Yona 4:5 - Katɔti Ɔku Kedee

⁵ Yona ɔ́vi ɔlɛ ɔma ɔmmɔ kemmo na útélie ɔƒɛ katukɔ kakɛ. Na ɔ́tu kevo kadi ute lɛlɔ na uli-ka kemmo ɔɔnu lɛla lɛni malɛ na ɔma ɔmmɔ kemmo.

Yona 4:5 ပူးပေါင်းရင်းမြစ်များ

Baga 1 19:13

Na ka Elia únu lɛdi lɛmmɔ ni, ɔni nwuna awu ɔtɔdi úbi anumi na ɔ́lɛ úténye ubu ɔmmɔ kenye. Mmɔ na lɛdi lɛmmɔ líye Elia ɔnini, “Bi na aabla mɛni?”

Baga 1 19:9

Mmɔ na útéduo lɛtakpɛ ubu ɔdi kemmo na ɔ́tɛ mmɔ usien umodi ɔmmɔ. Amu na Unwoti úye-nwu ɔnini, “Elia, bi na aabla mɛni?”

Yesaia 57:17

Bina ɔdivo náya na líti kɔnyi lɛ́kya-mii na lɛ́ni-mii kɔtu na lɛ́bɛla-mii mina lɛlɔ na bɛsɔ bilanu-mi. Nsu ɔmɛni ƒui ni, bɛmu bibo atu ɔkplu na binye bina alaekpidi bɔbla lɛlɔ ku ɔƒɛni.

Yeremia 20:9

Na ɔɔbla-mi uwi ɔdi aani nda ƒula lɛlɔ kasusu buti iye ƒula lɛnyi muedi bɔlɔ nnya. Nsu ƒula litemi lɛɛdu-mi lɛlɔ kemmo aani ogya na naaakana na libile kenye lɛsɔ lilie kpoo.

Yona 1:5

Na liƒu libendi lɛ́da bekyuli bani ƒui nkya ɔkɔlɔ ɔmmɔ kemmo na ɔdi biala ɔɔva momoomo taakpali nwuna unwoti. Na kalɛ na ɔkɔlɔ ɔmmɔ walɛ unu ɔsu ni, béƒwimi bana etila ani ƒui nkya ɔkɔlɔ ubendi ɔmmɔ kemmo bákya ɛpu kemmo. Nsu uwi ɔmmɔ kemmo ni, Yona ɔ́yu úsie ɔkɔlɔ ubendi ɔmmɔ kalɔ ɔtɔ unwi kemmo útátɛ ɔlɛɛ geen.

Yona 4:4

Unwoti údie kenye ɔnini, “Bi ɔyikun na ebo ɔsu na eeti kɔnyi?”

Yona 4:6

Amu na Unwoti Katɔti ɔ́ya na kabuli kadi kákwɛ na Yona keliekɔ mmɔ na kátu kébi mmɔ, na uute-nwu ɔyuli ɔni nwuna kalɔ kese buɛɛ. Kubiti kɔ́da Yona geen na kabuli kammɔ ɔsu.