Yosua 1:14 - Katɔti Ɔku Kedee

¹⁴ Na si bídu mmɔ ni, bina beleku ku bina bebi ku bebuo basɔ bakya mmɔ. Nsu bina bekpone bani na bátu-ma akpagya ni, ɔlɛka bagyu batɔ bana banwa bakladi kalɛ na bebunku-ma

Yosua 1:14 ပူးပေါင်းရင်းမြစ်များ

Israelƒuɔ Bɔlɛ 13:18

Anwuɔsu Katɔti ɔ́tɔnku-ma na bénwini bátásia ketele ulu ɔni ntɛ úsie Ɛpugyie mmɔ lɛlɔ. Na Israelƒuɔ báda lɛlɔ aani bekpone kalɛ asa na bálɛ Egyipte kalɔ lɛlɔ.

Bumomo Bɔka 32:26

Na bula beleku ku bebi ku bebuo badubɔsɔ bakya Gilead mɛni.

Lɛkpa Ulu 20:8

Na basɔ beye bekpone bammɔ kɔkladi banini, “Bina akɔ ɔdi ɔkya na ɔtɔtɔ ɔɔgyú-nwu iye enu áƒɛ-nwu?” Na si badi bátuna banii “Ɛɛn” ni, na bɛya na benwini kalɛ na lɛlɔ lilawiɛ bekpone bakladi.

Lɛkpa Ulu 3:19

Nsu bɛda bina beleku ku bebi ku bebuo pii bani na bibo mmɔ bɛkya kama.

Lɛkpa Ulu 33:21

Na ama nákɛ kalɔ kammɔ kesii kani kakɛ ndia ntulo. Na lɛla lɛni námanku ɔtɔnkune ni, béti béte-nwu. Ɔsika ama nádi Unwoti ɔda bubo etemila lɛlɔ uwi ɔni na Israelƒuɔ batɔnkune ƒui basala lisu.”

Yosua 1:13

“Binyimo Unwoti kabla ɔblane Mose ɔda ɔni na úbo-mii ɔnini, ‘Bina Unwoti Katɔti úti kalɔ kakɛ kani na Yordan ɔƒɛ katukɔ mɛni úte-mii ka kenwini bina keliekɔ.’

Yosua 1:15

úti útédu ka Unwoti úte-ma keliekɔ aani kalɛ na ɔ́bla úte-mii. Na si Unwoti ɔ́ya na Israelƒuɔ bakladi bammɔ bákɛ keliekɔ ni, uwi ɔmmɔ na bekpone bammɔ badubɔsɔ benwini besie bana keliekɔ kani na Unwoti kabla ɔblane Mose úte-ma na Yordan ɔƒɛ katukɔ kakɛ.”

Yosua 4:12

Asa na bávia Yordan Ketu ni, Ruben ku Gad ku Manase kaba kakɛ banana baklibi lɛlɔ bese bete kekpo na ama bagyu batɔ bakladi aani kalɛ na Mose ɔ́su-ma use.

Budie Taatina 17:4

Uleku ɔmmɔ unyimi adi otondi ku egyiedi na úti sika ugyiedi ku asɛɛ ku aseebi ɔ́klibi lɛlɔ. Na ɔda sika ugyiedi ɔɔƒɛɛ ɔdi ɔni kemmo na ala ani na Katɔti ukisi na eesé lɛlɔ éyi tɛtɛɛtɛ ɔkɛnku nwuna lɛyalɛ ala bɔbla ɔsu.