Yohane 1 3:19 - Katɔti Ɔku Kedee

¹⁹ Ɔmɛni bɔbla kemmo na bɔdubɔti ka bɔgyi litemi geen lɛmmɔ na bɔkɛ kayi ƒaa na Katɔti anumi.

Yohane 1 3:19 ပူးပေါင်းရင်းမြစ်များ

Kɔgya 119:56

Na ebiti aada-mi si mɔɔdi ƒula ɔda bubo lɛlɔ.

Yesaia 32:17

Na ka ukyuli biala ɔdubɔbla ala ulu lɛlɔ siin ɔsu ni, keyi buɛɛ ku atu bɔyɔ bɔdubɔkya na ukyuli biala ɔƒɔ ɔkpana ɔdi.

Yohane 13:35

Na si bɛɛyɔ́ lɛlɔ lɛni ni, ukyuli biala ɔdubɔnu ɔti ka mina batɛyane na bɛdi.”

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Romaƒuɔ 4:21

Na ɔgyi nwaa ka Katɔti ubo ɔyikun na ɔbla lɛla lɛni na ɔ́su úse.

Romaƒuɔ 8:38

Na use-mi nwaa ka bɔyɔ bɔni nkya abu ku Katɔti ntɛ ɔkɛnku Kristo Yesu ɔni ndi Blɔti lɛlɔ ni, lɛla lɛdi biala lilakana-mu bukulo. Ina kukpi iye ngba iye katɔ batu badi iye ayu ekpidi iye uwi ɔmɛni iye ɔni mebo iye ɔyikun ɔdi iye bɔkuku iye bɔgyu iye lɛla biala na bédie lilakana!

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Hebriƒuɔ 10:22

bɛya na bɔni bude Katɔti ku kayi kani naaatɔlɔ-bu na bɔda bɔƒɔtaadi bɔmmɔ kpakplaa. Yesu ɔ́kuna nwuna ubugya ɔmmɔ úwi-bu lɛlɔ kalɛ na bula kayi kaládu-bu kɔtɔ. Na úti ntu bɔni nse sɛɛn ɔ́ƒɔ-bu lɛlɔ ƒui.

Hebriƒuɔ 11:13

Bekyuli bamɛni ƒui ni, bélie ngba ku bɔƒɔtaadi útédu uwi ɔni na békpi. Ala ani kenye na Katɔti ɔ́su-ma úse ni, étetuku-ma kɔnu. Nsu ni, bánu-nya ɔ́gyu kakaaka na bégyingya enu bése ka baƒɔ linyese lɛmmɔ. Na básu nwaa ka badi baƒɔ na kalɔ kamɛni lɛlɔ.

Yohane 1 1:8

Si búni bɔnii bulábla likpidi ni, na bɔɔtɔ́lɔ lɛlɔ, na litemi geen lɛmmɔ lítaƒɔ-bu lɛlɔ kemmo.

Yohane 1 2:21

Ńtenweni-mii ɔmɛni ka bɛɛɛgyi litemi geen lɛmmɔ ɔsu, mmomu ka bɛgyi-ni ɔsu. Na bɛgyi lɛnɔ ka ɔkɔ ɔdi ulasi litemi geen lɛmmɔ kemmo.

Yohane 1 3:14

Na bɔgyi ka bɔ́ɔlɛ kukpi enu kemmo, na búbo buli ngba geen, ɔsika bɔɔyɔ́ bula banwa baƒɔtaadine. Na ukyuli biala ɔni naaayɔ bekyuli ni, úkpi na kɔyu kemmo.

Yohane 1 3:20

Na si ina bula kayi kaadú-bu kɔtɔ muedi ni, enu ataƒɛ-bu. Bɔgyi ka Katɔti ɔɔtɛ litemi biala ulu lɛlɔ teetulo-bu, na ɔgyi lɛla biala.

Yohane 1 3:21

Anwuɔsu ni, banwa bayɔne, si bula kayi kaladu-bu kɔtɔ ni, na bɔdubɔkana na bunye Katɔti anumi ku kayi buse.