Yona 1:3 - Katɔti Ɔku Kedee

³ Nsu ka Yona ulayɔ ka usie ɔsu ni, úkeli úsie Yopa ɔnii utéti ɔkɔlɔ ubendi na mmɔ na uteesie kalɔ kani baalɔ banii Tarsis. Amu na ɔ́ƒɔ kayu na úduo ɔkɔlɔ ubendi ɔmmɔ kemmo na básia ntu anumi bésela Tarsis kalɔ lɛlɔ likpo lɛni na watábɛ Unwoti.

Yona 1:3 ပူးပေါင်းရင်းမြစ်များ

Ala Kalɔ Buse 3:8

Amu ka useyi uwi údu ni, ɔnana ɔmmɔ ku ulekudi bénu Unwoti Katɔti kɔku uwi ɔni na ɔkɛ ɔɔví kemo kammɔ kemmo. Amu na bátábɛ na egyii akɔ kalɛ na Unwoti Katɔti ulanu-ma.

Ala Kalɔ Buse 4:16

Ɔmmɔ ɔsu Kain ɔ́tɔlɔ Unwoti Katɔti anumi mmɔ na útélie kalɔ kani baalɔ Nod si álɛ Eden ésela ɔƒɛ katukɔ kakɛ.

Baga 1 19:3

Ɔmmɔ ɔsu ka Elia únu kenye kammɔ ni, liƒu lɛ́da-nwu na úkeli ku nwuna kabla ɔblane kalɛ na balákɛ-nwu baládu. Na ka bédu Beer-Seba na Yuda kalɔ kemmo ni, ɔ́da-nwu ɔ́kya mmɔ,

Baga 1 19:9

Mmɔ na útéduo lɛtakpɛ ubu ɔdi kemmo na ɔ́tɛ mmɔ usien umodi ɔmmɔ. Amu na Unwoti úye-nwu ɔnini, “Elia, bi na aabla mɛni?”

Ala Alɛdi 2 2:15

“Anwuɔsu téti ƒula kakpa ku atoti ku nnɔ ku ntɛ bɔni na ése kenye ka adubuti aƒɔ mina kabla bablane kayu mene.

Ala Alɛdi 2 2:16

Ndubo-ma bɔsu na bese kalɔ ku ligyii lɛmmɔ bukulo na Lebanon. Na bekyuli bumomo bɔni na aawia na beti basia ntu anumi lɛlɔ bemene-ɔ na Yopa na ƒula kabla bablane bala-ni basiku mmɔ besienku Yerusalem.”

Ala Alɛdi 2 9:21

Na uwi ɔmmɔ kemmo ni, Salomo ubo lɛkɔlɔ libendi pii lɛni muusié ketu lɛlɔ teete-nwu. Na akwa atɛ biala kemmo ni, ɔɔtala na beeti-ni ku Ɔga Hiram lɛkɔlɔ na beesié ntu anumi na beesié teetéti sika ugyiedi ku sika ɔƒualadi ku atunkpɛ ku bagyii ku baasɛ bonwu badi muubimi lɛlɔ si beesié teeboku-nwu.

Esra 3:7

Ɔmmɔ kama béti egulabi adi béte lɛtɔ batune ku banwine badi. Na béti adila ku ntu ku nnɔ ka beti besienku Sidonƒuɔ ku Tiroƒuɔ kalɛ na beti sida kugyiikɛ basia ɛpu lɛlɔ basiku Lebanon beboku Yopa. Na Persiaƒuɔ Ɔga Kores úte kuƒi kɔmɛni.

Hiob 1:12

Mmɔ mmɔ ni, Katɔti ɔ́su Satan ɔnini, “Ɔdia, amu líte-ɔ kuƒi na nwuna ala ƒui lɛlɔ, mmomu ƒula lɛnimi litetuku-nwu ɔlɔna lɛlɔ kesii biala anii aabla-nwu lɛla lɛdi.” Amu na Satan ɔ́gyu Katɔti anumi mmɔ ɔ́tɔlɔ.

Hiob 2:7

Anwuɔsu Satan ɔ́gyu lɛgba na ɔ́tɔlɔ Unwoti kudɔ mmɔ na útáya na ɔlɛ kpakplaa úbo Hiob ɔni na nwuna lɛlɔ ƒui línwini alɛbi sɔɔn ɔ́si lɛgba kalɔ útédu lili.

Kɔgya 107:23

Badi bábla kabla na lɛkɔlɔ libendi kemmo na ɛpu anumi. Na ɔmmɔ kemmo na bákɛ bana limeyi lɛdila.

Yesaia 2:16

Na ɔbwɛ beyedine lɛkɔlɔ libendi ƒui ku lɛkɔlɔ libliidi lɛni nnye lɛkɔlɔ kalɛlɛkɔ.

Yesaia 23:1

Unwoti údie lɛla lɛdi ɔ́tina na Tiro lɛlɔ. Amii Tarsis beyedine bani mɔɔsia ntu anumi ku lɛkɔlɔ na bɛɛdi kuye teesie Tiro, biteewulo kɔnyana, ɔsika bákyula Tiro, na ɔtɔ iye kabɛkɔ iye lɛkɔlɔ kalɛlɛkɔ kadi kasɔ keeebo. Beyedine bammɔ bénu kenye kamɛni uwi ɔni na báyu bébedu ntuntɛ kalɔ kani baalɔ Kipro.

Yesaia 23:10

Amii Tarsis kadi bekyuli bɛtuma bina kalɔ kalɛ biala na bɛdubɔkana ina Nil bune, ɔsika ásɔ eeebo beyedine lɛkɔlɔ kalɛlɛkɔ.

Yesaia 23:6

Bikeli beteesie Tarsis, na amii ntuntɛ kalɔ bekyuli beteewulo!

Yesaia 60:9

Ƒula bekyuli benye bagya ami Unwoti na ntuntɛ kɔlɔ kɔni nkya ɔgyu kakaaka mmɔ. Na ɛpu lɛkɔlɔ bonwu lɛmmɔ lɛ́ɛgyu lɛtɔ kalɛ na litéti-ma liboku ɔma, ku bana sika ugyiedi ku ɔƒualadi ƒui. Ami Unwoti nábla ɔmɛni líte ƒula bekyuli kalɛ na bekyuli beti ɔbu bete ami bina Unwoti Israel Katɔti Kedee na bataanu kalɛ na biikeye.

Yeremia 10:9

Bekyuli nánwi na bávɔ ala amɛni bábla baƒiɔ. Ligyii banwine baanwí ligyii na udu ɔdi kenye. Na abuala betune lɛnɔ baakywɛɛ ala ku sika ugyiedi ɔni na béku básiku Uƒas ku sika ɔƒualadi ɔni nási Tarsis na benyimi-nwu adala ani náƒɔ kuye geen.

Esekiel 2:8

Nsu awɔ ɔyawine ubi ni, tata tenye-mi lɛlɔ aani batuɔkplune bɔmmɔ kalɛ. Mmomu nu-mi litemi biala na masu-ɔ. Na ɔƒaani ni, Esekiel, bimi kenye na aƒɔ lɛla lɛni na mete-ɔ mɛni ákun.”

Esekiel 27:12

“ ‘Beyedine bani nási Tarsis baadi sika ɔƒualadi ku abuala kpakplaa ku abuala ani baanwamana kuye teete-ɔ kalɛ na eti-nya abla kabla lidu.

Esekiel 3:14

Ɔmmɔ kama Kɔyu kɔmmɔ kúti-mi kɔ́tɔlɔku. Na Unwoti ɔyikun ɔ́ƒɔ-mi lɛlɔ kemmo ƒui na líti kɔnyi na livo lɛnɔ liiƒí-mi geen.

Yona 1:10

Liƒu lɛ́da bekyuli bani ƒui nkya ɔkɔlɔ ubendi ɔmmɔ kemmo, ɔsika Yona ɔ́ɔsu-ma úbavi ka Unwoti na uukeli. Ɔmmɔ ɔsu béye-nwu banini, “Bi ndi ƒula kabla?”

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.

Luka 9:62

Amu na Yesu ɔ́su-nwu ɔnini, “Ukyuli ɔni naaabla nwuna kabla ku kayi ƒui ni, útamanku Katɔ Ɔga Ɔma.”

Batalane Kabla 15:38

Nsu Paulo anwu útayɔ lɛni munu munu! Ɔsika uwi ɔni na ama ku-nwu bésie Pamƒilia ni, Marko Yohane útáda-ma ɔ́nyonu na mmɔ.

Batalane Kabla 26:19

“Anwuɔsu ni, Ati Agripa, ńtada atu ńtedie budie bɔtina bɔni na lɛ́nu lɛ́siku katɔ mmɔ lɛlɔ!

Batalane Kabla 9:36

Ɔmɛni kama ni, uleku ɔdi ɔkya Yopa ɔni baalɔ Tabita. Na Griki lɛdi kemmo ni, anwu baalɔ banii Dorka na nwuna kalɔ ndi kaƒɛ. Ɔdi ɔƒɔtaadine ɔni na útaabla lɛƒɔndia teete nwuna bakpana uwi pii.

Batalane Kabla 9:38

Amu na uwi ɔni na bénu ka Petro úbo ɔkya Lida ni, na ka Lida ude Yopa ɔsu ni, bátala nkyuli inyɔ badi banii betévele-nwu na ɔsiaku-ma lɛgba lɛgba na ubo Yopa.

Batalane Kabla 9:42

Amu na litemi lɛmɛni lígyingya lɛ́kya ɔma kemmo ƒui, na bekyuli pii báƒɔ Blɔti bádi.

Batalane Kabla 9:43

Ɔmmɔ kama ni, Petro úlie Yopa ɔma ɔmɛni kemmo útu uwi na Simon ɔni mɔɔbla bebuo lɛku lɛlɔ kabla mmɔ kudɔ.

Korintoƒuɔ 1 9:16

Liiibo kuƒi kɔni na ntaakun lɛmɛnɛ ka mɔɔkɔ́ litemi buni lɛmmɔ lɛsa ɔsu. Blɔti ɔdubɔni-mi kɔtu si ńtakɔ litemi buni lɛmmɔ lɛsa ńtete bekyuli!

Tesalonikaƒuɔ 2 1:9

Lɛni na Blɔti ɔdubɔgya-ma ɔlɛku nwuna anumi. Na balanu nwuna bukeye ku ɔyikun. Na ɔdubɔyila-ma ku udu.

Yosua 19:46

ku Me-Yarkon ku Rakon. Na ɔkɛ mmɔ útédu Yopa.