Yosua 1:16 - Katɔti Ɔku Kedee

¹⁶ Amu na bekyuli bammɔ bédie kenye na básu Yosua banini, “Lɛla biala na ásu-bu ni, bɔdubɔdi-ni lɛlɔ. Na kesi kesii na átala-bu ni, bɔdubusie.

Yosua 1:16 ပူးပေါင်းရင်းမြစ်များ

Esra 10:4

Ta, na abla lɛla lɛdi asiku litemi lɛmɛni lɛlɔ, na bɔdubunye-ɔ kama. Ɔmmɔ ɔsu kya kayi na esie lɛla lɛdi kalɔ.”

Bumomo Bɔka 32:25

Amu na Gadƒuɔ ku Rubenƒuɔ básu Mose banini, “Ati, ƒula kabla bablane na bɔdi, bɔdubɔbla kalɛ kani na ébo-bu ɔda.

Bumomo Bɔka 32:31

Amu na Gadƒuɔ ku Rubenƒuɔ bédie kenye banini, “Abu bɔdubɔbla lɛla biala na Unwoti úbo-bu ɔda.

Lɛkpa Ulu 34:9

Na asa na Mose wekpi ni, úti nwuna enu ɔ́sia Yosua lili na ɔ́kpali katɔ, na Unwoti úte Yosua lɛnunda kɔyu. Anwuɔsu Israelƒuɔ béti ɔbu béte Yosua na beenú-nwu litemi na baadi ɔda bubo bɔni na Unwoti úti úte-ma lɛlɔ ɔkɛnku Mose lɛlɔ.

Lɛkpa Ulu 5:27

Anwuɔsu Mose, awɔ kani teesie na eteenu lɛla biala na bula Unwoti Katɔti ɔsu-bu. Na enwini abasu-bu. Na lɛla biala ɔdubo-bu bɔsu ni, bɔdubo-ni lɛlɔ bɔdi.”

Tito 3:1

Na aya na bana ƒui benyimo na beboku lɛlɔ kalɔ bete bana batɔnkune ku lɛlɔ badine, na benu-ma litemi, na bataabla lɛbuni na ulu biala lɛlɔ.

Yosua 1:15

úti útédu ka Unwoti úte-ma keliekɔ aani kalɛ na ɔ́bla úte-mii. Na si Unwoti ɔ́ya na Israelƒuɔ bakladi bammɔ bákɛ keliekɔ ni, uwi ɔmmɔ na bekpone bammɔ badubɔsɔ benwini besie bana keliekɔ kani na Unwoti kabla ɔblane Mose úte-ma na Yordan ɔƒɛ katukɔ kakɛ.”

Yosua 1:17

Na kalɛ kani na búnu Mose litemi ni, lɛni kani na bɔdubunu ƒula litemi lɛnɔ. Na buuvele bɔnii ƒula Unwoti Katɔti ulieku-ɔ aani kalɛ kani na úlieku Mose.