Yohane 3 1:10 - Katɔti Ɔku Kedee

¹⁰ Si líbo ni, ndubudie-nwu keyi na lɛla lɛni na ɔ́bla lɛlɔ ku ala ekpidi ani na ɔɔsu tasiku-bu lɛlɔ ku ɔkɔ ɔni na ɔ́nyi ɔ́sia-bu. Nsu ɔmmɔ lɛti bɔbla bútabɔ-nwu. Ɔsika ulátuna ɔnii ɔɔƒɔ́ banwa si bébo. Na uutile bekyuli bamba bani mɔɔyɔ́ ka baƒɔ-ma lɛnɔ kuƒi, na ɔɔbɔku-ma teedie lɛkpa lɛmmɔ kemmo.

Yohane 3 1:10 ပူးပေါင်းရင်းမြစ်များ

Agba 10:10

Bekyuli bani mɔɔnu likpidi taamana bekyuli lɛnumi ni, baakya lɛsɛ. Nsu si átanu ukyuli anumi na ádɔnku-nwu mmomu na likpidi lɛdi ɔsu ni, eeboku keyi buɛɛ.

Agba 10:8

Ebiti aada banundane si baalɛ-ma. Nsu katɛ batɛne badɔlɔdi ni, beebuli teeti anumi teebi kalɔ.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Yohane 9:22

Nwuna bawɔne básu ɔmɛni, ɔsika bátaayia Yudaƒuɔ benengu bammɔ. Ɔsika benengu bammɔ báalɛ ugyii bése ka ukyuli biala ɔni medie kenye ka Yesu ndi Ukyuli Ɔƒunadi ɔmmɔ ni, badubudie-nwu bana akɔ na Yudaƒuɔ kasalakɔ.

Batalane Kabla 1:15

Amu na emeyi ammɔ kemmo kani ni, ama bani náƒɔ bádi mmɔ bábasa, na bana bumomo bɔbla aani nkyuli eti anyɔ ku aavlanyɔ. Na mmɔ Petro ɔ́ta únye na ɔ́su-ma ɔnini,

Korintoƒuɔ 2 13:2

Muubó bekyuli bani nábla ekpidi bábavi ɔda ku babambadi ƒui lɛnɔ uwi ɔni na lɛɛɛkya-mii kudɔ mɛni. Lɛ́ɛsu-mii ɔmɛni ḿbavi na kunyɔdi kɔni na líbo-mii kudɔ. Na nsɔ mɔɔsu-mii ɔni na liiibo-mii kudɔ mɛni nnii si lɛ́sɔ líbo-mii kudɔ ni, ndubɔni bani ƒui mɔɔbla ekpidi kɔtu.

Galatiƒuɔ 6:10

Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Timoteo 1 5:13

Ɔmmɔ kama ni, badububile uwi na bakɛ kɔnu bete bekyuli kɔduli bɔvi bataatɛmi atɛ keeke. Na ukpidi ƒui ndi ka ni, badubutaalɔ bekyuli anyikpi na beteekeyi atɛ. Na bataatɛmi bekyuli lɛlɔ kɔtɛ ku ala abambadi ani na útalɛka basu.

Yohane 2 1:10

Ɔmɛni ɔsu si ukyuli ɔdi úbo-mii kudɔ na ɔɔɔda Kristo ala bɔtina bɔmɛni ni, bitegyingya enu bitaƒɔ-nwu na uduo-mii kaduli.

Yohane 2 1:12

Mbo ala pii na lɛsu-mii, nsu naaayɔ ka linweni ala ammɔ limene-mii. Mmomu mɔɔwia kuƒi ka libo-mii kudɔ na bɔtɛmi anumi ku anumi kalɛ na bula ebiti edu-bu ɔkwɛ.

Yohane 3 1:3

Lɛlɔ lɛ́yɔ-mi geen uwi ɔni na banwani badi bébo na bábasu-mi kalɛ na aadi litemi geen lɛmmɔ lɛlɔ aani kalɛ na ngyi ka asiaku-ni kama.

Yohane 3 1:5

Mina ɔkpana buni, ka aanu banwa baƒɔtaadine ina ka badi badi baƒɔ bani na aaagyi muedi ɔsu ni, aabla ala ulu lɛlɔ teete Katɔti.