Yosua 1:11 - Katɔti Ɔku Kedee

¹¹ “Bɛvi bekyuli bammɔ lɛlɔ na bana kɔkyakɔ na bɛsu-ma bɛnini, ‘Bɛklibi lɛlɔ na bɛwia adila adi bise bite lɛlɔ. Ɔsika emeyi atɛ kama bɔdubɔvia Yordan Ketu na busie kalɔ kani na bina Unwoti Katɔti ɔ́su ka wete-mii kemmo.’ ”

Yosua 1:11 ပူးပေါင်းရင်းမြစ်များ

Baga 2 20:5

“Sɔ nwini sie Hesekia, mina kadi bekyuli ɔtɔnkune kudɔ na asu-nwu anii, ‘Lɛni na Unwoti, ƒula ɔti Dawid Katɔti, ɔɔsu. Línu ƒula bɔkpali ku keku kani na éwulo ku imii, na ndubo-ɔ bɔbwi. Ɔ́si ɔmwi útédu limeyi lɛtɛdi lɛlɔ ni, adubo bɔta busie Unwoti kakpakɔ.

Israelƒuɔ Bɔlɛ 19:11

Na baklibi lɛlɔ bese limeyi lɛtɛdi. Ɔsika limeyi lɛtɛdi lɛmmɔ lɛlɔ ndubɔyu bubo Sinai kɔbi kaƒɔna na ukyuli biala ɔnu-mi.

Hosea 6:2

Ɔdubo bɔya na bɔsɔ bɔta na abu ku-nwu bɔsɔ bulie bɔsala na emeyi anyɔ ku atɛ kama.

Lɛkpa Ulu 11:31

Na ɔƒɛni ni, bɛdubo Yordan Ketu bɔvia na biteesie bitélie kalɔ kani na bina Unwoti Katɔti ɔ́su úse ka wete-mii lɛlɔ. Na si bísie bítélie mmɔ ni,

Lɛkpa Ulu 3:18

Uwi ɔmmɔ kemmo ni, líbo-ma ɔda nnini, “Bula Unwoti Katɔti néti kalɔ kani nkya Yordan Ketu ɔƒɛ katukɔ kakɛ úte-mii ka biti bɛbla bina kadikɔ. Nsu ɔƒɛni mɔɔsu bina bekpone ƒui ka bavia Yordan Ketu na bagyu batɔ-bu na betékpo baƒɔ kɔlɔ kɔni nkya mmɔ bete Israel adua akladi na beti babla bana kadikɔ.

Lɛkpa Ulu 9:1

Bise atu na binu! Ɔmwi limeyi lɛmɛni lɛlɔ ni, bɛdubo Yordan Ketu bɔvia na bisie bitáƒɔ kalɔ kani na kana bekyuli bemomo na bebo ɔyikun betulo-mii binwini bina kadikɔ. Na bana lɛma linengudi líbomo kaduɛ na lɛma lɛmmɔ awodu ákuku ésie kayaa geen.

Yosua 1:10

Anwuɔsu Yosua úbo Israelƒuɔ batɔnkune bammɔ ɔda ɔnini,

Yosua 1:2

“Mina kabla ɔblane Mose úkpi. Anwuɔsu awɔ ku Israelƒuɔ ƒui bɛklibi lɛlɔ na bɛvia Yordan Ketu na biteesie kalɔ kani na ndubuti lite-mii kemmo.

Yosua 3:2

Nwuna emeyi atɛ kama ni, bana batɔnkune bávi bekyuli bammɔ ƒui lɛlɔ na bana kakyakɔ mmɔ.