Yosua 13:22 - Katɔti Ɔku Kedee

²² Na bekyuli bani na Israelƒuɔ bádu ndi Bileam ɔni na uubó like na ɔdi Beor ubidi.

Yosua 13:22 ပူးပေါင်းရင်းမြစ်များ

Bumomo Bɔka 23:23

Na like ubone udu biala ɔdi uuubo na beti-nwu na ɔsu ukpidi na Israelƒuɔ lɛlɔ. Ɔƒɛni lɛni na bekyuli badubɔsu na Israelƒuɔ lɛlɔ, ‘Bɛnu lɛla lɛni Katɔti ɔ́bla!’

Bumomo Bɔka 24:1

Ɔƒɛni ka Bileam ɔ́nu ɔ́ti ka ɔ́da Unwoti kubiti ka úte Israelƒuɔ kusɛ kusɛ ni, ɔsɔ útebo like lɛdi aani kalɛ na ɔɔyɔ́ bɔbla, anwuɔsu únwini anumi ɔ́tina kalɔ kakwiidi kammɔ.

Bumomo Bɔka 24:14

Amu na Bileam ɔ́su Balak ɔnini, “Ɔƒɛni lisela mina bekyuli kudɔ. Nsu asa na matɔlɔ ni, muubó-ɔ ɔda ɔmɛni na lɛsu-ɔ lɛla lɛni Israelƒuɔ badubo ƒula bekyuli bɔbla limeyi lɛdi.”

Bumomo Bɔka 31:8

Na bádu Midianƒuɔ baga ɛlɔ na bani bádu mmɔ ndi Ewi ku Rekem ku Sur ku Hur ku Reba. Na bádu Beor ubidi Bileam lɛnɔ.

Yosua 13:23

Na Rubenƒuɔ bammɔ ɔmii ndi Yordan Ketu. Na ɔmɛni ndi kadikɔ nte Rubenƒuɔ. Na béle lɛma lɛmmɔ bete bana kaduli bekyuli.

Petro 2 2:15

Bédeyi bɔƒɔtaadi ulu ɔmmɔ ƒui, na báyii ulu. Basiaku Boer ubidi Bileam ɔbladu kama ɔni mɔɔbla ala ekpidi teeti taakɛ egulabi.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.