Yohane 1 4:16 - Katɔti Ɔku Kedee

¹⁶ Na abu alati bɔgyi na bɔ́ƒɔ bɔ́di ka Katɔti ɔɔyɔ́-bu. Katɔti ablala ƒui adi bɔyɔ. Na ukyuli biala ɔni muulie taayɔ bekyuli ni, uliku Katɔti, na Katɔti lɛnɔ uliku-nwu.

Yohane 1 4:16 ပူးပေါင်းရင်းမြစ်များ

Kɔgya 31:19

Áklibi ala abuni geen ése bekyuli bani mɔɔbu-ɔ na békeli bábatamiku-ɔ. Na adubuti-nya ete-ma na bekyuli ƒui anumi.

Yesaia 64:4

Na ɔ́si bati kuuku uwi ƒui ni, ukyuli biala útenu ku nwuna kɔtu iye ɔnu ku nwuna lɛnumi ka Unwoti bamba ɔdi ɔkya aani ƒula kalɛ na uukpó teete bekyuli bani na béti bana anu ƒui básia-nwu lɛlɔ lɛni.

Yohane 6:69

Na abu bɔ́ɔƒɔ bɔdi na bɔ́ɔnu bɔ́ti ka awɔ ndi Katɔti Ubidi Kedee ɔmmɔ.”

Yohane 9:3

Amu na Yesu údie kenye ɔnini, “Ɔnana ɔmɛni anumi ani nábwɛ-nwu ni, aaadanku nwuna ekpidi iye nwuna bawɔne ekpidi ani na bábla ɔsu. Mmomu anumi ábwɛ-nwu kalɛ na bekyuli banu Katɔti ɔyikun bati na ukyuli ɔmɛni lɛlɔ.

Korintoƒuɔ 1 2:9

Nsu Bunweni Kedee Ɔku ɔɔsu ɔnii, “Lɛla lɛni na ɔdi útanu iye útenu, na ɔdi útakali lɛnɔ ka lɛdubɔlɛ ni, ani geen ndi lɛla lɛni na Katɔti ɔ́klibi úse úte bekyuli bani mɔɔyɔ́-nwu.”

Yohane 1 3:1

Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Yohane 1 3:16

Kalɛ na Yesu Kristo úti nwuna ngba ɔ́kpa na bula lili ni, ɔmmɔ mɔɔtina-bu lɛla lɛni ndi bɔyɔ. Anwuɔsu na abu lɛnɔ ɔlɛka buti lɛlɔ bɔkpa bula banwa baƒɔtaadine lili.

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.

Yohane 1 4:7

Banwa bayɔne, bɛya na bɔyɔ lɛlɔ. Ɔsika bɔyɔ bɔ́si Katɔti kudɔ. Na ukyuli biala ɔni mɔɔyɔ́ bekyuli ɔdi Katɔti ubi, na ɔgyi Katɔti.