Yohane 1 5:10 - Katɔti Ɔku Kedee

¹⁰ Anwuɔsu ukyuli ɔni náƒɔ Katɔti Ubidi ɔmmɔ ɔ́di ni, ɔgyi geen na nwuna kayi kemmo ka kenye budie bɔmmɔ bɔdi litemi geen. Nsu ukyuli ɔni nátaƒɔ Katɔti útadi ni, ɔɔnu Katɔti aani ɔkɔ ɔnyine, ɔsika útaƒɔ ala ani na Katɔti ɔ́su ɔ́siku Ubidi ɔmmɔ lɛlɔ útadi.

Yohane 1 5:10 ပူးပေါင်းရင်းမြစ်များ

Hiob 24:25

“Na si mɔɔnyi ɔkɔ na lɛla lɛni na lɛ́su mɛni kemmo ni, na edie-mi bɔƒiɔ.”

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Agba 3:32

Bekyuli bekpidi bammɔ ala eesé Unwoti lɛlɔ geen. Nsu bekyuli bani nse siin ni, ulábɛla-ma nwuna kasusu.

Yesaia 53:1

Ɔma náƒɔ-bu ɔ́di? Na ɔma bene na Blɔti údie nwuna ɔyikun ɔ́tina?

Yeremia 15:18

Úbile ala mina lɛlɔ na ɔ́ya na kayi kaakpulu-mi uwi biala. Adubo bɔya na mina lɛnunsia lɛyii aani ketu kani mɔɔkwii si kaƒɛndi kédu na liwulu sɔɔn nkya?

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Yohane 3:18

“Bekyuli bani mɔɔƒɔ́-nwu taadi ni, Katɔti uládu-ma kɔtɔ. Nsu bekyuli bani naaadubo-nwu bɔƒɔ bɔdi ni, Katɔti ɔ́ɔtɛku-ma litemi kukuuku na ɔ́ɔdu-ma kɔtɔ ka bátaƒɔ Katɔti Ubidi unwi pɛ bátadi ɔsu.

Yohane 3:33

Bani mɔɔƒɔ́-nwu taadi ni, beedie taatina nwaa ka ala ani na Katɔti ɔɔsu ni, anya ndi litemi geen.

Yohane 5:38

Nsu biláda-nwu litemi kaduɛ, ɔsika bíni na bítaƒɔ bítadi ka ami ndi ukyuli ɔni na ɔ́tala ɔ́kya-mii.

Romaƒuɔ 8:16

Katɔti Kɔyu ku bula ayu ƒui eedie ɔmɛni kenye taatina ka bɔdi Katɔti bebi.

Galatiƒuɔ 4:1

Lɛla lɛni na mɔɔsu ndi ka uwi ɔni na ɔnamu ɔni mɔɔdi ɔti ala ɔmu use blii suɛ ni, ɔnamu ɔmmɔ use aani ukyuli ɔni mɔɔbla ukyuli ɔdi kabla. Ina ka anwu mbo lɛla biala.

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Koloseƒuɔ 3:3

Ɔsika use aani bíkpi na bɛkya Katɔ Ɔga Ɔma ku Kristo.

Hebriƒuɔ 3:12

Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.

Petro 2 1:19

Ɔmɛni ɔsu bɔ́sɔ bɔ́ƒɔ kenye bediene linyese lɛmmɔ bɔ́di geen búbu. Na ɔlɛka amii lɛnɔ bise atu geen na binu-ni. Ɔsika lise aani ogya ɔni mɔɔda na kesii kani nse suu utálɛ uwi ɔni na kadi kadubugye. Na kadi bugye bɔmmɔ ndi Kristo bukeye bɔni ndubukeye na bula kayi kemmo aani kalɛ na ɔtanta ayabi eekeye lɛdigye.

Yohane 1 1:10

Nsu si búni bɔnii bútabla likpidi lɛdi ni, buudie-nwu taatina aani ɔkɔ ɔnyine, na nwuna litemi lítáƒɔ-bu lɛlɔ kemmo.

Yohane 1 5:1

Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.

Budie Taatina 12:17

Mmɔ ni, kɔlakpi kɔmmɔ kúti kɔnyi kɔ́kya uleku ɔmmɔ geen, na kɔ́gyu kɔ́tɔlɔ kúsie kútékpoku nwuna bawɔ bakladi bani muunú Katɔti litemi na beedie Yesu kenye.

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”

Budie Taatina 2:28

Ndubute-nwu bukeye aani ɔtanta lɛyabi lɛnɔ.