɔ békpo na bádi-ma lɛlɔ. Na Mose ɔni ndi Unwoti kabla ɔblane úti kalɔ kammɔ úte Rubenƒuɔ ku Gadƒuɔ na úti kalɔ kammɔ kakladi lɛnɔ úte Manase kaba bekyuli kakɛ kenwi.

Yosua 13:7

Na ele kɔlɔ kɔmmɔ ete Israel kaba yaalenwi bakladi bani nebu. Na ele kɔdi ete Manase kaba kakɛ kakladi. Na bana ɔdi biala ɔkɛ nwuna kadikɔ.”

Yosua 13:9

Na bana lɛmii lisie lítédu Aroer ɔni ntɛ útédu Arnon Kɔwɛ kemmo ku ɔma ubendi ɔni nkya kɔwɛ kɔmmɔ ntɛ ku kɔbi lili kalɔ kani nwi ƒiaa ɔ́si Medeba laa útédu Dibon

Yosua 22:4

Na aani kalɛ na ɔ́su úse ni, bina Unwoti Katɔti ɔ́ya na kaba kammɔ ƒui bákɛ atu bɔyɔ. Anwuɔsu bɛsɔ binwini na biteesie bitélie bina kalɔ lɛlɔ. Na bitélie kalɔ kani na Unwoti kabla ɔblane Mose úti úte-mii aani bina kadikɔ na Yordan ɔƒɛ katukɔ mmɔ.”

Yosua 4:12

Asa na bávia Yordan Ketu ni, Ruben ku Gad ku Manase kaba kakɛ banana baklibi lɛlɔ bese bete kekpo na ama bagyu batɔ bakladi aani kalɛ na Mose ɔ́su-ma use.

Samuel 1 13:7

Israelƒuɔ bammɔ badi muedi bávia Yordan Ketu bonwu kammɔ bésie Gad ku Gilead kalɛkɛ. Na Saul ku bekpone báƒɔ lɛlɔ bakya Gilgal ɔni na liƒu lɛɛda-ma na lɛlɔ lɛɛtɔ́-ma geen.