Yosua 11:2 - Katɔti Ɔku Kedee

² Na ɔ́tala batu ɔkya baga bani ƒui nlie abi lɛlɔ na kalɔ kammɔ katɔ kakɛ ku lɛma lɛni nkya Yordan Ketu ɔkwalɛ na Galilea Ɛpu lɛba kada kakɛ ku lɛma lɛni nwi abi kaƒɔna ku lɛma lɛni nkya ɛpu kudɔ na ɔƒɛ kanukɔ na Dor.

Yosua 11:2 ပူးပေါင်းရင်းမြစ်များ

Baga 1 15:20

Benhadad ɔ́bla lɛla lɛni na Asa ɔ́su-nwu na úti Siriaƒuɔ bekpone úmene Israel kalɔ lɛlɔ na bétékpo Iyon ku Dan ku Abel-Bet-Maaka ku Kinerot ƒui ku Naƒtali kɔlɔ ƒui.

Baga 1 4:11

Na Ben-Abinadab ɔni néti Salomo ubidi ulekubi Taƒat mɔɔnu Naƒat-Dor kalɛkɛ ƒui lɛlɔ.

Bumomo Bɔka 34:11

Na ɔmii ɔmmɔ ɔdubɔsia ɔyu ɔsi Seƒan mmɔ utédu Ribla na Ain ɔƒɛ katukɔ kakɛ na uti ɔsia abi kɔƒɔna na Kineret Ɛpu ɔƒɛ katukɔ kakɛ.

Luka 1:39

Uwi ɔmmɔ kemmo kani na Maria úmi ɔ́ta na ɔ́babla úsie Sakaria kesii na abi lɛlɔ na Yudea kalɔ lɛlɔ ɔnii utégyele Elisabet.

Luka 5:1

Limeyi lɛdi ni, Yesu unye ɛpu ɔni baalɔ banii Genesaret kɔtu, na bekyuli baanwanɛ lɛlɔ kalɛ na bakpɛ bede-nwu na benu Katɔti litemi lɛni na ɔɔsu.

Yosua 10:40

Anwuɔsu Yosua ɔ́di kalɔ kammɔ bekyuli ku baga bammɔ ƒui lɛlɔ. Úti ɔ́si lɛma lɛni nwi abi lɛlɔ na ɔƒɛ katukɔ ku lɛma lɛni nwi kɔbi kaƒɔna na ɔƒɛ kanukɔ lɛma lɛni nwi kalɔ ƒiaa lɛlɔ na kada kakɛ ni, ɔ́yila lɛla biala mbo bɔnwuna udu aani kalɛ na Unwoti ɔni ndi Israelƒuɔ Katɔti úbo-ma ɔda.

Yosua 10:6

Amu na Gibeonƒuɔ bátala bekyuli bésienku Yosua kudɔ na Gilgal kesii kani na Israelƒuɔ básala belie, ka bátásu-nwu banii, “Ati, buvele bɔda-a, ta ku ƒula bekpone kɔnakunwi na bibekpo bɛƒɔ-bu! Ɔsika Amoriƒuɔ baga bani nlie abi amadɔ ƒui básala lisu na béti bana bekpone na bébo bébekpoku-bu.”

Yosua 11:16

Na Yosua ku nwuna bekpone békpo báƒɔ kɔlɔ kɔni ƒui nwi ɔ́si katɔ kakɛ utédu kada kakɛ ku kɔlɔ kɔni nwi abi eli ku abi kaƒɔna ku kɔlɔ kɔni nwi Gosen amadɔ ku kɔlɔ kɔkwiidi kɔni nwi kada kakɛ uti usie kɔwɛ kɔni nwi Yordan Ketu.

Yosua 11:21

Ɔmmɔ kama ni, Yosua ɔ́sɔ úsie Hebron ku Debir ku Anak na útékpoku Anakƒuɔ bani nli lɛma lɛmmɔ. Na ɔ́di-ma lɛlɔ na ɔ́yila bekyuli bammɔ ku bana lɛma udu ɔ́siku Yuda ku Israel abi eli.

Yosua 12:23

ku Dor ɔma ɔni nkya ɛpu kudɔ ku Goim ɔma ɔni nkya Gilgal ku Tirsa.

Yosua 12:3

Na ɔdanku Yordan Kɔwɛ uti ɔsi Galilea Ɛpu lɛba kada kakɛ utédu Bet-Yesimot na Mma Ɛpu ɔƒɛ katukɔ kakɛ na ɔkɛ Pisga Kɔbi kaƒɔna.

Yosua 13:27

Ɔkɛ Yordan Ketu kɔwɛ kɔmmɔ kemmo ku Bet-Haram ku Bat-Nimra ku Sukot ku Saƒon ɔni ndi Hesbon Ɔga Sihon kalɔ kakladi. Na Yordan Ketu ndi ɔmii úti útédu ɛpu kada kakɛ na Galilea Ɛpu úti ɔ́via úsie Yordan ɔƒɛ katukɔ.

Yosua 17:11

Na lɛma lɛni na Manase ɔ́kɛ na Isakar ku Asar ntɛ ndi Bet-San ku Yibleam ku bani nli Dor ɔni lɛnɔ baalɔ Naƒot ku nwuna lɛma ku En-Darƒo ku Taanakƒuɔ ku Megidoƒuɔ ku nina akpaklɔ ani náka amana-ma.

Litemi Batɛne 1:27

Nsu Manase kɔdua bekyuli bátabɔku bekyuli bani nlie Bet-San ku Taanak ku Dor ku Yibleam ku Megido ku akpaklɔ ani nkya nde lɛma lɛmmɔ, ɔsika mmɔ geen na Kanaanƒuɔ báyɔ ka belie.