Yosua 10:12 - Katɔti Ɔku Kedee

¹² Limeyi lɛmmɔ ni, Unwoti Katɔti úti Amoriƒuɔ ɔkya Israelƒuɔ enu kemmo. Na únye-ma kama na badaku-ma lɛlɔ bɔdi. Na ka ɔƒɛ úsela bɔnu ni, Yosua ɔ́kpali Katɔti momoomo, na Israelƒuɔ bammɔ ƒui bénu ka ɔ́su ɔnini, “Bula Unwoti, ya na ɔƒɛ udi unye na Gibeon ɔma eli, na aya na kɔbuli lɛnɔ kɔsɔ kɔkya Ayalon Kɔwɛ.”

Yosua 10:12 ပူးပေါင်းရင်းမြစ်များ

Samuel 2 2:12

Na Ner ubidi Abner ku bekpone bani lɛlɔ na Is-Boset ɔɔdi mmɔ bétiku lɛlɔ básiku Mahanaim mmɔ bátɔlɔ bésie Gibeon.

Baga 2 20:10

Na Hesekia údie kenye ɔnini, “Use kpɛtɛ kpɛtɛ ka ɔyuli ɔmɛni ubo kalɔ lɛgba leevu. Anwuɔsu ya na uti ɔkɔ lɛgba leevu mmomu.”

Baga 2 20:11

Amu na Yesaia ɔ́kpali katɔ, na Unwoti ɔ́ya na ɔyuli ɔmmɔ úti ɔ́kɔ katɔ lɛgba leevu. Na ɔmɛni úbo úte lɛni na Ɔga Ahas ɔtɔ kanyakɔ ubili ɔni na ɔ́tu lɛlɔ.

Baga 2 20:9

Amu na Yesaia údie kenye ɔnini, “Unwoti likposela lɛni na ɔdubɔtina-a ka ɔdubɔbla lɛla lɛni na ɔ́su ndi ɔmɛni. Bɔyu na ɔtɔ ɔmɛni ɔyuli ɔdubɔyu nwuna kanyakɔ libili lɛlɔ ubo kalɔ lɛgba leevu, munuu ɔdubuti ɔkɔ katɔ lɛgba leevu?”

Ala Alɛdi 1 8:13

ku Beria ku Sema bani ndi ɔtɔ benengu bani nélie Ayalon, na ama nábɔku bekyuli bani nli Gat.

Ala Alɛdi 2 11:10

Sora ku Aiyalon ku Hebron. Na uwi ɔni na ɔ́tu ɔmana lɛma lɛmɛni ɔ́wɔlɔ na Yuda ku Benyamin kalɛkɛ ni,

Hiob 9:7

Na ɔɔbɔku ɔƒɛ na uledie nwuna bukeye, na ɔɔbala ayabi bukeye kenye.

Kɔgya 148:3

Ɔƒɛ ku kɔbuli ku ayabi ku ala ani ƒui muukeye na kayaa ƒui, bimwi-nwu.

Kɔgya 19:4

Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui. Na kayaa mmɔ na Unwoti ɔ́bla kakyakɔ úte ɔƒɛ aani adi kevo kalɛ.

Kɔgya 74:16

Awɔ nédie usien ku ɔƒɛ. Na áya na ɔƒɛ ku kɔbuli benye bana kunyekɔ.

Yesaia 28:21

Ɔsika Unwoti ɔdubɔta kɔnakunwi ku kɔnyi aani kalɛ na ɔ́bla dii na Persim Kɔbi lɛlɔ ɔni na úsie Gibeon Kɔwɛ kemmo. Na ɔdububo ubabla nwuna kabla, na bɛgyi ka kaaatɛ kalɔ! Na bɛgyi lɛnɔ ka nwuna ablala udu bamba uuubo.

Yesaia 38:8

“ ‘Ɔyuli ɔni na ɔƒɛ ɔmmɔ bulii buuboku na Ɔga Ahas kakɔkɔ ubili ɔni na ɔ́tu mmɔ lɛlɔ ni, ndubɔya na ɔyuli ɔmmɔ udi usie kama lɛgba leevu.’ ” Na mmɔ mmɔ ni, ɔyuli ɔmmɔ údi úsie kama lɛgba leevu lɛmmɔ.

Yesaia 60:20

Bina ɔƒɛ iye kɔbuli kɔsɔ kɔɔɔdubo bɔnu kudii. Ɔsika ami bina Unwoti ndubunwini bina bukeye uwi ƒui. Na bina keku ku kɔnyana buwulo emeyi ƒui adububo kawɔlɔkɔ.

Yeremia 28:1

Lɛkwa linedi kuna kɔbuli kɔlɔndi kemmo ka Sedekaia ɔɔdi lɛga ni, Asur ubidi Hanania ɔni ndi kenye udiene na ɔ́si Gibeon úbo-mi kudɔ na Katɔti kakpakɔ na úbasu kenye kadi lɛbo lɛni na bakpane ku bekyuli bamba ƒui benye beenú.

Amos 2:9

“Israel, Amoriƒuɔ lɛnɔ benye mmɔ uwi ɔni na bíduo Kanaan. Bekyuli bammɔ badi bekyuli bani na bákuku aani egyii enengudi ani na ebo ɔkplu geen. Nsu lɛ́bɔku-ma lídie mmɔ ƒui lidu ku lidu.

Amos 8:9

“Na limeyi lɛdubo lɛni na ndubɔya na ɔƒɛ ɔda bukeye ɔya ɔƒiiwi ketee na kalɔ kammɔ kabla suu.

Habakuk 2:20

Bɛya na kayawi bekyuli ƒui babla kpoo, ɔsika Unwoti ɔkya nwuna kakpakɔ kedee kemmo.”

Habakuk 3:11

Ɔƒɛ ku kɔbuli ƒui bédi bénye liku linwi kpoo uwi ɔni na aatu ƒula kɔtaminta ku abuala atula taavinku aani kalɛ na kayaa kaabwɛ ogya.

Sakaria 2:13

Ɔdi biala ɔbla kpoo na baba lɛsɛ! Ɔsika Unwoti ɔkya-mii akɔ na uusié taasɔ na nwuna kakpakɔ kedee kemmo.

Lɛkpa Ulu 17:3

na úsie utákpa baƒiɔ badi iye kɔbuli iye ɔƒɛ iye ayabi uwi ɔni na Katɔti ɔ́su ka ɔdi utabla lɛni kudii ni,

Lɛkpa Ulu 4:19

Na bitaya na lɛla lɛdi lɛkɔku-mii na bɛta bitákpa ala ani nkya kayaa na bina anumi aanu aani ɔƒɛ ku kɔbuli ku ayabi. Ɔsika anya na Unwoti Katɔti údie úte kayawi bekyuli ƒui.

Yosua 10:13

Ɔmmɔ ɔsu ɔƒɛ údi unye, na kɔbuli lɛnɔ kúdi kunye úti útédu ka Israelƒuɔ bádi bana bekisine lɛlɔ. Na lɛla lɛni nálɛ mɛni bénweni-nya bákya ɔku ɔni na Yasor únweni kemmo. Na mmɔ na bénweni banii ɔƒɛ údi unye kayaa limeyi limodi na útéduo lɛyu.

Yosua 19:42

ku Saalbim ku Ayalon ku Yitla

Yosua 21:24

ku Ayalon ku Gat-Rimon ku nina bebuo kɔdikɔ kɔlɔ.

Litemi Batɛne 12:12

Na ka úkpi ni, báva-nwu na Ayalon na Sebulon kalɔ lɛlɔ.

Litemi Batɛne 5:20

Ayabi ébekpo na kayaa kemmo uwi ɔni na ákya eesié taavi. Na ási katɔ katɔ ébekpoku Sisera.

Samuel 1 12:18

Amu na Samuel ɔ́su Unwoti ɔnii ɔya na kayaa kataabwɛ ogya, na ɔnantu lɛnɔ utaana. Na limeyi lɛmmɔ kani ni, Unwoti ɔ́ya na ɔnantu ɔ́na, na kayaa lɛnɔ kaabwɛ ogya kalɛ kani na Samuel úvele-nwu. Mmɔ ni, bekyuli bammɔ ƒui báyia Unwoti ku Samuel.

Samuel 1 14:31

Na limeyi lɛmmɔ ni, Israelƒuɔ békpoku Ƒilistiƒuɔ ɔ́si Mikmas útédu Ayalon na bádi-ma lɛlɔ. Nsu ina ka bádi-ma lɛlɔ ni, bekpone bammɔ bábla kpɛtɛ kpɛtɛ.