Yosua 11:21 - Katɔti Ɔku Kedee

²¹ Ɔmmɔ kama ni, Yosua ɔ́sɔ úsie Hebron ku Debir ku Anak na útékpoku Anakƒuɔ bani nli lɛma lɛmmɔ. Na ɔ́di-ma lɛlɔ na ɔ́yila bekyuli bammɔ ku bana lɛma udu ɔ́siku Yuda ku Israel abi eli.

Yosua 11:21 ပူးပေါင်းရင်းမြစ်များ

Yeremia 3:23

Bɔ́kpa baƒiɔ na abi ammɔ eli ku kɔvanu momoomo, nsu ɔmmɔ ƒui ukpludi na ɔdi, ɔsika awɔ lɛti kani ndubɔkana ka aƒɔ-bu ngba.

Yeremia 9:23

Unwoti ɔnini, “Ɔdi biala utakun lɛmɛnɛ na nwuna lɛnunda iye ɔyikun iye lɛkɛ lɛlɔ.

Amos 2:9

“Israel, Amoriƒuɔ lɛnɔ benye mmɔ uwi ɔni na bíduo Kanaan. Bekyuli bammɔ badi bekyuli bani na bákuku aani egyii enengudi ani na ebo ɔkplu geen. Nsu lɛ́bɔku-ma lídie mmɔ ƒui lidu ku lidu.

Bumomo Bɔka 13:33

Na bɔ́nu bekyuli bani náta katɔ na bási Anak kaba kemmo muedi na mmɔ. Na abu buse na buse aani bakpɔtilikpɔ na bana anumi. Na lɛni na badubo-bu bɔnu.”

Lɛkpa Ulu 1:28

Na bɛ́sɔ bɛ́su bɛnii, “Wɛ bɔdubusie ɔƒɛni? Ɔsika bekyuli bani na bɔ́tala mmɔ básu-bu ka bekyuli bani nkya mmɔ bebo ɔlɔkplu na bákuku betulo-bu. Na belie lɛma libendi lɛni nina awodu ákuku ésie kayaa. Na bɔ́nu bekyuli bani na baalɔ-ma Anakƒuɔ lɛnɔ ka bakya mmɔ.”

Lɛkpa Ulu 2:21

Ama lɛnɔ bákuku aani Anakƒuɔ. Na bemomo na bebo ɔlɔkplu lɛnɔ, nsu Katɔti ɔ́yila-ma udu ƒui na ɔ́ƒɔ bana kalɔ na úti-ka úte Arnonƒuɔ na bétélie mmɔ.

Lɛkpa Ulu 9:2

Na bekyuli bammɔ alati bákuku na bebo ɔyikun na baalɔ-ma Anakƒuɔ. Na bínu ka básu dii ka bekyuli badi beeebo na bakana bunye bɔsiaku-ma.

Yosua 10:42

Na Yosua ɔ́di baga bamɛni ƒui ku bana kɔlɔ ƒui lɛlɔ uwi unwi pɛ kani kemmo. Ɔsika Israelƒuɔ Unwoti Katɔti nékpo úte-ma.

Budie Taatina 6:2

Na lɛ́nu ɔpɔnkɔ ɔƒualadi ɔdi ka unye. Ukyuli ɔni nlie ɔpɔnkɔ ɔmmɔ lɛlɔ ɔ́da kataminta na béti kagabwa kadi béte-nwu. Ukyuli ɔmɛni ulie ɔpɔnkɔ ɔmmɔ lɛlɔ aani ukpone lɛlɔ ɔdine ɔni nésela utádi lɛlɔ.

Litemi Batɛne 1:20

Béti Hebron kalɔ béte Kaleb aani kalɛ na Mose úbo-ma ɔda úse, ɔsika Kaleb ɔmmɔ nékpoku Anak bebi ɛtɛ kaba bekyuli bani nélie mmɔ na ɔ́bɔku-ma ɔ́lɛku mmɔ.