Yona 1:2 - Katɔti Ɔku Kedee

² “Ta na esie ɔma unengudi ɔni baalɔ banii Niniwe, na atákɔ lɛsa ete-ma ka ami Unwoti mɔɔnu kalɛ na ɔma ɔmmɔ bekyuli baabla likyulikpi ala.”

Yona 1:2 ပူးပေါင်းရင်းမြစ်များ

Ala Kalɔ Buse 10:11

Ka ɔ́si kalɔ kammɔ kemmo ni, úsie Asiria kalɔ lɛlɔ. Na mmɔ ni, ɔ́da Niniwe ɔma ku Rehobot-Ir ku Kala.

Baga 2 19:36

Ɔmmɔ ɔsu Asiriaƒuɔ Ɔga Sanaherib ɔ́ya na báta mmɔ na bénwini bésie Niniwe na bétélie mmɔ.

Ala Alɛdi 2 28:9

Samaria mmɔ na Oded ɔmɛni ɔ́kya na ɔdi Unwoti Katɔti kenye udiene. Uwi ɔni na Israelƒuɔ bási kekpokɔ na Yuda badubo ni, útásiaku-ma na ulu lɛlɔ na ɔ́su-ma ɔnini, “Unwoti bina bati kuuku Katɔti ɔ́ya na bɛ́di Yudaƒuɔ bekpone lɛlɔ, ɔsika úti kɔnyi ɔ́kya-ma. Nsu ɔɔɔdi lɛni ƒui na ɔdi ka bɛbla-ma ulikplu ala bitédu.

Esra 9:6

Na lɛ́su-nwu nnini, “O mina Katɔti, kɔƒa kuukpó-mi ka lɛtalaku mina anumi katɔ muedi na ƒula anumi. Ɔsika bula ekpidi áakuku etulo-bu na ákuku laa na éedu katɔ.

Yesaia 37:37

Ɔmmɔ Asiriaƒuɔ Ɔga Sanaherib ɔ́ya na báta mmɔ na bénwini bésie Niniwe na bétélie mmɔ.

Yesaia 58:1

“Kɔ litemi lɛmmɔ lɛsa na tebile kenye tasɔ telie. Na asu mina kadi bekyuli Israelƒuɔ bana ekpidi ku kalɛ na báta bénye-mi lɛlɔ.

Yeremia 20:9

Na ɔɔbla-mi uwi ɔdi aani nda ƒula lɛlɔ kasusu buti iye ƒula lɛnyi muedi bɔlɔ nnya. Nsu ƒula litemi lɛɛdu-mi lɛlɔ kemmo aani ogya na naaakana na libile kenye lɛsɔ lilie kpoo.

Esekiel 2:7

Ɔdi ka asu-ma mina kenye si ina baayɔ́ ka benu iye balayɔ ɔsika batuɔkplune na badi.

Hosea 7:2

Na bana ɔdi ulakali taanu ɔnii mɔɔnu kalɛ na bana ekpidi áka ámana-ma aani kalɛ na beenyimi lɛla lɛdi, nsu mɔɔnu ɔmɛni ƒui.

Yona 3:2

“Ta na esie Niniwe, ɔma unengudi ɔmmɔ kemmo, na atákɔ mina lɛsa lɛni lɛ́su-ɔ ete ɔma ɔmmɔ bekyuli ka ndubo ɔma ɔmmɔ bɔkyula.”

Yona 3:3

Ɔmɛni ɔsu Yona únu Unwoti litemi na ɔ́ta úsie Niniwe ɔma ubendi ɔmmɔ kemmo na úti emeyi atɛ usie ɔ́vi ɔma ɔmmɔ kemmo ƒui.

Yona 4:11

Na Niniwe ɔma bonwu ɔmɛni kemmo ni, bekyuli bani metulo aani nkyuli apim eti anyɔ ku aavlanyɔ bakya. Na bebuo lidu lidu mpim eti anyɔ lɛnɔ bakya. Na bana ƒui baaagyi likpidi ku lɛbuni kavumana. Si ama baayii ku udu ni, utalɛka ukpoku-mi?”

Mika 3:8

Nsu ami ni, Katɔti Kɔyu kɔ́ƒɔ-mi lɛlɔ kemmo ƒui na úte-mi ɔyikun ka lɛtɛmi lɛsiku litemi geen lɛlɔ bɔdi ulu lɛlɔ siin. Na lidie lɛtina amii Israelƒuɔ kalɛ na bina ekpidi ese.

Nahum 1:1

Unwoti ɔ́su kenye kadi ɔ́siku Niniwe lɛlɔ na údie ɔ́tina Nahum ɔni nási Elkosi.

Nahum 3:19

Bɛ́ƒɔ lɛlɛ bonwu lɛni naaadia bɔnu, na bɛsɔ biiibo lɛnunsia lɛdi. Anwuɔsu bekyuli ƒui bágya enukpɛ uwi ɔni na bénu ƒula lɛlɔ litemi lɛmɛni, ɔsika bina kalala kani na bítaabla taasia kama ɔ́ya na bébo abi pii.”

Mateo 10:18

Na ka bɛdi mina batɛyane ɔsu ni, badubɔtɛku-mii litemi na kalɔ kammɔ lɛlɔ badine ku baga anumi. Na bɛsu ama bani naaadi Yudaƒuɔ litemi buni lɛmmɔ.

Mateo 12:41

Na litemi bɔtɛ limeyi lɛmmɔ lɛlɔ ni, Niniweƒuɔ badubɔta bebebo-mii lɛnimi enwu, ɔsika bénwini kama bákya bana ekpidi uwi ɔni na Yona ɔ́kɔ lɛsa úte-ma. Na mɔɔsu-mii ka ukyuli ɔdi ɔkya-mii akɔ mɛni na utulo Yona.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Budie Taatina 18:5

Ɔsika ɔma ɔmmɔ ekpidi éemomo na ákuku étédu katɔ, na Katɔti únyimo udunkpi ala ani ƒui na nwuna bekyuli bábla.