Yohane 1 4:12 - Katɔti Ɔku Kedee

¹² Ukyuli ɔdi útanu Katɔti kudii. Nsu si bɔɔyɔ́ lɛlɔ ni, Katɔti uliku-bu, na bɔyɔ bɔni bubo bute-nwu búdu bɔ́wɔlɔ.

Yohane 1 4:12 ပူးပေါင်းရင်းမြစ်များ

Ala Kalɔ Buse 32:30

Ɔmmɔ ɔsu ni, Yakob ɔ́sia mmɔ lɛnyi ɔnii Peniel, na ɔ́su ɔnini, “Lɛ́sia mɛni lɛnyi lɛni, ɔsika lɛ́nu Unwoti Katɔti anumi ku anumi na útayila-mi ngba.”

Israelƒuɔ Bɔlɛ 33:20

Na aaadubo mina anumi bɔnu. Ɔsika ukyuli biala ulanu-mi anumi na welie ngba.”

Bumomo Bɔka 12:8

Mɔɔtɛmi ku anwu anumi ku anumi, na ɔɔɔdi agyolo kemmo, mmomu atɛ nwaa kemmo, na ɔɔnu kalɛ na Unwoti use ku nwuna anumi. Na bi ɔsu na bítayia ka bɛsu lɛla lɛdi na bɛ́ta bínye mina kabla ɔblane Mose lɛlɔ?”

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Korintoƒuɔ 1 13:13

Geen ni, alakpa atɛ amɛni kani ndubɔkya. Na anya ndi bɔƒɔtaadi ku lɛnunsia ku bɔyɔ. Nsu nwuna unengudi ƒui ndi bɔyɔ.

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Hebriƒuɔ 11:27

Na ɔkɛnku bɔƒɔtaadi bɔmmɔ ɔsu na ɔ́tɔlɔ Egyipte ɔni na útayia kɔnyi kɔni na ɔga ɔmmɔ wakɛ. Na únye kpakplaa aani si bɔnu na ɔ́ɔnu Katɔti ɔni na bula anumi alákana bɔnu tɔ.

Yohane 1 2:5

Nsu ukyuli ɔni mɔɔdi nwuna litemi lɛlɔ ni, bɔyɔ bɔni na ubo ute Katɔti búdu bɔ́wɔlɔ. Bɛya na lɛsu-mii kalɛ na bɔɔnu taati ka buliku Katɔti.

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.

Yohane 1 4:16

Na abu alati bɔgyi na bɔ́ƒɔ bɔ́di ka Katɔti ɔɔyɔ́-bu. Katɔti ablala ƒui adi bɔyɔ. Na ukyuli biala ɔni muulie taayɔ bekyuli ni, uliku Katɔti, na Katɔti lɛnɔ uliku-nwu.

Yohane 1 4:20

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?

Yohane 1 4:6

Nsu abu ni, bɔdi Katɔti badi. Na ukyuli biala ɔni ngyi Katɔti ni, uunú-bu litemi. Na ukyuli biala ɔni nátasi Katɔti kudɔ ni, ulenu-bu litemi. Ɔmɛni buuti taanu taati Kɔyu kɔni mɔɔtina litemi geen lɛmmɔ ku kɔyu kɔni mɔɔtɔ́lɔ bekyuli.