Yosua 1:17 - Katɔti Ɔku Kedee

¹⁷ Na kalɛ kani na búnu Mose litemi ni, lɛni kani na bɔdubunu ƒula litemi lɛnɔ. Na buuvele bɔnii ƒula Unwoti Katɔti ulieku-ɔ aani kalɛ kani na úlieku Mose.

Yosua 1:17 ပူးပေါင်းရင်းမြစ်များ

Samuel 2 14:17

“Lɛ́su lɛlɔ na mina kakali kemmo nnini, ‘Kuli kɔdia na linu lɛla lɛni mɔɔyu kayi buɛɛ lɛsiku ɔga kudɔ, ɔsika kalɛ na Katɔti batu bese ni, lɛni kani na mina ɔga use ute-mi. Na ɔdubɔnu likpidi ku lɛbuni kavumana ɔti na ɔƒuna lɛbuni. Na muuvele nnii Unwoti ɔni ndi ƒula Katɔti ulieku-ɔ.’ ”

Baga 1 1:37

Na kalɛ na Unwoti úlieku awɔ mina ati ku ɔga ni, ulieku Salomo lɛnɔ lɛni kani. Na ɔya na nwuna lɛgadi libomo litulo mina Ɔga Dawid lɛdi muedi!”

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Kɔgya 20:1

Unwoti Katɔti ɔni na bula nana Yakob ɔ́kpa unu ƒula bɔkpali na ɔgbankpi limeyi na ɔgyumana-a.

Kɔgya 20:4

Na ɔbla ƒula kayi lɛyɔla ute-ɔ. Na ɔya na ƒula kasusu kani na éti kebo kete lɛni.

Kɔgya 20:9

Unwoti, ya na ƒula Ɔga ɔdi lɛlɔ. Na si bɔ́kpali-ɔ ni, na enu ete-bu.

Bumomo Bɔka 27:18

Ɔmɛni ɔsu Unwoti ɔ́su Mose ɔnini, “Ti Nun ubidi Yosua, ukyuli ɔni na mina kɔyu kɔ́ƒɔ-nwu lɛlɔ kemmo, na eti ƒula kɔnu asia-nwu lɛlɔ.

Bumomo Bɔka 27:20

Na ete-nwu ƒula ɔyikun ɔmmɔ ɔdi kalɛ na Israelƒuɔ ƒui babu-nwu.

Mateo 21:9

Amu na bekyuli bani ntɔ ku bani nkpɛ ƒui bése kalɔ baava taasu banii, “Yiidu! Ɔga Dawid Uwɔ ɔmmɔ ɔ́si ɔdubo o-o! Bimwi anwu ɔni ndubo na Blɔti lɛnyi kemmo! Hosiana!”

Lɛkpa Ulu 34:9

Na asa na Mose wekpi ni, úti nwuna enu ɔ́sia Yosua lili na ɔ́kpali katɔ, na Unwoti úte Yosua lɛnunda kɔyu. Anwuɔsu Israelƒuɔ béti ɔbu béte Yosua na beenú-nwu litemi na baadi ɔda bubo bɔni na Unwoti úti úte-ma lɛlɔ ɔkɛnku Mose lɛlɔ.

Yosua 1:16

Amu na bekyuli bammɔ bédie kenye na básu Yosua banini, “Lɛla biala na ásu-bu ni, bɔdubɔdi-ni lɛlɔ. Na kesi kesii na átala-bu ni, bɔdubusie.

Yosua 1:18

Na ukyuli biala ɔni mata menye-ɔ lɛlɔ na uladi ƒula litemi iye ɔda ɔni na ébo-nwu lɛlɔ ni, bɔdubɔdu-nwu. Mmomu awɔ ni, nye kpakplaa na ese kayi.”

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Yosua 4:14

Na lɛla lɛni na Unwoti ɔ́bla limeyi lɛmmɔ lɛ́ya na Yosua ɔ́ƒɔ lɛnyi na Israelƒuɔ akɔ. Na béti ɔbu béte-nwu nwuna ngba bulie kemmo ƒui aani kalɛ kani na béti ɔbu béte Mose.

Samuel 1 17:37

Unwoti ɔni nédie-mi ɔ́siku gyata ku kegidi aƒiɔ akɔ ndubudie-mi bɔsiku Ƒilistini ɔmɛni enu kemmo.” Amu na Saul ɔnini, “Ɔdia, amu teesie na etékpoku-nwu. Bula ƒui bubo lɛnunsia ka Katɔti ɔdubo-ɔ bubunku na akana-nwu lɛlɔ bɔdi.”

Samuel 1 20:13

Nsu si mina ɔti ɔda kasusu kekpidi ka ɔbla-a lɛla lɛdi na ami Yonatan ńtete-ɔ bɔti na ekeli aƒɔ ƒula lili ngba ni, na Unwoti ɔni-mi kɔtu kpakplaa biala námanku-mi. Muuvele Unwoti nnii ulieku-ɔ kalɛ kani na úlieku mina ɔti úbavi.