Yona 2:9 - Katɔti Ɔku Kedee

⁹ Nsu ami ndubɔtu lɛnu limwi-ɔ na liti akpala lite-ɔ na lɛdi mina linyese lɛlɔ! Ɔsika ngba bɔƒɔ bɔɔsí Unwoti kudɔ.”

Yona 2:9 ပူးပေါင်းရင်းမြစ်များ

Ala Kalɔ Buse 35:3

Ɔmmɔ kama na bibo na buteesie Betel kesii kani na ndubɔtu lɛkpabi lite Unwoti Katɔti. Anwu nénu-mi bɔkpali uwi ɔni na ala eekpóku-mi, na ɔ́gyumana-mi kesi kesii na lɛ́vi.”

Samuel 2 15:7

Na akwa ene kawɔlɔkɔ ni, Absalom ɔ́su Ɔga Dawid ɔnii, “Buvele ya na lisie Hebron na ntáƒɔ kayu na lidie lili na kenye kani na líse líte Unwoti na mmɔ.

Hiob 22:27

Na si ákpali-nwu ni, ɔdubunu ute-ɔ na ɔbla ƒula lɛyɔla. Na kenye kani na ése-nwu lɛnɔ ni, adubɔdi-ka lɛlɔ.

Kɔgya 107:22

Ɔlɛka babla enugya akpala bete-nwu. Na bedie lɛlɔyɔ lɛnu bebo ala ebendi ani na ɔ́bla kudu batina kadi ƒui.

Kɔgya 27:1

Unwoti ndi mina bukeye na anwu muudie-mi lɛbibo biala kemmo. Ɔdi mina katamikukɔ kani muukeli teesie na ɔɔgyumana-mi ɔsu naaayia.

Kɔgya 3:8

Unwoti, awɔ mɔɔyá na ukyuli ɔɔdi nwuna bekisine lɛlɔ. Na awɔ kani mɔɔbla-nwu lɛƒɔndia.

Kɔgya 50:14

Ami ndi bina Unwoti Katɔti Ɔyikune Ƒui anwuɔsu biti enugya binwini aani akpala bite-mi. Na ala ani na bíse kenye ka bɛdubɔbla ni, bɛbla bɛsiaku-nya lɛlɔ lɛni bite-mi.

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Kɔgya 68:20

Unwoti ɔni ntulo ƒui ndi bula Katɔti ɔni muubunku-bu na uudie-bu kukpi kemmo.

Kɔgya 95:2

Bɛya na bɔgya-nwu enu na bumwi-nwu ku ebiti lɛnu momoomo.

Yesaia 45:17

Nsu Unwoti ɔdubudie Israel na bakɛ ngba uwi ƒui ɔni na kɔƒa kulékpo-ma iye anumi ewi-ma kalɔ kudii.

Yeremia 33:11

lɛlɔyɔ kɔvanu ku ebiti kasala lidu lidu. Na adubunu ka beeti beleku taawɛɛ-ma ku ebiti katɔ. Na si bekyuli bébo-mi kudɔ na mina kakpakɔ banii beeti etela babakpa bete-mi ni, adubunu ka baasu banini, “ ‘Buumwi-ɔ, Unwoti Ɔyikune Ƒui! Bɛgya Unwoti enu, ɔsika ɔdia na ɔɔyɔ́-bu uwi ndi uwi.’ Na kalɔ kammɔ kadubɔsɔ kadia edula.

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Yohane 4:22

Ɔƒɛni amii Samariaƒuɔ ni, bɛɛkpá lɛla lɛni bɛɛɛgyi. Nsu abu Yudaƒuɔ ni, abu bɔgyi ala bɔ́siku-nwu lɛlɔ. Ɔsika bekyuli budie na likpidi kemmo ni, Yudaƒuɔ akɔ na bɔ́si bubo.

Batalane Kabla 4:12

Anwu lɛti ndi bekyuli Ɔƒɔne, ɔsika anwu kani na Unwoti úte lɛnyi ku ɔyikun na bekyuli ƒui akɔ ɔni makana waƒɔ-bu ngba.”

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Lɛkpa Ulu 23:18

Ɔƒɛni egulabi biala na ukyuli ɔmɛni udu ɔdubɔkɛ na kabla kani na ɔɔbla mɛni kemmo ni, uteti egulabi ammɔ adi uteboku bina Unwoti Katɔti kakpakɔ ɔnii ubedie lili na kenye kani na úse ɔsu. Ɔsika Katɔti bayalɛ beesé Katɔti lɛlɔ.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Budie Taatina 7:10

Na básu ku lɛdi momoomo banini, “Ngba bɔƒɔ bɔɔsí bula Katɔti ɔni nlie lɛgaboku lɛlɔ ku Koƒonu Ubi ɔmmɔ kudɔ.”

Samuel 1 12:21

Biteni Unwoti na bitaakpa baƒiɔ. Ala ammɔ kama bɔsiaku buuubo kɔsia kɔdi. Na alakana-mii bubunku lɛnɔ, iye aƒɔ-mii na bina bekisine enu kemmo.