Yosua 1:4 - Katɔti Ɔku Kedee

⁴ Na kalɔ kammɔ ɔmii ɔ́si kalɔ kani nákwii na kewi mɛni útédu Lebanon ɔ́vi úsie útédu Euƒrate Ketu bonwu kammɔ kemmo na ɔƒɛ katukɔ. Na ɔ́kɛ Hetiƒuɔ kalɔ ƒui kemmo úti útédu Mediterenia Ɛpu ɔni nwi ɔƒɛ kanukɔ.

Yosua 1:4 ပူးပေါင်းရင်းမြစ်များ

Baga 1 10:29

Na beeyé ɔpɔnkɔ kɛɛkɛ unwi taasiku Egyipte sika ɔƒualadi antabi akyami maatɛ unu. Na ɔpɔnkɔ unwi kuye kɔdi sika ɔƒualadi antabi lɛkyami linwi ku kakɛ unu. Na beyedine bammɔ basɔku-ma beye bete Hetiƒuɔ ku Siriaƒuɔ baga.

Baga 1 4:21

Na Salomo ɔ́di kɔlɔ kɔmmɔ ƒui lɛlɔ. Ɔ́si Euƒrate Ketu ɔkɛ Ƒilisti útédu Egyipteƒuɔ ɔmii. Na kɔlɔ kɔmmɔ bekyuli beeyi kuyi teete Ɔga Salomo. Na bákya-nwu kalɔ nwuna ngba bulie uwi ƒui.

Ala Alɛdi 1 18:3

Na kekpo bamba kemmo ni, Dawid ku nwuna bekpone békpoku Sobaƒuɔ bétédu kesii kani baalɔ banii Hamat. Na bana ɔga ndi Rehob ubidi ɔni ndi Hadadeser. Na kekpo kammɔ kálɛ uwi ɔni na Hadadeser ku nwuna bekpone bátu akpagya na bási bésela betékpoku kadi kani bekyuli nli Euƒrate Ketu amadɔ.

Ala Alɛdi 1 5:9

Na ɔƒɛ kanukɔ kakɛ ni, bélie bétédu ketele kalɔ kakwiidi kammɔ kɔmadɔ na útédu Euƒrate Ketudɔ. Ɔsika bana bebuo bémomo bébu na Gilead kalɔ lɛlɔ.

Esra 4:20

Na Yerusalem ɔdi kalɔ kani na baga bani na bebo ɔkplu báadi-ka lɛlɔ dii. Na bátaaƒɔ kuyii teete-ma.

Israelƒuɔ Bɔlɛ 23:31

“Na ndubo bɔya na bina lɛmii lise kalɔ lɛsiku Ɛpugyie kɔtu útédu Mediterenia Ɛpu kenye. Na ɔsɔ ɔsi ketele kemmo útédu Euƒrate Ketu kenye. Na ndubuti bekyuli bani nli kalɔ kammɔ kemmo lɛkya-mii enu kemmo, na bɛbɔku-ma bɛlɛku bina anumi.

Lɛkpa Ulu 1:7

Anwuɔsu bɛta mɛni na biteesie Amoriƒuɔ abi lɛlɔ kɔlɔ kɔni nkya amadɔ mmɔ ƒui ku Yordan Ketu kɔwɛ kemmo ku abi lɛlɔ ku ɔkwalɛ ɔmmɔ kemmo ku kada kakɛ ku Mediterenia kalɔ ƒia lɛlɔ. Na bisie Kanaanƒuɔ kalɔ ku nwuna kama kakɛ útédu Lebanon abi lɛlɔ útédu Euƒrate Ketu bonwu kɔtu.

Lɛkpa Ulu 11:24

Na kesi kesii na bina lɛgba lɛɛnya ni, kalɔ kammɔ kadubɔbla bina kadi ɔ́si kalɔ kakwiidi kemmo na kada kakɛ úti útédu Lebanon na katɔ kakɛ na ɔ́si Euƒrate Ketudɔ na ɔƒɛ katukɔ úti utédu Mediterenia Ɛpu na ɔƒɛ kanukɔ.

Lɛkpa Ulu 3:25

Anwuɔsu muuvele-ɔ nnii ya na lɛvia lisie kalɔ kabunidi kani nwi Yordan Ketu ɔvi ngye na ntánu abi lɛlɔ kɔlɔ kɔbunidi kɔni nkya mmɔ ku Lebanon abi kalɔ kabuni kammɔ.”

Budie Taatina 9:14

Lɛdi lɛmmɔ lɛ́su Katɔti ɔtu ɔkundi ɔmmɔ ɔnini, “Táƒɛnimi batu ine bani na bényimi bése Euƒrate Ketu bonwu kudɔ!”