Yohane 1 3:20 - Katɔti Ɔku Kedee

²⁰ Na si ina bula kayi kaadú-bu kɔtɔ muedi ni, enu ataƒɛ-bu. Bɔgyi ka Katɔti ɔɔtɛ litemi biala ulu lɛlɔ teetulo-bu, na ɔgyi lɛla biala.

Yohane 1 3:20 ပူးပေါင်းရင်းမြစ်များ

Hiob 27:6

Ndubunye mina ala bɔbla ulu siin lɛlɔ uwi biala, na lɛɛɛdubo kama bunwini bɔkya-mu. Na mina kayi lɛnɔ kaládu-mi kɔtɔ na mina ngba bulie kemmo.

Hiob 33:12

“Nsu mɔɔsu-ɔ geen nnii ƒula litemi liiibo ubo, ɔsika Katɔti utulo ukyuli biala.

Kɔgya 90:8

Na bula alaekpidi ku ala ani na bɔ́bla bɔ́bɛ ƒui ni, agyi-nya kede kede.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Yeremia 23:24

Na abɛla iye kabɛkɔ kadi keeebo katɔ ku kalɔ kesii kadi na bina lɛla lɛdi lɛdubɔbɛ-mi.

Yohane 21:17

Kɔtɛdi ni, Yesu ɔ́sɔ úye Petro ɔnini, “Simon, Yohane ubidi, aayɔ́-mi?” Amu ka Yesu ɔ́sɔ úye-nwu kɔtɛdi ɔnii, “Aayɔ́-mi?” ɔsu ni, Petro lɛlɔ lɛ́bla anwu ɔlati kɔnyana, na ɔ́su Yesu ɔnini, “Blɔti, agyi lɛla biala. Na agyi lɛnɔ ka mɔɔyɔ́-ɔ!” Amu na Yesu ɔ́su-nwu ɔnini, “Taanu mina baƒonu lɛlɔ.

Yohane 8:9

Ka benengu bammɔ bénu lɛni ni, bágyu bátɔlɔ unwi unwi ɔ́si unengudi lɛlɔ. Na báda Yesu ku uleku ɔmmɔ lɛti bényene bekyuli bammɔ ntɛ.

Batalane Kabla 5:33

Ka bénu kenye kamɛni ni, ɔ́ya na básɔ bákɛ kɔnyi geen, na bábla kasusu ka badu batalane bammɔ.

Romaƒuɔ 8:34

Na ɔma ndubɔkana na ɔdu-ma kɔtɔ? Kristo Yesu ndi ukyuli ɔni nékpi, na ɔni nsɔ nsia ndi ka Katɔti ɔ́gyila-nwu ɔ́lɛku bekpine akɔ na ɔ́sɔ úbo uli ngba na ulie Katɔti kɔdianu na uuvele-nwu teete-bu.

Korintoƒuɔ 1 4:4

Mina kayi kaladu-mi kɔtɔ kɔdi. Nsu ɔmɛni uléte-mi ubo ɔnii lɛ́ɛlɛ sɛɛn na likpidi ku litemi bɔtɛ kemmo. Ɔsika Blɔti ndubɔtɛku-mi litemi.

Tito 3:11

Agyi anii ukyuli ɔmmɔ udu ni, likpidi lɛdi-nwu lɛlɔ na nwuna ekpidi muudie nwuna kɔtɔ bɔdu taatina.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Hebriƒuɔ 6:13

Uwi ɔni na Katɔti úse Abraham kenye ni, ɔ́kpali lɛlɔ úse kenye kammɔ, ɔsika lɛla lɛdi liiibo na litulo anwu Katɔti.

Yohane 1 3:19

Ɔmɛni bɔbla kemmo na bɔdubɔti ka bɔgyi litemi geen lɛmmɔ na bɔkɛ kayi ƒaa na Katɔti anumi.

Yohane 1 3:21

Anwuɔsu ni, banwa bayɔne, si bula kayi kaladu-bu kɔtɔ ni, na bɔdubɔkana na bunye Katɔti anumi ku kayi buse.

Yohane 1 4:4

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.