Yosua 11:16 - Katɔti Ɔku Kedee

¹⁶ Na Yosua ku nwuna bekpone békpo báƒɔ kɔlɔ kɔni ƒui nwi ɔ́si katɔ kakɛ utédu kada kakɛ ku kɔlɔ kɔni nwi abi eli ku abi kaƒɔna ku kɔlɔ kɔni nwi Gosen amadɔ ku kɔlɔ kɔkwiidi kɔni nwi kada kakɛ uti usie kɔwɛ kɔni nwi Yordan Ketu.

Yosua 11:16 ပူးပေါင်းရင်းမြစ်များ

Kɔgya 105:44

Na úti bekyuli bamba kɔlɔ úte-ma. Na mmo bɔni kadi bamba bekyuli bése ku bana akɛla ƒui énwini bana ɔdi.

Kɔgya 78:55

Ɔ́bɔku kadi bamba bekyuli ɔ́lɛku bana anumi. Na úti bana kɔlɔ ku kuliekɔ úle úte-ma aani bana kadikɔ na bélie mmɔ.

Esekiel 17:23

Baasɛ lidu ƒui badubɔkɛ kabɛkɔ na kugyii kɔmmɔ kemmo. Na badubɔkya-ku kɔgba akɔ bakɛ bɔnwuna ku ɔyuli.

Esekiel 36:8

“ ‘Egyii adubɔkwɛ abi ammɔ lɛlɔ na anwu ebi kaduɛ ete mina kadi bekyuli na bakɛ badi, ɔsika badubo ɔma uwi klukwii kemmo.

Lɛkpa Ulu 1:7

Anwuɔsu bɛta mɛni na biteesie Amoriƒuɔ abi lɛlɔ kɔlɔ kɔni nkya amadɔ mmɔ ƒui ku Yordan Ketu kɔwɛ kemmo ku abi lɛlɔ ku ɔkwalɛ ɔmmɔ kemmo ku kada kakɛ ku Mediterenia kalɔ ƒia lɛlɔ. Na bisie Kanaanƒuɔ kalɔ ku nwuna kama kakɛ útédu Lebanon abi lɛlɔ útédu Euƒrate Ketu bonwu kɔtu.

Yosua 10:40

Anwuɔsu Yosua ɔ́di kalɔ kammɔ bekyuli ku baga bammɔ ƒui lɛlɔ. Úti ɔ́si lɛma lɛni nwi abi lɛlɔ na ɔƒɛ katukɔ ku lɛma lɛni nwi kɔbi kaƒɔna na ɔƒɛ kanukɔ lɛma lɛni nwi kalɔ ƒiaa lɛlɔ na kada kakɛ ni, ɔ́yila lɛla biala mbo bɔnwuna udu aani kalɛ na Unwoti ɔni ndi Israelƒuɔ Katɔti úbo-ma ɔda.

Yosua 10:41

Na Yosua ɔ́di bekyuli bammɔ lɛlɔ ɔ́si Kades-Barnea útédu Gasa, na ɔ́si Gosen kalɛkɛ útédu Gibeon.

Yosua 11:15

Na kalɛ na Unwoti úbo Mose ɔni ndi nwuna kabla ɔblane ɔda ni, lɛni kani na Mose lɛnɔ úbo Yosua ɔda. Na Yosua lɛnɔ ɔ́bla ɔ́siaku kalɛ kani na Mose úbo-nwu ɔda ɔmmɔ ɔni na útada útavia ɔda bubo bɔmmɔ bɔdi. Ɔ́bla lɛla biala pɛpɛɛpɛ aani kalɛ na Unwoti úbo Mose ɔda.

Yosua 11:2

Na ɔ́tala batu ɔkya baga bani ƒui nlie abi lɛlɔ na kalɔ kammɔ katɔ kakɛ ku lɛma lɛni nkya Yordan Ketu ɔkwalɛ na Galilea Ɛpu lɛba kada kakɛ ku lɛma lɛni nwi abi kaƒɔna ku lɛma lɛni nkya ɛpu kudɔ na ɔƒɛ kanukɔ na Dor.

Yosua 11:21

Ɔmmɔ kama ni, Yosua ɔ́sɔ úsie Hebron ku Debir ku Anak na útékpoku Anakƒuɔ bani nli lɛma lɛmmɔ. Na ɔ́di-ma lɛlɔ na ɔ́yila bekyuli bammɔ ku bana lɛma udu ɔ́siku Yuda ku Israel abi eli.

Yosua 12:8

Na lɛma lɛni nwi abi eli ku kaƒɔna na Yordan Kɔwɛ si éti aayu kalɔ kani nákwii na kewi ƒiaa ku Galilea Ɛpu lɛba. Na nka Hetiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ nli-ka kemmo.

Yosua 9:1

Ka Israelƒuɔ békpo badi bekyuli pii lɛlɔ ɔsu ni, bana lɛnyi lísie ɔgyu. Na baga bani nlie Yordan ɔƒɛ kanukɔ abi lɛlɔ ku bani nlie abi kaƒɔna ku bani nlie kalɔ ƒiaa na Mediterenia kɔtu úti útédu Lebanon Kɔbi lɛnɔ bénu-ma kɔku. Na baga bamɛni ndi Hitiƒuɔ ku Amoriƒuɔ ku Kanaanƒuɔ ku Perisiƒuɔ ku Hiwiƒuɔ ku Yebusiƒuɔ.