Yosua 10:10 - Katɔti Ɔku Kedee

¹⁰ Na Unwoti ɔ́ya na Amoriƒuɔ beƒu uwi ɔni kani na bánu Israelƒuɔ bekpone. Na Israelƒuɔ bádu Amoriƒuɔ kaduɛ na Gibeon mmɔ na bábɔku-ma betédu ulu ɔni uti ɔɔkɔ́ use Bet-Horon. Na básiaku-ma baadu-ma laa betédu Aseka ku Makeda.

Yosua 10:10 ပူးပေါင်းရင်းမြစ်များ

Samuel 2 22:15

Unwoti úbo atula ɔ́kya nwuna bekisine bammɔ akɔ na úgyingya-ma. Na ɔ́ya na ogya ɔni mɔɔbwɛ taalɛ ɔ́bɔku-ma na békeli bátɔlɔ.

Baga 1 9:17

Na Salomo ɔ́sɔku Geser ku Bet-Horon kada kakɛ

Ala Alɛdi 2 14:12

Unwoti úbunku Asa ku nwuna bekpone na bádi Kus bekpone bamɛni lɛlɔ. Na bana bekisine bekpone bamɛni békeli bátɔlɔ.

Ala Alɛdi 2 25:13

Na uwi ɔni na ala amɛni ƒui aalɛ́ ni, Israelƒuɔ bekpone bani na Ɔga Amasia údie ulu ka batɔlɔ mmɔ bésie bétékpoku Yuda lɛma lɛni Samaria ku Bet-Horon lɛma ntɛ. Na bádu nkyuli mpim leevu na béƒie-ma ala ƒui báƒɔ bátɔlɔku.

Kɔgya 18:14

Unwoti úbo atula ɔ́kya nwuna bekisine bammɔ akɔ na úgyingya-ma. Na ɔ́ya na ogya ɔni mɔɔbwɛ taalɛ ɔ́bɔku-ma na békeli bátɔlɔ.

Kɔgya 44:3

Na ɔɔɔdi bula bati bamɛni nékpo ku bana kuwii asa báƒɔ kalɔ kamɛni bése iye bana enu kabla kadi na béti badi-ma lɛlɔ. Mmomu awɔ nnye mmɔ na ábla ala ebendi ku ƒula ɔyikun na átina ka aayɔ́-ma.

Kɔgya 68:14

Na uwi ɔni na Katɔti Ɔyikune Ƒui ɔ́bɔku baga bammɔ lɛni ni, etubankɛ atakpɛ bonwu bonwu adi áyu éwi Salmon Kɔbi lɛlɔ.

Kɔgya 78:55

Ɔ́bɔku kadi bamba bekyuli ɔ́lɛku bana anumi. Na úti bana kɔlɔ ku kuliekɔ úle úte-ma aani bana kadikɔ na bélie mmɔ.

Yesaia 28:21

Ɔsika Unwoti ɔdubɔta kɔnakunwi ku kɔnyi aani kalɛ na ɔ́bla dii na Persim Kɔbi lɛlɔ ɔni na úsie Gibeon Kɔwɛ kemmo. Na ɔdububo ubabla nwuna kabla, na bɛgyi ka kaaatɛ kalɔ! Na bɛgyi lɛnɔ ka nwuna ablala udu bamba uuubo.

Yesaia 30:30

Na Katɔti ɔdubo kɔnyi buti geen na benu-nwu lɛdi lɛni mɔɔda liƒu na nwuna livoƒi ɔsu. Na ogya ɔni ndubo butaada ku ɔƒɛƒɛɛ kpakplaa ɔni muukpó ku ɔnantu ku etubankɛ ani mɔɔna ndubɔtina ka Katɔti nédie nwuna kɔnu ka ubile ala.

Yeremia 34:7

Na uwi ɔmɛni kemmo ƒui ni, na Babilon ɔga unye momoomo ɔɔwia kuƒi kɔni na ɔbwɛ Lakis ku Aseka ku Yerusalem lɛma awodu na uduo-ma lɛlɔ. Na lɛma ɛtɛ lɛmɛni kani ndi Yudaƒuɔ lɛma lɛni nébu na útabwɛ tɔ.

Sakaria 14:3

Na Unwoti ɔdubo kadi kammɔ bukpoku aani kalɛ na ukpone uukpó na kekpokɔ.

Lɛkpa Ulu 7:23

Nsu si bísie bítékpoku bina bekisine ni, Unwoti Katɔti ɔdubɔya na bana kasusu keƒu na ɔbla-ma gyuma gyuma utédu ka bɛ́yila-ma udu ƒui.

Yosua 10:11

Uwi ɔni Amoriƒuɔ badaku bukeli taatɔlɔ Israelƒuɔ bekpone kudɔ ni, Unwoti ɔ́ya na etubankɛ bonwu bonwu ánu ábayu-ma lɛlɔ úti útédu Aseka, na békpi ƒui kede kede. Na bani na etubankɛ áyu-ma lɛlɔ na békpi ni, bémomo bétulo bani na Israelƒuɔ bekpone bádu.

Yosua 10:28

Ɔmmɔ kama ni, Yosua ku Israelƒuɔ besie na bétékpoku Makedaƒuɔ na ɔ́di-ma lɛlɔ limeyi lɛmmɔ kani. Na ɔ́du ukyuli biala na ɔkya ɔma ɔmmɔ kemmo ɔni na ukyuli biala útebu. Na lɛla lɛni na ɔ́bla Yeriko ɔga ni, lɛni kani na ɔ́bla Makeda ɔga.

Yosua 10:9

Na usien umodi Yosua ku nwuna bekpone bésie bási Gilgal bétéduo Gibeon. Na kɔnakunwi bátáda balɛ Amoriƒuɔ lɛlɔ na bése kalɔ beekpóku-ma.

Yosua 11:8

Na Unwoti úti bekyuli bammɔ ɔ́kya Israelƒuɔ enu kemmo na bádu-ma kaduɛ na bani lɛnɔ nékeli ni, babi basiaku-ma bétédu Sidon Bonwu ku Misreƒot-Maim kemmo úti útédu Mispa Kɔwɛ kɔni nkya ɔƒɛ katukɔ. Na bádu-ma laa úti útédu ka bana akɔ ukyuli unwi muedi útebu.

Yosua 12:16

ku Makeda ku Betel

Yosua 15:35

ku Yarmut ku Adulam ku Soko ku Aseka

Yosua 15:41

ku Gederot ku Bet-Dagon ku Naama ku Makeda. Lɛma lɛmmɔ lɛdi lɛma libendi leevu-ɛku ku nina akpaklɔ.

Yosua 16:3

Na úsie útédu ɔƒɛ kanukɔ kakɛ na Yaƒletiƒuɔ ɔmii lɛlɔ úti ɔ́kɛ ɔƒɛ kanukɔ na Bet-Horon ɔmii lɛlɔ, na ɔkɛ Geser utáwɔ Mediterenia Ɛpu.

Yosua 16:5

Na ɔmii ɔni na bɔdubo bɔtina ndi Eƒraimƒuɔ kaba bekyuli ɔdi. Na bana ɔmii ɔni ntɛ ɔƒɛ katukɔ kakɛ ndi Atarot-Adar ɔ́kɔ úti útédu Bet-Horon eli.

Yosua 21:22

Na ɔkladi ndi Geser ku Kibsaim ku Bet-Horon ku nina bebuo kɔdikɔ kɔlɔ.

Litemi Batɛne 4:15

Uwi ɔni na Barak ku nwuna bekpone bese kalɔ beekpóku-ma ni, Unwoti ɔ́ya na Sisera bekpone ku nwuna bapɔnkɔ kɛɛkɛ bekpone béƒu. Na ɔmɛni ɔ́ya na Sisera ɔ́yu nwuna ɔpɔnkɔ kɛɛkɛ lɛlɔ na úti lɛgba na úkeli.

Litemi Batɛne 4:16

Na Barak ɔ́bi ɔ́siaku Sisera bekpone ku bapɔnkɔ kɛɛkɛ kama útédu Haroset-Hagoyim. Na bádu Sisera bekpone ƒui ɔni ina unwi muedi útebu.

Litemi Batɛne 5:20

Ayabi ébekpo na kayaa kemmo uwi ɔni na ákya eesié taavi. Na ási katɔ katɔ ébekpoku Sisera.

Samuel 1 13:18

Na linyɔdi liti lisie Bet-Horon. Na lɛkpa lɛtɛdi lɛsia ɔmii lɛlɔ kalɔ kesii kani na si enye ni, na aanu Seboim Kɔwɛ teemene kesii kani mɔɔtina kalɔ kakwiidi kakɛ.

Samuel 1 17:1

Na uwi ɔmmɔ kemmo ni, Ƒilistiƒuɔ básala bana bekpone na Soko na Yuda kalɔ kemmo ka betékpo. Anwuɔsu bátáda keliekɔ na Soko ku Aseka ntɛ na kesii kani baalɔ banii Eƒes-Damin.