Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”
Na ngyi ka lɛla lɛni na ɔ́tala-mi ka mbasu mmɔ ni, ani mɔɔyá na bekyuli beelie ngba bɔni nsɔ naaadubo bɔsa kudii. Anwuɔsu lɛla lɛni na Ati ɔ́su-mi ka masu ni, ani kani na mɔɔsu.”
Ukyuli ɔni nánu ala amɛni ni, anwu muunweni-nya kalɛ na amii lɛnɔ bɛƒɔ bɛdi. Na lɛla lɛni na ɔ́su lɛnɔ ni, sɔsɔ na ɔdi. Na ɔgyi nwaa ka litemi geen na ɔɔsu.
Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”
Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.
Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.
Ɔmɛni ɔsu geen na Katɔti ɔ́nu-mi kɔnyana kalɛ na ɔkɛnku ami ɔni ntulo-ma akɔ ƒui lɛlɔ ni, Kristo Yesu ɔdubɔya na bekyuli banu kalɛ na ubo bɔyɔ bɔni muuti taakyiɛ ute ekpidi bablane bani maƒɔ-nwu madi. Na ɔdubute-ma ngba bɔni nsɔ naaadubo bɔsa lɛnɔ kudii.
Bɛya na lɛsu-mii lɛla lɛni geen muudie bɔyɔ keyi. Ɔɔɔdi kalɛ na bɔɔyɔ́ Katɔti muudie bɔyɔ keyi. Mmomu Katɔti ɔ́yɔ-bu, na úti Ubidi ɔ́kpa na bula ekpidi lili kalɛ na ɔklibi abu ku-nwu ntɛ.
Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.
Na Demetrio anwu ni, ukyuli biala ɔɔlɔ-nwu lɛnyi buni. Na kalɛ na bɔɔnu litemi geen lɛmmɔ na nwuna lɛlɔ kemmo ni, úte-nwu lɛnyi buni. Na abu lɛnɔ bɔɔlɔ-nwu lɛnyi buni. Na bɛgyi ka lɛla lɛni na bɔɔsu lise lɛni.
Ami Yohane línweni ala ani ƒui na línu ku ani na lɛ́nu. Na lídie kenye na linyesia lɛni nási Katɔti kudɔ ku litemi geen lɛni na Yesu Kristo údie ɔ́tina lɛlɔ.