Yohane 1 5:3 - Katɔti Ɔku Kedee

³ Na dɛ na bɔɔnu taati ka bɔɔyɔ́ Katɔti? Bɔɔnu ɔmɛni taati si bɔɔdi nwuna etemila lɛlɔ. Na nwuna etemila eeese aani etila ani nétulo-bu.

Yohane 1 5:3 ပူးပေါင်းရင်းမြစ်များ

Baga 2 18:6

Na ɔ́bla ala siin na Unwoti anumi na útalɛ-nwu kama kudii. Na ɔ́nu kaduɛ na ɔ́di ɔda bubo bɔni na Unwoti úti ɔ́siaku Mose lɛlɔ ƒui.

Kɔgya 119:140

Ami ƒula kabla ɔblane líduo ƒula linyese kemmo na lɛ́kɔku-mu lɛ́nu na mɔɔyɔ́-mu geen.

Kɔgya 119:45

Na ndubulie ku kayi ƒaa, ɔsika mɔɔkya ɔkplu ka lɛdi ƒula ɔda bubo lɛlɔ kaduɛ.

Israelƒuɔ Bɔlɛ 20:6

Nsu mɔɔbla lɛƒɔndia teete nkyuli ɛlɛ ɛlɛ bani mɔɔyɔ́-mi na baadi mina ɔda bubo lɛlɔ.

Agba 3:17

Nwuna lilu lɛdi kasiakɔ kabuni. Na lɛdi keyi buɛɛ lilu.

Daniel 9:4

Na lɛ́kpali Unwoti mina Katɔti kpakplaa geen lɛ́su nnini, “Bula Unwoti, adi Katɔti ɔni na ébomo na ƒula lɛlɔ libo liƒu geen. Na bekyuli bani na baayɔ́-ɔ na beenú ƒula litemi ni, alalɛ ƒula linyese lɛni na ényimiku-ma kama kudii.

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Mateo 23:4

Kalɛ na beedie ɔda bubo bɔmmɔ kalɔ ni, ubo bekyuli ɔkplu geen ka badi-mu lɛlɔ aani kalɛ na baatɛ etila ku unu taasia bekyuli lili. Na balayɔ ka bakyaku-ma kɔnu na akɔsi-ma bude.

Yohane 14:15

“Si bɛɛyɔ́-mi ni, bɛdubɔdi mina ɔda bubo lɛlɔ.

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Yohane 15:14

Na amii ndi mina bakpana si bɛɛdi mina ɔda ɔni na líbo-mii lɛlɔ.

Romaƒuɔ 7:12

Ɔmɛni ɔsu ni, ɔda bubo bɔmmɔ buse kedee, na ala ani na bɔɔtina lɛnɔ ese kedee, na asia ulu siin lɛlɔ, na adia.

Romaƒuɔ 7:22

Nka na mina kayi kemmo geen ni, Katɔti ɔda bubo bɔɔda-mi ebiti geen.

Lɛkpa Ulu 5:10

Nsu mɔɔbla lɛƒɔndia teete nkyuli ɛlɛ ɛlɛ bani mɔɔyɔ́-mi na baadi mina ɔda bubo lɛlɔ.

Lɛkpa Ulu 7:9

Na bɛti nwaa ka bina Unwoti Katɔti kani ndi Katɔti ɔni nkya na ɔɔdi nwuna litemi lɛlɔ uwi ndi uwi na ulalɛ-ni kama. Na ɔɔdi nwuna bunyimi lɛlɔ na uudie nwuna bɔyɔ taatina bekyuli bani mɔɔyɔ́-nwu na baadi nwuna ɔda bubo lɛlɔ útédu kaba apim apim.

Hebriƒuɔ 8:10

Bunyimi bɔni na ami Katɔti mɔɔsu ka ndubo bunyimiku Israel kadi bekyuli uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kasusu kemmo. Na ndubunweni-mu lɛkya-ma kayi kemmo. Ndubɔbla bana Katɔti na ama lɛnɔ babla mina bekyuli.

Yohane 1 2:3

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Yohane 2 1:6

Na bɔgyi ka bɔɔyɔ́ lɛlɔ si bɔsiaku Katɔti ɔda bubo bɔmmɔ kama. Na ɔda bubo bɔmɛni ndi ka bulie ngba na bɔyɔ kemmo aani kalɛ na bínu ɔ́si kalɔ kesekɔ mmɔ.