Yosua 10:8 - Katɔti Ɔku Kedee

⁸ Mmɔ na Unwoti ɔ́su Yosua ɔnini, “Tayia Amoriƒuɔ baga ku bana bekpone bammɔ Líiti-ma lɛ́kya-a enu kemmo kukuuku. Na mɔɔsu-ɔ ka ni, ina ukyuli unwi ulakana-a anumi bɔkpɛ bude.”

Yosua 10:8 ပူးပေါင်းရင်းမြစ်များ

Baga 1 20:13

Uwi ɔmɛni kani kemmo ni, kenye udiene ɔdi úbo Israelƒuɔ Ɔga Ahab kudɔ úbakɔ lɛsa ɔ́su ɔnini, “Lɛni na Unwoti ɔɔsu ɔnii, ‘Bɛɛnu bekpone lisu bonwu bamɛni? Ndubo-ma buti bɔkya bina enu kemmo ɔmwi kadi, na mmɔ na bɛdubo bɔnu bɔti ka Unwoti na ndi.’ ”

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Lɛkpa Ulu 3:2

Nsu Unwoti ɔ́su-mi ɔnini, “Tayia ɔga ɔmmɔ. Ɔsika líti Ɔga ɔmmɔ ku nwuna bekpone ƒui ku nwuna kɔlɔ lɛ́kya-a enu kemmo. Anwuɔsu kalɛ na ábla Amoriƒuɔ Ɔga Sihon ɔni nádi lɛga na Hesbon na kekpo kemmo ni, lɛni kani na adubɔbla Ɔga Og.”

Lɛkpa Ulu 7:24

Na bɛdubɔdi baga bammɔ lɛlɔ na ɔdi ɔsɔ ulenyimo si bélie ngba dii. Na ɔdi ulakana-mii bunye bɔsiaku lɛnɔ.

Yosua 10:25

Amu na Yosua ɔ́su bekpone bammɔ banini, “Bitayia, na enu lɛnɔ ataƒɛ-mii. Mmomu bɛkya ɔkplu na bise kayi. Na lɛni na Unwoti ɔdubuti ɔbla bina bekisine bani ƒui amii ku-ma bɛdubo bukpo.”

Yosua 10:9

Na usien umodi Yosua ku nwuna bekpone bésie bási Gilgal bétéduo Gibeon. Na kɔnakunwi bátáda balɛ Amoriƒuɔ lɛlɔ na bése kalɔ beekpóku-ma.

Yosua 11:6

Amu na Unwoti ɔ́su Yosua ɔnini, “Tayia bekyuli bammɔ, ɔsika ndubɔya na bɛdu-ma ƒui asa na wedu kɔnaadi uwi ɔmɛni kemmo. Na lɛla lɛni na bɛdubo bɔbla ndi ka bikulo bana bapɔnkɔ bammɔ lɛgba nti. Na bɛkyula bana bapɔnkɔ kɛɛkɛ lɛmmɔ ƒui.”

Yosua 8:1

Amu na Unwoti ɔ́su Yosua ɔnini, “Ta na eti ƒula bekpone ƒui na bɛkɔ bisie Ai bitékpoku-ma.” Na ɔ́su-nwu ɔnini, “Bitayia-ma, na ɔdi lɛnɔ enu ataƒɛ-nwu, ɔsika ami Unwoti ndubɔya na bɛdi Aiƒuɔ lɛlɔ. Na ndubɔnyonu bana ɔga ku bana ɔma ku bana bekyuli ku bana kɔlɔ lɛkya-mii enu kemmo.

Litemi Batɛne 6:16

Amu na Unwoti ɔ́su Gideon ɔnini, “Nnyeku-ɔ, na adubukpoku Midianƒuɔ ƒui na abla-ma kpɛtɛ kpɛtɛ.”

Litemi Batɛne 7:9

Usien ɔmmɔ ni, Unwoti údie lɛdi na ɔ́su Gideon ɔnini, “Ta na etékpoku Midianƒuɔ bammɔ na kesii kani na bakya mmɔ. Ɔsika ndubuti-ma lɛ́kya-a enu kemmo.

Samuel 1 17:47

Lɛla lɛdi litatɔlɔ-ɔ, ɔsika Unwoti mɔɔyá na ukyuli ɔɔdi lɛlɔ, na ɔɔɔdi kewii iye lɛtula ɔyikun kemmo. Ɔsika kekpo kammɔ kadi Unwoti kadi. Na anwu ɔmmɔ ndubɔya na bɔdi-ɔ lɛlɔ lɛnɔ.”