Yosua 1:7 - Katɔti Ɔku Kedee

⁷ Nye kpakplaa na ese kayi. Na anu kaduɛ ataadi ɔda bubo bɔni ƒui na lɛ́ya mina kabla ɔblane Mose úbo-mii mmɔ lɛlɔ. Na tada tavia ɔda bubo bɔmmɔ tesie kɔmii iye kɔdianu. Na si ábla lɛni ni, ɔdubɔtɛku-ɔ na lɛla biala kemmo.

Yosua 1:7 ပူးပေါင်းရင်းမြစ်များ

Baga 1 2:2

Na ɔ́su-nwu ɔnini, “Mina uwi údu ka lisie ati bene kudɔ na kalɔ ɔgyu lɛlɔ. Anwuɔsu mɔɔlɛ-ɔ nnii kya ɔkplu na atina lɛlɔ ka ɔnana na adi.

Baga 1 2:3

Na adi ƒula Unwoti Katɔti etemila lɛlɔ ku ala ani ƒui na únyimi na nwuna ɔda bubo kemmo na bénweni bákya Mose ɔda bubo ɔku kemmo. Na ataasia-nya anu na asia nwuna ulu lɛlɔ kalɛ na lɛla biala na aabla lɛtɛku-ɔ. Na keyi kayɔdi kasiaku-ɔ na kesi kesii na akɛ.

Baga 2 22:2

Na Yosia ɔ́bla lɛla lɛni náƒɔ Unwoti anu. Na ɔ́siaku ɔti kuuku Ɔga Dawid ɔbladu kama siin. Na ɔ́di Katɔti ɔda bubo ƒui lɛlɔ.

Ala Alɛdi 1 22:13

Si ádi ɔda bubo bɔni na Unwoti úte Mose lɛlɔ ni, ala adubɔtɛ ete-ɔ. Nye kpakplaa na akya kayi na taya na enu áƒɛ-ɔ uwi ɔdi iye ayia lɛla lɛdi lɛnɔ.

Ala Alɛdi 2 15:7

“Anwuɔsu ɔlɛka bise kayi. Na bitete lili! Katɔti ɔlati ɔdubɔbu-mii na ɔkɔliku-mii katɔ si bɛɛdi nwuna ɔda bubo lɛlɔ.”

Ala Alɛdi 2 26:5

Sakaria ndi ukyuli ɔni nátina Usia ala na ɔ́tina-nwu kalɛ na unu Katɔti litemi na ɔdi-ni lɛlɔ lɛnɔ. Anwuɔsu uwi ɔni kemmo na Sakaria úlie ngba ƒui ni, Usia útaadi Katɔti litemi lɛlɔ kaduɛ na Katɔti lɛnɔ ɔ́ya na ala átɛku-nwu.

Hiob 1:8

Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi.”

Kɔgya 80:19

O Unwoti Katɔti Ɔyikune Ƒui, sɔku-bu beese bula uwi ɔbuni ɔmmɔ kemmo. Na aƒɛnimi anumi akya-bu na bɔkɛ bɔƒɔ.

Agba 4:27

Tedeyi tesie kɔmii iye kɔdianu. Na edie ƒula ɔgba na likpidi bɔbla kemmo.

Agba 8:20

Ulu ɔni nse siin lɛlɔ na mɔɔsia, na mɔɔbla ala ulu lɛlɔ.

Bumomo Bɔka 27:23

Na bana anumi mmɔ na úti kɔnu ɔ́sia-nwu lɛlɔ na úse-nwu nwuna kenye unyene aani kalɛ na Unwoti úbo-nwu ɔda.

Lɛkpa Ulu 11:8

Bɛnu kaduɛ na bɛdi ɔda bubo ku ala ani na lɛ́tina-mii ɔmwi kadi mɛni lɛlɔ ƒui kalɛ na bɛkɛ ɔyikun na bɛvia Yordan Ketu na bitélie kalɔ kammɔ kemmo.

Lɛkpa Ulu 12:32

Na bɛnu ka bɛ́bla lɛla biala na líbo-mii ɔda nnii bɛbla. Na bitada ɔdi bitedie iye biteti ɔdi bitebunku.

Lɛkpa Ulu 28:14

Na ɔda ɔni na uubó-mii ɔmwi mɛni ni, ɔdi utada utavia utesie kɔdianu iye kɔmii na utákpa baƒiɔ badi.

Lɛkpa Ulu 29:8

Na búti bana kɔlɔ na búle kɔlɔ kɔmmɔ búte Ruben ku Gad kaba, na búti kakɛ lɛnɔ búte Manase kaba.

Lɛkpa Ulu 29:9

Anwuɔsu bɛdi bunyimi bɔmɛni lɛlɔ kaduɛ kalɛ na lɛla biala bɛdubɔbla lɛtɛ lite-mii.

Lɛkpa Ulu 31:7

Amu na Mose ɔ́lɔ Yosua úbenyene Israelƒuɔ bammɔ ƒui anumi, na ɔ́su-nwu ɔnini, “Nye kpakplaa na taya na enu áƒɛ-ɔ, ɔsika awɔ ndi ukyuli ɔni ndubo bekyuli bamɛni bɔtɔnku na bitéduo kalɔ kani kemmo na Unwoti ɔ́su úse ka weti wete bina bati kuuku.

Lɛkpa Ulu 4:2

Na biteti ɔda bubo bɔbambadi bɔdi bitebunku ɔda bubo bɔmɛni lɛlɔ. Iye bitada ɔdi bitedie lɛnɔ. Mmomu bɛdi Unwoti ɔni ndi bina Katɔti ɔda bubo bɔni líti muute-mii mɛni lɛlɔ.

Lɛkpa Ulu 5:32

Anwuɔsu Israelƒuɔ, bɛnu kaduɛ na bɛdi ɔda ɔni na bina Unwoti Katɔti úbo mɛni ƒui lɛlɔ.

Yosua 1:1

Ka Mose ɔni ndi Unwoti kabla ɔblane úkpi kama ni, Unwoti ɔ́su Yosua ɔni ndi Nun ubidi ɔnini,

Yosua 1:8

Na tada ɔda bubo ɔku ɔmɛni kemmo etemila kalɔ budie teete bekyuli taya. Nu kaduɛ na eteeduo-nya kemmo usien ku ɔƒɛ. Kalɛ na eteenyimo na ataabla taasiaku etemila ani ƒui bénweni bákya ɔku ɔmmɔ kemmo. Na si aabla lɛni ni, ɔdubɔtɛku-ɔ na lɛla biala na aabla ni, lɛdubuse-ɔ kaduɛ.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Yosua 11:15

Na kalɛ na Unwoti úbo Mose ɔni ndi nwuna kabla ɔblane ɔda ni, lɛni kani na Mose lɛnɔ úbo Yosua ɔda. Na Yosua lɛnɔ ɔ́bla ɔ́siaku kalɛ kani na Mose úbo-nwu ɔda ɔmmɔ ɔni na útada útavia ɔda bubo bɔmmɔ bɔdi. Ɔ́bla lɛla biala pɛpɛɛpɛ aani kalɛ na Unwoti úbo Mose ɔda.

Yosua 23:6

“Anwuɔsu bɛkya ɔkplu na bɛnu kaduɛ na ɔdi biala ɔdi Mose ɔda bubo etemila ɔku ɔni úti úte-mii mmɔ lɛlɔ ƒui. Na bitada bitavia ɔda bubo bɔmmɔ bitese kɔmii iye kɔdianu.