Yosua 10:40 - Katɔti Ɔku Kedee

⁴⁰ Anwuɔsu Yosua ɔ́di kalɔ kammɔ bekyuli ku baga bammɔ ƒui lɛlɔ. Úti ɔ́si lɛma lɛni nwi abi lɛlɔ na ɔƒɛ katukɔ ku lɛma lɛni nwi kɔbi kaƒɔna na ɔƒɛ kanukɔ lɛma lɛni nwi kalɔ ƒiaa lɛlɔ na kada kakɛ ni, ɔ́yila lɛla biala mbo bɔnwuna udu aani kalɛ na Unwoti ɔni ndi Israelƒuɔ Katɔti úbo-ma ɔda.

Yosua 10:40 ပူးပေါင်းရင်းမြစ်များ

Baga 1 15:29

Na ka bése-nwu lɛga kani na úse kalɔ ɔɔdú Yerobeam kaduli bekyuli. Na ɔmɛni úbo úte lɛni ɔkɛnku kenye kani na Unwoti ɔ́sia nwuna Kenye Udiene Ahia ɔni na ɔ́si Silo ɔ́su úse. Na Yerobeam kaduli bekyuli békpi ɔni na unwi muedi útebu.

Nehemia 9:24

Na bana bebi bananabi béteti kalɔ kammɔ. Na ábɔku Kanaanƒuɔ bani nli kalɔ kammɔ. Na éti Kanaanƒuɔ bammɔ ákya-ma enu kemmo. Na békpo bádi bana baga ku bekyuli bani ƒui nli kalɔ kammɔ lɛlɔ. Na bábla-ma kalala kani námanku.

Kɔgya 9:17

Kaƒiɔtɔ kemmo na balalane beenwíni teetéduo ama ku kadi bekyuli bani mɔɔyiƒala ka Unwoti ɔkya.

Israelƒuɔ Bɔlɛ 34:12

Na awɔ ku kadi bamba bekyuli badi bitenyimi bunyimi bɔdi na kalɔ kani lɛlɔ na ésela mmɔ.

Bumomo Bɔka 13:17

Uwi ɔni na Mose ɔ́tala bekyuli bammɔ ɔnii batávi banu Kanaan kalɔ kammɔ ni, ɔ́su-ma ɔnini, “Si bísela ni, na bɛsia Negev kalɔ kemmo na biti bɛkɔ bisie abi lɛma kalɔ kammɔ kemmo.

Lɛkpa Ulu 1:7

Anwuɔsu bɛta mɛni na biteesie Amoriƒuɔ abi lɛlɔ kɔlɔ kɔni nkya amadɔ mmɔ ƒui ku Yordan Ketu kɔwɛ kemmo ku abi lɛlɔ ku ɔkwalɛ ɔmmɔ kemmo ku kada kakɛ ku Mediterenia kalɔ ƒia lɛlɔ. Na bisie Kanaanƒuɔ kalɔ ku nwuna kama kakɛ útédu Lebanon abi lɛlɔ útédu Euƒrate Ketu bonwu kɔtu.

Lɛkpa Ulu 2:34

Uwi ɔmmɔ kani si búdu nwuna ɔma biala buukpóku ɔma ɔmmɔ bekyuli na bɔ́du ukyuli biala, ɔnana ɔdi o-o uleku ɔdi o-o iye ɔnamu ɔdi o-o ni, bɔɔdú-nwu ɔni na buláda ukyuli ɔdi taanyonu.

Lɛkpa Ulu 7:24

Na bɛdubɔdi baga bammɔ lɛlɔ na ɔdi ɔsɔ ulenyimo si bélie ngba dii. Na ɔdi ulakana-mii bunye bɔsiaku lɛnɔ.

Yosua 10:35

Na bádi-ma lɛlɔ limeyi lɛmmɔ kani. Na bádu bekyuli bammɔ ƒui kede kede aani kalɛ kani na béti bábla Lakisƒuɔ pɛpɛɛpɛ.

Yosua 10:37

Na bádi Hebronƒuɔ lɛlɔ na bádu bekyuli bani ƒui nkya ɔma ɔmmɔ kemmo ku bana ɔga. Na bávi bésie akpaklɔ ani nde Hebron na bádu bekyuli bani nkya mmɔ ƒui kede kede aani kalɛ na bábla Eglonƒuɔ. Na báyila ɔma ɔmmɔ udu ku bekyuli bani nli-nwu kemmo.

Yosua 10:39

Na bádi Debirƒuɔ lɛlɔ na béƒie Debirƒuɔ ɔga ku bekyuli bani ƒui nkya Debir mmɔ ku akpaklɔ ani nde mmɔ bekyuli na bádu-ma kede kede. Na kalɛ kani na úti ɔ́bla Debir ku nwuna ɔga ku bekyuli bammɔ ƒui ni, lɛni kani na ɔ́bla Hebron ku Libna baga lɛnɔ.

Yosua 11:16

Na Yosua ku nwuna bekpone békpo báƒɔ kɔlɔ kɔni ƒui nwi ɔ́si katɔ kakɛ utédu kada kakɛ ku kɔlɔ kɔni nwi abi eli ku abi kaƒɔna ku kɔlɔ kɔni nwi Gosen amadɔ ku kɔlɔ kɔkwiidi kɔni nwi kada kakɛ uti usie kɔwɛ kɔni nwi Yordan Ketu.

Yosua 12:8

Na lɛma lɛni nwi abi eli ku kaƒɔna na Yordan Kɔwɛ si éti aayu kalɔ kani nákwii na kewi ƒiaa ku Galilea Ɛpu lɛba. Na nka Hetiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ nli-ka kemmo.

Yosua 18:21

Na lɛma lɛni na béti béte Benyamin kaba bekyuli ndi Yeriko ku Bet-Hogla ku Emek-Kesis

Yosua 6:17

Bɛyila ala ani ƒui nkya ɔma ɔmmɔ kemmo udu na enwini akpala ete Unwoti. Nsu ɔyalɛ Rahab ku nwuna kaduli bekyuli amu ni, bitabla-ma lɛla lɛdi. Ɔsika anwu nábala bula batu bani na bátala na Yeriko.”

Yosua 8:2

Na bɛyila Ai ɔma ku ɔga ku bekyuli bammɔ ƒui udu aani kalɛ na bɛ́bla na Yerikoƒuɔ. Nsu bibo kuƒi ka biti bana ala ku bana bebuo. Bɛtu akpagya na bitábɛ na biyu-ma bɛtu na bitékpoku-ma.”

Yosua 8:27

Na bebuo ku akɛla ani nkya ɔma ɔmmɔ kemmo ni, Israelƒuɔ béti ala ammɔ aani kalɛ na Unwoti úbo Yosua ɔda.

Yosua 9:24

Amu na Gibeonƒuɔ bammɔ bédie kenye banini, “Ati! Lɛla lɛni ɔsu bɔ́nyi ɔkɔ ɔmmɔ udu ndi ka búnu na ɔdi sɔsɔ ka bina Unwoti Katɔti úbo nwuna kabla ɔblane Mose ɔda ka ɔdubo kalɔ kani ƒui nkya mɛni buti bute-mii. Na ɔdubɔya na bɛdu bekyuli bani ƒui nkya-ka kemmo uwi ɔni na bikpo bisela anumi mɛni. Ɔƒɛni lɛnɔ bɔbla lɛni, ɔsika bɔɔyia-mii geen na bɔgyi ka bula ngba bɔkya ɔgbankpi kemmo.