Yohane 1 3:14 - Katɔti Ɔku Kedee

¹⁴ Na bɔgyi ka bɔ́ɔlɛ kukpi enu kemmo, na búbo buli ngba geen, ɔsika bɔɔyɔ́ bula banwa baƒɔtaadine. Na ukyuli biala ɔni naaayɔ bekyuli ni, úkpi na kɔyu kemmo.

Yohane 1 3:14 ပူးပေါင်းရင်းမြစ်များ

Kɔgya 16:3

Bekyuli bani na Katɔti ɔ́ƒuna úte lɛlɔ na basiaku-nwu kama siin na kalɔ lɛlɔ mɛni ni, beekeye na baayɔ́-mi kaƒɔ geen. Ƒula bekyuli kedee ndi mina bayikune, na bana lɛlɔ na mɔɔkɛ́ ebiti.

Agba 21:16

Ukyuli ɔni naaasiaku kasusu kabuni kani na baakya-nwu lɛlɔ ni, anwu ku bekpine ndubo kɔkpana bɔdi.

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Luka 15:24

Ɔsika mina ubi ɔmɛni ni, búti-nwu bɔnii úkpi. Nsu ɔ́sɔ únwini úbo ngba. Ɔ́yii na bɔ́sɔ bɔ́nu-nwu.’ Ɔmɛni ɔsu bése kalɔ ku limeyi bɔdi.

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Luka 7:5

ɔsika ɔɔyɔ́ bula kadi. Na anwu ɔlati ɔ́tu Yudaƒuɔ kasalakɔ úte-bu.”

Yohane 13:35

Na si bɛɛyɔ́ lɛlɔ lɛni ni, ukyuli biala ɔdubɔnu ɔti ka mina batɛyane na bɛdi.”

Yohane 15:12

Na ɔda ɔni na líbo-mii ndi ɔmɛni. Bɛyɔ lɛlɔ aani kalɛ kani na ńtaayɔ-mii.

Yohane 15:17

Anwuɔsu ɔda ɔni muubo-mi ndi ɔmɛni. Bɛyɔ lɛlɔ.

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Korintoƒuɔ 2 5:1

Na si bula ɔlɔna ɔni nse aani kevo kani kemmo bulie na kayawi kamɛni kemmo kébie ni, bubo ɔtɔ na Katɔ Ɔga Ɔma. Na ɔtɔ ɔmmɔ ni, anwu ɔlati néti nwuna enu ɔ́tu-nwu, na ɔdubunye uwi ƒui.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Eƒesoƒuɔ 1:15

Ɔmɛni ɔsu ni, ɔ́si uwi ɔni na línu kalɛ na bɛ́ƒɔ Blɔti Yesu bɛ́di na bɛɛyɔ́ Katɔti bekyuli ni,

Eƒesoƒuɔ 2:1

Uwi ɔdi návi kemmo ni, bíse aani bekyuli bani nékpi na kɔyu kemmo, ɔsika bítaabla atuɔkplu ku ekpidi.

Eƒesoƒuɔ 2:5

uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Koloseƒuɔ 1:4

Ɔsika búnu kalɛ na bɛda bina bɔƒɔtaadi na Yesu Kristo kemmo ku kalɛ na bɛɛyɔ́ bina banwa baƒɔtaadine ƒui.

Tesalonikaƒuɔ 1 4:9

Na bina banwa baƒɔtaadine lɛlɔ bɔyɔ ni, útalɛka bunweni-mii lɛla lɛdi na ɔmmɔ lɛlɔ. Ɔsika Katɔti ɔ́tina-mii ɔmɛni ƒui.

Hebriƒuɔ 13:1

Bitaayɔ lɛlɔ uwi biala kemmo aani banwa kalɛ.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 3:8

Na ɔmɛni kawɔlɔkɔ ni, bina ƒui bɛkɛ kɔyu kemmo kasusu kenwi bɛyɔ lɛlɔ aani banwani kalɛ na bɛnu ɔdi biala kɔnyana, na biboku lɛlɔ kalɔ bite lɛlɔ.

Petro 2 1:7

Na si bílie ngba bɔbuni bɔmɛni ni, na bɛkana na bɛdi kɔnwa geen. Na si bɛ́di kɔnwa geen kɔmɛni ni, na ɔya na bitaayɔ bekyuli ƒui.

Yohane 1 2:3

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Yohane 1 3:23

Ɔda bubo bɔni na úse úte-bu ndi ka bɔƒɔ Ubidi Yesu Kristo ɔmmɔ bɔdi, na bɔyɔ bula lɛlɔ aani kalɛ kani na úbo-bu ɔda úbavi.

Yohane 1 4:12

Ukyuli ɔdi útanu Katɔti kudii. Nsu si bɔɔyɔ́ lɛlɔ ni, Katɔti uliku-bu, na bɔyɔ bɔni bubo bute-nwu búdu bɔ́wɔlɔ.

Yohane 1 5:13

Muunweni ɔku ɔmɛni lite amii bani mbo ngba bɔƒɔ lɛnunsia na Katɔti Ubidi Yesu lɛnyi kemmo kalɛ na bɛti ka bibo ngba bɔni nsɔ naaadubo bɔsa kudii.

Yohane 1 5:2

Na dɛ na bɔdubɔnu bɔti ka bɔɔyɔ́ Katɔti bebi? Bɔɔnu ɔmɛni taati si bɔɔyɔ́ Katɔti na bɔɔdi nwuna etemila lɛlɔ.