Yosua 10:6 - Katɔti Ɔku Kedee

⁶ Amu na Gibeonƒuɔ bátala bekyuli bésienku Yosua kudɔ na Gilgal kesii kani na Israelƒuɔ básala belie, ka bátásu-nwu banii, “Ati, buvele bɔda-a, ta ku ƒula bekpone kɔnakunwi na bibekpo bɛƒɔ-bu! Ɔsika Amoriƒuɔ baga bani nlie abi amadɔ ƒui básala lisu na béti bana bekpone na bébo bébekpoku-bu.”

Yosua 10:6 ပူးပေါင်းရင်းမြစ်များ

Baga 2 4:24

Amu na uleku ɔmmɔ ɔ́bala ebuo ala utine abuli úte kabla ɔblane ɔmmɔ na ɔ́kɔ úlie-nwu lɛlɔ na úbo-nwu ɔda ɔnini, “Ni ebuo ɔmɛni na aya na bikeli usi biala na bɛdubɔkana na bitada bitaya wetédu ka ami násu-ɔ lɛla lɛdi.”

Kɔgya 125:2

Kalɛ na abi áka ámana Yerusalem ɔma ni, lɛni na Unwoti lɛnɔ ɔ́ka ɔ́mana nwuna bekyuli ɔ́si ɔƒɛni úsela uwi ƒui.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.

Bumomo Bɔka 13:29

Amalekƒuɔ belie bésie Negev kalɔ kemmo na Hetiƒuɔ ku Yebusiƒuɔ ku Amoriƒuɔ ama belie abi eli. Na Kanaanƒuɔ belie bésie ɛpu amadɔ na Yordan kakɛ.”

Luka 1:39

Uwi ɔmmɔ kemmo kani na Maria úmi ɔ́ta na ɔ́babla úsie Sakaria kesii na abi lɛlɔ na Yudea kalɔ lɛlɔ ɔnii utégyele Elisabet.

Lɛkpa Ulu 1:15

Anwuɔsu bekyuli bani náda anu na bebo ɔbu bani na amii alati bídie mɛni ni, lɛ́ya badi baanu bekyuli apim lɛlɔ na badi lɛnɔ baanu bekyuli eti anyɔ lɛlɔ na badi lɛnɔ baanu bekyuli liti lɛlɔ na badi lɛnɔ baanu bekyuli leevu lɛlɔ. Na ami lɛnɔ lɛ́sia-ma kɔnu ka batɔnku-mii.

Yosua 10:5

Ɔmmɔ kama Amoriƒuɔ baga ɛlɔ bammɔ ku Yerusalem ɔga ku Hebron ɔga ku Yarmut ɔga ku Lakis ɔga ku Eglon ɔga básala bana bekpone na bátáka bámana Gibeon na békpoku-ma.

Yosua 10:7

Anwuɔsu Yosua úti nwuna bekpone ƒui ku bani muukpó kaduɛ ƒui na báta bási Gilgal na bésie.

Yosua 21:11

Na béte-ma ɔma ku kalɔ kani na bebuo kadikɔ kakya na baalɔ-nwu banii Kiriat-Arba iye Arba na basɔ baalɔ-nwu Hebron. Na Arba ɔmɛni ndi Anak ɔti kuuku.

Yosua 5:10

Uwi ɔni na Israelƒuɔ bamu bakya Gilgal na kalɔ kani nwi ƒiaa na Yeriko kudɔ ni, bádi Kukpi Lili Bɔvia limeyi useyi ɔmmɔ na kɔbuli kɔmmɔ limeyi leevu-inedi lɛlɔ.

Yosua 9:15

Ɔmmɔ kama Yosua únu kalɔ na bényimi na bábla unwi. Na Israel batɔnkune bákpali Katɔti lɛnyi bálɛ ugyii béte-ma ka balabla-ma lɛla lɛdi.

Yosua 9:6

Amu na bésie Yosua kudɔ na Gilgal na básu-nwu ku Israelƒuɔ banini, “Kesii kani na bɔ́si ni, kágyu geen. Anwuɔsu bɔɔyɔ́ ka abu ku-mii bɔbla unwi.”

Yosua 9:8

Amu na bekyuli bammɔ básu Yosua banini, “Lɛla biala na bɛsu-bu ni, bɔdubɔbla.” Amu na Yosua úye-ma ɔnini, “Amii ndi ɔma? Na wɛ kakɛ na bɛ́si bíbo mɛni?”