Yohane 1 3:12 - Katɔti Ɔku Kedee

¹² Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.

Yohane 1 3:12 ပူးပေါင်းရင်းမြစ်များ

Ala Kalɔ Buse 4:25

Amu na Adam ku ulekudi básɔ báwɔ ɔnanabi bamba na ɔ́sia-nwu lɛnyi ɔnii Set. Na ɔ́su ɔnini, “Katɔti úte-mi ubi ɔbambadi na Abel ɔni na Kain ɔ́du kenye.”

Samuel 2 13:22

Nsu Absalom útakpete ɔnwani Amnon na ɔsu-nwu ɔnii ɔ́bla lɛbuni iye ɔ́bla likpidi. Mmomu úti-nwu bukisi kpakplaa ɔ́si kalɛ na úbile ɔnwani ulekubi ɔsu.

Kɔgya 37:12

Bekyuli bekpidi beeti kasusu kekpidi na bekyuli babuni lɛlɔ na baadu anyi kpakplaa na bana lɛlɔ.

Kɔgya 38:20

Beeti likpidi taaƒɔ-mi lɛbuni kayu na báta bénye-mi lɛlɔ ka mɔɔsia lɛbuni bɔbla kama ɔsu.

Agba 27:4

Kɔnyi kɔdanku ulikplu na livoƒi lise aani ketu buyi. Nsu ala ani na kogyulo kuubile ni, ɔdi ulakana-ku kenye bunye.

Agba 29:10

Bekyuli bani mɔɔwia ka bewi ubugya kalɔ bekisi bekyuli bani mɔɔdi litemi geen lɛmmɔ lɛlɔ. Na baawia ka badu bekyuli bani nse siin.

Agba 29:27

Bekyuli babuni balayɔ bekyuli bekpidi. Na bekyuli bekpidi lɛnɔ balayɔ bekyuli babuni.

Mateo 13:19

Bekyuli bani muunú Katɔ Ɔga Ɔma lɛlɔ litemi nsu belenu-ni kalɔ ni, bese aani edula ani néwi ulu kɔtu na ukisine ɔmmɔ uubo teebedie litemi lɛmmɔ taalɛku-ma kasusu kemmo.

Mateo 13:38

Na kemo kammɔ ndi kayawi. Na ebi abuni ammɔ ndi Katɔ Ɔga Ɔma bekyuli. Livo lɛmmɔ ndi bekyuli bani ndi ukisine ɔmmɔ badi.

Mateo 23:35

Na bekyuli bani nse siin ubugya ɔni na bíwiakun ɔ́si Habel lɛlɔ útálɛ Barakia ubidi Sakaria ɔni na bina bati bádu-nwu na kakpakɔ ku lɛkpabi ntɛ mmɔ ni, ubugya ɔmmɔ ɔdubɔsia bina kadi bekyuli ƒui lɛlɔ.

Mateo 27:23

Nsu Pilato ɔ́sɔ úye-ma ɔnini, “Na bi likpidi na ɔ́bla?” Mmɔ ni, bése kalɔ baava momoomo banii, “Kana-nwu mana ugyii lɛlɔ!”

Mateo 5:37

Bɛya na bina ɛɛn ɔbla ɛɛn, na bina oowo ɔbla oowo. Si bíti lɛla bamba bíbunku ɔmɛni lɛlɔ ni, na ɔmmɔ ɔdi ukisine ɔmmɔ ablala.

Luka 11:51

Ɔ́si ɔni bádu Abel úbedu Sakaria ɔni na bádu na lɛkpabi ku kesii kani na baalɔ banii likpo kedee ntɛ. Lɛni geen mɔɔsu-mii ka ni, Katɔti ɔdubo ɔmwi limeyi bekyuli kɔtu bɔni na bana ƒui ɔsu!

Yohane 10:32

Amu na Yesu úye-ma ɔnini, “Lɛ́bla kabla kabuni pii na bina akɔ, na amii alati bɛ́nu na adi kabla kani na Ati úti ɔ́kya-mi enu kemmo ka mbabla. Na ala amɛni akɔ ɔmani lili ɔsu na bɛɛwia ka bibo-mi atabi?”

Yohane 8:40

Nsu ami ɔni mɔɔsu-mii litemi geen lɛni na línu lɛ́siku Katɔti kudɔ ni, ami mmomu na bɛɛwia bɛdu. Ɔɔɔdi ɔmɛni udu na Abraham ɔ́bla.

Yohane 8:41

Ala ani na ukyuli ɔni ndi bina ɔti ɔ́bla ni, anya na bɛɛbla.” Amu na básu-nwu banini, “Ɔɔɔdi kɔsɔnɔ bebi na bɔdi! Ɔti unwi na bubo, na anwu ndi Katɔti!”

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Tesalonikaƒuɔ 1 2:14

Banwa, ala ani mɔɔlɛ́ku-mii mɛni ni, anya kani nálɛku Katɔti bekyuli na Yudea kalɔ lɛlɔ. Na abi ani na amii biibó na bina bekyuli enu kemmo ni, anya kani na Yudea kalɔ bekyuli bani náƒɔ Yesu bádi bébo na Yudaƒuɔ lɛkɔkɔ.

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Hebriƒuɔ 12:24

Na bíbo bíbasiaku Yesu ɔni ndi bunyimi bɔwɔdi bɔmɛni kenye unyene. Na ɔ́kuna nwuna ubugya ɔni mɔɔsu etemila ani mbo ɔyikun etulo Abel ɔdi úwi-mii lɛlɔ.

Petro 1 4:4

Na ka bɛsɔ biláblaku-ma unwi na bitaabla ala ammɔ udu ɔsu ni, ɔ́bla-ma kalɛ kadi! Anwuɔsu na beetemi teewi-mii lɛlɔ.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Budie Taatina 17:6

Amu na lɛ́nu ka uleku ɔmmɔ úkpi ntɛ na Katɔti bekyuli bani ubugya na ɔ́ni ku bani na ɔ́du ɔsika benye Yesu kama kpakplaa ɔsu. Uwi ɔni na lɛ́nu-nwu ni, ɔ́bla-mi kalɛ kadi.