Yosua 10:3 - Katɔti Ɔku Kedee

³ Ɔ́si ɔmmɔ ɔsu ni, Yerusalemƒuɔ Ɔga Adoni-Sedek ɔmɛni ɔ́tala bekyuli ka beteesie batasu Hebron ɔga ɔni baalɔ banii Hoham ku Yarmut ɔga ɔni baalɔ Piram ku Lakis ɔga ɔni baalɔ Yaƒia ku Eglon ɔga ɔni baalɔ Debir banii

Yosua 10:3 ပူးပေါင်းရင်းမြစ်များ

Ala Kalɔ Buse 23:2

Na úkpi na Kiriat-Arba, ɔni lɛnɔ basɔ baalɔ Hebron, na Kanaan kalɔ lɛlɔ. Mmɔ na Abraham útéwulo-nwu.

Ala Kalɔ Buse 37:14

Mmɔ na ɔ́su-nwu ɔnini, “Sie na atánu si ƒula banwani ku bebuo bammɔ ƒui bakya kaduɛ na lɛla lɛdi lítabla ɔdi. Na asɔ enwini ebo abasu-mi.” Amu na údie-nwu ulu ɔ́si Hebron Ɔkwalɛ mmɔ. Ka Yoseƒ údu Sekem mmɔ ni, ɔkya ɔɔka taamana alakpi akɔ mmɔ,

Samuel 2 2:11

Akwa maatɛ ku abuli aku na Dawid ɔ́kya Hebron mmɔ ɔ́di lɛga na Yudaƒuɔ lɛlɔ.

Baga 2 18:14

Amu na Hesekia ɔ́sia kenye úmene Asiria ɔga na Lakis ɔnini, “Lɛ́bla lɛla lɛni naaadia. Ɔmmɔ ɔsu da ƒula bukpoku bɔni na aayɔ́ ka ebekpoku-bu mmɔ ya. Na lɛla biala na aawia asiku-mi kudɔ ni, ndubute-ɔ.” Anwuɔsu Asiriaƒuɔ ɔga ɔmmɔ únye Ɔga Hesekia lɛlɔ ka uti sika ɔƒualadi antabi aƒo eti anyɔ unu ku sika ugyiedi antabi aƒo leevu unu uboku-nwu.

Baga 2 18:17

Ɔmmɔ kama ni, Asiriaƒuɔ ɔga úti bekpone batɔnkune lidu ɛtɛ ɔ́siku nwuna bekpone akɔ na bátɔnku bekpone pii badi básiku Lakis na bésie Ɔga Hesekia kudɔ na Yerusalem. Na ka bétéduo Yerusalem ni, béduo ɔkwalɛ ulu ɔni na ntu bɔɔsí teetéwi ligyu lɛni nnye katɔ kakɛ kemmo.

Ala Alɛdi 2 11:9

Adoraim ku Lakis ku Aseka ku

Yeremia 34:7

Na uwi ɔmɛni kemmo ƒui ni, na Babilon ɔga unye momoomo ɔɔwia kuƒi kɔni na ɔbwɛ Lakis ku Aseka ku Yerusalem lɛma awodu na uduo-ma lɛlɔ. Na lɛma ɛtɛ lɛmɛni kani ndi Yudaƒuɔ lɛma lɛni nébu na útabwɛ tɔ.

Mika 1:13

Amii Lakisƒuɔ, bɛbala bapɔnkɔ bammɔ ku kekpo kɛɛkɛ lɛmmɔ. Amii násiku kalala ala amɛni na Israel bíboku bíbatina Yerusalemƒuɔ.

Bumomo Bɔka 13:22

Na básia Negev kalɔ kemmo na bákɔ bétédu Hebron, kesii kani na Anak kaba kemmo bekyuli bani ndi Ahiman ku Sesai ku Talmai bélie. Báada Hebron ɔma akwa maatɛ kama asa na báda Soan ɔma ɔni nkya Egyipte.

Yosua 10:1

Yerusalem ɔga ɔni baalɔ banii Adoni-Sedek únu ka Yosua úkpo ɔ́di Ai lɛlɔ na ɔ́yila ɔma ɔmmɔ udu kede kede na ɔ́du Aiƒuɔ ɔga aani kalɛ kani na ɔ́bla Yerikoƒuɔ ɔga. Na únu lɛnɔ ka Gibeonƒuɔ bésie bétévele Israelƒuɔ na bényimiku-ma na bábla unwi. Na belie bede-ma.

Yosua 10:23

Anwuɔsu bédi atakpɛ ammɔ bédie na báni Amoriƒuɔ baga ɛlɔ bani ndi Yerusalem ɔga ku Hebron ɔga ku Yarmut ɔga ku Lakis ɔga ku Eglon ɔga bálɛku ubu ɔmmɔ kemmo.

Yosua 10:34

Ɔmmɔ kama Yosua ku nwuna bekpone básɔ báta Lakis bésie Eglon na báka-ma bákya na békpoku-ma.

Yosua 10:5

Ɔmmɔ kama Amoriƒuɔ baga ɛlɔ bammɔ ku Yerusalem ɔga ku Hebron ɔga ku Yarmut ɔga ku Lakis ɔga ku Eglon ɔga básala bana bekpone na bátáka bámana Gibeon na békpoku-ma.

Yosua 14:15

Kuuku ni, Hebron bátaalɔ Kiriat-Arba. Na Arba ɔmɛni ndi ukyuli ɔni mbo ɔyikun ntulo na bekyuli kangyaa bani baalɔ Anakƒuɔ bammɔ akɔ. Na ɔmmɔ kama ni, Israelƒuɔ bánwuna na básɔ bétekpoku bekyuli badi.

Yosua 15:54

ku Hunta ku Kiriat-Arba ɔni ndi Hebron ku Sior. Lɛma lɛmmɔ lɛdi yaalenwi ku nina akpaklɔ.

Yosua 15:63

Na Yebusiƒuɔ bani nli Yerusalem ama ni, Yudaƒuɔ bátakana na babɔku-ma. Anwuɔsu Yebusiƒuɔ ku Yudaƒuɔ baamu beli Yerusalem bébedu ɔmwi limeyi lɛmɛni.

Yosua 18:28

ku Sela ku Ha-Eleƒ ku Yerusalem kesii kani na Yebusiƒuɔ bélie, ku Gibeat ku Kiriat-Yearim. Lɛdi lɛma leevu-ine ku nina akpaklɔ. Na ɔmɛni ndi kalɔ kani na béte Benyamin kaba bekyuli.