Yohane 1 3:23 - Katɔti Ɔku Kedee

²³ Ɔda bubo bɔni na úse úte-bu ndi ka bɔƒɔ Ubidi Yesu Kristo ɔmmɔ bɔdi, na bɔyɔ bula lɛlɔ aani kalɛ kani na úbo-bu ɔda úbavi.

Yohane 1 3:23 ပူးပေါင်းရင်းမြစ်များ

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Mateo 22:39

Na ɔni nsɔ nsia lɛnɔ use aani udeedi ɔmmɔ kalɛ. Yɔ ƒula ukyulikpana aani ƒula lɛlɔ kalɛ.

Marko 9:7

Amu na ɔdi úbewi bana ƒui lɛlɔ, na lɛdi lɛdi lɛ́su lɛnini, “Ɔmɛni ndi mina ubi ɔyɔne. Bise atu na binu-nwu litemi!”

Yohane 1:12

Nsu ɛlɛɛ badi báƒɔ-nwu. Na bani ƒui náƒɔ-nwu mmɔ aani Katɔti Ukyuli Ɔƒunadi ɔmmɔ ni, úte-ma ɔyikun ɔni náya na benwini Katɔti bebi.

Yohane 13:34

“Na ɔƒɛni ni, muubó-mii ɔda ɔwɔdi. Bɛyɔ lɛlɔ! Na kalɛ na ami lɛ́yɔ-mii ni, lɛni kani na ɔlɛka amii lɛnɔ bɛyɔ lɛlɔ.

Yohane 14:1

Amu na Yesu ɔ́su-ma ɔnini, “Bɛda kayi bukpoku bɛya. Kalɛ kani na bɛɛƒɔ́ Katɔti taadi ni, bɛƒɔ ami lɛnɔ bɛdi.

Yohane 15:12

Na ɔda ɔni na líbo-mii ndi ɔmɛni. Bɛyɔ lɛlɔ aani kalɛ kani na ńtaayɔ-mii.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 2:23

Uwi ɔni na Yesu ɔ́kya Yerusalem na Kukpi Lili Bɔvia uwi kemmo ni, bekyuli pii bánu akɔla lidu lidu lɛni na ɔ́bla na báƒɔ-nwu bádi ka ubo Katɔti ɔyikun.

Yohane 3:18

“Bekyuli bani mɔɔƒɔ́-nwu taadi ni, Katɔti uládu-ma kɔtɔ. Nsu bekyuli bani naaadubo-nwu bɔƒɔ bɔdi ni, Katɔti ɔ́ɔtɛku-ma litemi kukuuku na ɔ́ɔdu-ma kɔtɔ ka bátaƒɔ Katɔti Ubidi unwi pɛ bátadi ɔsu.

Yohane 6:29

Amu na Yesu údie kenye ɔnini, “Lɛla lɛni na Katɔti ɔɔwia ka bɛbla ndi ka bɛƒɔ ukyuli ɔni na ɔ́tala bɛdi.”

Batalane Kabla 16:31

Amu na básu-nwu banini, “Ƒɔ Blɔti Yesu Kristo di, na adubɔkɛ bɔƒɔ, awɔ ku ƒula kaduli bekyuli ƒui.”

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Tesalonikaƒuɔ 1 4:9

Na bina banwa baƒɔtaadine lɛlɔ bɔyɔ ni, útalɛka bunweni-mii lɛla lɛdi na ɔmmɔ lɛlɔ. Ɔsika Katɔti ɔ́tina-mii ɔmɛni ƒui.

Timoteo 1 1:15

Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 4:8

Na ɔni ntulo ƒui ni, bitaayɔ lɛlɔ ku kaƒɔ nwaa. Ɔsika si bɛɛyɔ́ lɛlɔ ni, bɛsɔ bilátaanu bina banwa ekpidi pii.

Yohane 1 2:7

Mina bayɔne, ɔɔɔdi ɔda bubo bɔwɔdi na muunweni lite-mii. Mmomu ɔdi bɔni na bɛ́ƒɔ bɛ́si kalɔ kesekɔ. Ɔda bubo bɔkukudi bɔmɛni ndi lɛla lɛni na bɛ́ka bunu.

Yohane 1 3:11

Ɔmɛni ndi kenye kani na bínu bɛ́si kalɔ kesekɔ ƒui, na ani ndi ka ɔlɛka bɛyɔ lɛlɔ.

Yohane 1 4:15

Si ukyuli biala údie ɔ́su ɔnii Yesu ndi Katɔti Ubidi ni, ɔɔtina ka Katɔti uliku-nwu, na anwu lɛnɔ uliku Katɔti.

Yohane 1 4:21

Na ɔda ɔni na Kristo úbo-bu ndi ka ukyuli biala ɔni mɔɔyɔ́ Katɔti ni, ɔlɛka ɔyɔ nwuna ɔnwa ɔƒɔtaadine lɛnɔ.

Yohane 1 5:13

Muunweni ɔku ɔmɛni lite amii bani mbo ngba bɔƒɔ lɛnunsia na Katɔti Ubidi Yesu lɛnyi kemmo kalɛ na bɛti ka bibo ngba bɔni nsɔ naaadubo bɔsa kudii.