Yohane 1 3:4 - Katɔti Ɔku Kedee

⁴ Ukyuli biala mɔɔbla likpidi ni, ɔɔƒiɔ́ Katɔti ɔda bubo bɔmmɔ. Ɔsika likpidi ndi Katɔti ɔda bubo bɔƒiɔ.

Yohane 1 3:4 ပူးပေါင်းရင်းမြစ်များ

Baga 1 8:47

Nsu bakana bavumana kayi na kɔlɔ kɔni lɛlɔ na béƒie-ma bátákya mmɔ na bavumana kasusu na bevele-ɔ basu banini, ‘Bɔ́bla likpidi bɔ́ƒiɔ-ɔ na bula likyulikpi ku kalala ala bɔbla kemmo.’

Ala Alɛdi 1 10:13

Na Saul úkpi, ɔsika útasiaku Unwoti siin. Na úni Unwoti ɔda bubo na úsie like bebone kudɔ ka úteye ala únu muedi.

Ala Alɛdi 2 24:20

Amu na Katɔti Kɔyu kútemiku Yehoiada ubidi ɔnanabi Sakaria na ɔ́sɔku ɔ́su ukyuli biala ka kɔyu kɔmmɔ kɔnini, “Bi ɔsu na bíni na bɛɛbla atuɔkplu na mina ɔda bubo lɛlɔ? Lɛtuni kani bɛɛni teewi bina lɛlɔ! Bídie-mi atu, anwuɔsu ami lɛnɔ ndubo-mii atu budie.”

Yesaia 53:8

Bákya-nwu kɔƒa na útakɛ ukyuli ɔni náƒɔ-nwu kenye. Údie kaba kadi? Bi na ɔ́bla úse asa baadú-nwu na kayawi kamɛni kemmo? Alaekpidi ani na mina bekyuli bábla ɔsu na bádu-nwu lɛni.

Daniel 9:11

“Ukyuli biala na Israel úni ƒula ɔda bubo na atuɔkplu bɔbla kemmo na buládi-mu lɛlɔ, anwuɔsu na ewida ani na ƒula kabla ɔblane Mose únweni úse ébo-bu lɛlɔ.

Bumomo Bɔka 15:31

Ɔsika útabu Unwoti litemi na ɔ́ta únye nwuna ɔda bubo lɛlɔ, ɔsu ɔlɛka bekulo ukyuli ɔmmɔ udu bedie nwuna bekyuli akɔ kede kede na anwu ɔlati ɔdubuti nwuna likpidi etila.’ ”

Mateo 5:19

Anwuɔsu si ukyuli ɔdi ɔ́ta unye ɔda bubo bɔmɛni lɛlɔ na ɔ́tina bekyuli bamba lɛnɔ ɔnii babla lɛni ni, balabu-nwu na Katɔ Ɔga Ɔma. Nsu ukyuli ɔni madi ɔda bubo bɔmɛni lɛlɔ na watina bekyuli bamba lɛnɔ ɔnii babla lɛni ni, badubɔbu-nwu geen na Katɔ Ɔga Ɔma.

Batalane Kabla 23:3

Mmɔ mmɔ ni, Paulo ɔ́su-nwu ɔnini, “Katɔti ɔdubɔƒiɛmi-ɔ ɔsia! Atɔnku akwadi na adi! Bi litemi ɔtɛne udu na adi mɛni? Ɔda bubo bɔni lɛlɔ na akɛ átɛku-mi litemi ni, amu kani lɛlɔ na áta enye uwi ɔni na áya na báƒiɛmi-mi kɔnu!”

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 4:15

Ɔsika ɔda bubo buudie Katɔti kɔnyi taatina-bu. Nsu si ɔda bubo buuubo ni, ukyuli lɛla lɛdi lilédie bula bɔƒiɔ taatina-bu.

Korintoƒuɔ 2 12:21

Mɔɔyia ka uwi ɔni na nsɔ mebo mmɔ ni, mina Katɔti ɔdubɔya na enu aƒɛ-mi na bina anumi. Na ndubuwulo na bekyuli pii lili, ɔsika bétenwini kayi na bana alaekpidi ani na bábla bábavi ɔsu. Báabla ala ani muusé lɛlɔ, na bádi kɔsɔnɔ, na baaadaku-ni na ulu biala lɛlɔ.

Yakobo 5:15

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.

Yohane 1 5:17

Lɛla biala naaakɛ ulu siin lɛlɔ ni, ɔdi likpidi. Nsu ekpidi adi akya ani naaakpanku ukyuli taatákya kukpi ƒui kemmo.

Samuel 1 15:24

Mmɔ na Saul ɔ́su Samuel ɔnini, “Lɛ́bla likpidi lɛ́ƒiɔ Unwoti na lɛ́ta línye nwuna litemi lɛlɔ. Na ńtenu ƒula bɔlɛ, ɔsika lɛ́yia bekyuli bammɔ mmomu, na línu-ma litemi.