Yosua 1:6 - Katɔti Ɔku Kedee

⁶ “Kya ɔkplu na taya na enu aƒɛ-ɔ. Ɔsika awɔ ndubo bekyuli bamɛni bɔtɔnku butéduo kalɔ kani na líse kenye ka meti mete bina bati kuuku.

Yosua 1:6 ပူးပေါင်းရင်းမြစ်များ

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Samuel 2 10:12

Anwuɔsu binye momoomo na bise kayi na bukpo bula bekisine na bula kadi bekyuli Israelƒuɔ ɔsu. Na bukpo na bɔƒɔ bula lɛma lɛni na Unwoti úte-bu ka bulie-ni kemmo buse. Unwoti ɔbla lɛla lɛni na anwu ɔlati ɔ́nu ka lɛdia.”

Baga 1 2:2

Na ɔ́su-nwu ɔnini, “Mina uwi údu ka lisie ati bene kudɔ na kalɔ ɔgyu lɛlɔ. Anwuɔsu mɔɔlɛ-ɔ nnii kya ɔkplu na atina lɛlɔ ka ɔnana na adi.

Ala Alɛdi 1 22:13

Si ádi ɔda bubo bɔni na Unwoti úte Mose lɛlɔ ni, ala adubɔtɛ ete-ɔ. Nye kpakplaa na akya kayi na taya na enu áƒɛ-ɔ uwi ɔdi iye ayia lɛla lɛdi lɛnɔ.

Ala Alɛdi 1 28:10

Awɔ na Unwoti ɔ́ƒuna ka atu kakpakɔ na bekyuli bataakpa-nwu. Nye kpakplaa na abla kabla kani na bákya-a kɔnu.”

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Ala Alɛdi 2 15:7

“Anwuɔsu ɔlɛka bise kayi. Na bitete lili! Katɔti ɔlati ɔdubɔbu-mii na ɔkɔliku-mii katɔ si bɛɛdi nwuna ɔda bubo lɛlɔ.”

Ala Alɛdi 2 20:11

Nsu ɔƒaani ni, aanu-ma nási badubo bebeƒie kalɔ kani na éte-bu baƒɔ-bu kudɔ benwini ama kadi.

Ala Alɛdi 2 20:7

Bula Katɔti, awɔ nábɔku kadi bekyuli bani ƒui na nka beli mɛni kukuuku álɛku mɛni asa na ƒula kadi bekyuli bani ndi abu Israelƒuɔ búbelie mɛni. Na awɔ néti kalɔ kamɛni éte ƒula ɔkpana ɔni ndi Abraham bebi ku bawɔ ka kenwini bana kadikɔ uwi ƒui.

Kɔgya 27:14

Kya ɔkplu na ataanu Unwoti ulu. Enu ataƒɛ-ɔ taanu-nwu anumi.

Hagai 2:4

Nsu amii ni, bɛkya ɔkplu na binye kabla kammɔ lɛlɔ! Ɔsika ami, Unwoti Ɔyikune Ƒui, ndubɔkya-mii akɔ mɛni, na libunku-mii na kabla kammɔ kemmo

Sakaria 8:9

“Na enu ataƒɛ-mii, ɔsika Unwoti Ɔyikune Ƒui na ndi. Bɛbla kasusu bɛsiku etemila ani na mina kenye bediene básu-mii uwi ɔni na baakya mina kakpakɔ kowodu kalɔ ɔka.

Bumomo Bɔka 26:53

“Le kalɔ kammɔ ete-ma na beti-ka babla bana kadikɔ. Na ele-ka kalɛ bana bumomo buse kenye.

Bumomo Bɔka 33:53

Na biti kalɔ kammɔ na bilie mmɔ, ɔsika ami Unwoti néti kalɔ kammɔ muute-mii ka biti-ka bɛbla bina kadikɔ.

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Lɛkpa Ulu 1:21

Anwuɔsu bɛɛnu kalɔ kammɔ ka kewi mmɔ. Biteesie na bitéti-ka aani kalɛ na Unwoti ɔni ndi bina bati kuuku Katɔti ɔ́su-mii. Na bitayia ukyuli ɔdi, na enu ataƒɛ-mii lɛnɔ.

Lɛkpa Ulu 1:8

Bɛnu bɛti ka kalɔ kamɛni ƒui na líti muute-mii. Biteesie na bitéti-ka binwini bina kadikɔ. Kalɔ kammɔ na Lɛ́su líse ka ndubuti lite bina bati kuuku bani ndi Abraham ku Isak ku Yakob ku nwuna bawɔ.”

Lɛkpa Ulu 11:8

Bɛnu kaduɛ na bɛdi ɔda bubo ku ala ani na lɛ́tina-mii ɔmwi kadi mɛni lɛlɔ ƒui kalɛ na bɛkɛ ɔyikun na bɛvia Yordan Ketu na bitélie kalɔ kammɔ kemmo.

Lɛkpa Ulu 31:23

Amu na Unwoti ɔ́su Yosua ɔni ndi Nun ubidi ɔnini, “Nye kpakplaa na akya ɔkplu. Ɔsika awɔ ndubo Israelƒuɔ bamɛni bɔkpanku busienku kalɔ kani lɛ́su líse ka meti mete-ma lɛlɔ. Na ndubulieku-ɔ.”

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.

Yosua 1:18

Na ukyuli biala ɔni mata menye-ɔ lɛlɔ na uladi ƒula litemi iye ɔda ɔni na ébo-nwu lɛlɔ ni, bɔdubɔdu-nwu. Mmomu awɔ ni, nye kpakplaa na ese kayi.”

Yosua 1:7

Nye kpakplaa na ese kayi. Na anu kaduɛ ataadi ɔda bubo bɔni ƒui na lɛ́ya mina kabla ɔblane Mose úbo-mii mmɔ lɛlɔ. Na tada tavia ɔda bubo bɔmmɔ tesie kɔmii iye kɔdianu. Na si ábla lɛni ni, ɔdubɔtɛku-ɔ na lɛla biala kemmo.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Yosua 10:25

Amu na Yosua ɔ́su bekpone bammɔ banini, “Bitayia, na enu lɛnɔ ataƒɛ-mii. Mmomu bɛkya ɔkplu na bise kayi. Na lɛni na Unwoti ɔdubuti ɔbla bina bekisine bani ƒui amii ku-ma bɛdubo bukpo.”

Yosua 13:6

“Na bani ƒui nli abi lɛlɔ ɔ́si Lebanon útédu Misreƒot-Maim na badi Sidomƒuɔ ni, ami Unwoti ɔlati ndubo-ma bɔbɔku bute Israelƒuɔ. Na lɛla lɛni kani na ɔlɛka abla ndi ka ele kɔlɔ kɔmmɔ ete Israelƒuɔ aani kalɛ kani na líbo-ɔ ɔda nnii bla.

Yosua 18:3

Anwuɔsu Yosua úye Israelƒuɔ ɔnini, “Uwi ɔmani na bɛdubulie bitédu asa na bɛta na biteesie bitélie kalɔ kani na bina Bati kuuku Unwoti Katɔti úti úte-mii mmɔ lɛlɔ?

Yosua 21:43

Anwuɔsu Unwoti úti kɔlɔ kɔni ƒui na úse kenye ka weti wete Israelƒuɔ bati kuuku úte Israelƒuɔ na bételie-ka kemmo.

Yosua 5:6

Na akwa aavlene na Israelƒuɔ beti bésie bana ulu. Na uwi ɔmmɔ kemmo ni, banana bani ƒui nédu kekpo busie ƒui békpi ka bátádi Unwoti litemi lɛlɔ ɔsu, ɔsika Unwoti úse kenye ka balanu kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ. Na aka na ɔ́su bana bati kuuku use ka wete-ma.

Samuel 1 4:9

Ƒilistiƒuɔ, binye kpakplaa na bɛdi lɛnanabi. Si ɔɔɔdi lɛni bɛdubo bunwini Israelƒuɔ kabla bablane aani kalɛ kani na ama bákya-bu kalɔ dii!”