Yohane 1 3:10 - Katɔti Ɔku Kedee

¹⁰ Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.

Yohane 1 3:10 ပူးပေါင်းရင်းမြစ်များ

Samuel 2 13:22

Nsu Absalom útakpete ɔnwani Amnon na ɔsu-nwu ɔnii ɔ́bla lɛbuni iye ɔ́bla likpidi. Mmomu úti-nwu bukisi kpakplaa ɔ́si kalɛ na úbile ɔnwani ulekubi ɔsu.

Mateo 13:38

Na kemo kammɔ ndi kayawi. Na ebi abuni ammɔ ndi Katɔ Ɔga Ɔma bekyuli. Livo lɛmmɔ ndi bekyuli bani ndi ukisine ɔmmɔ badi.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Yohane 1:12

Nsu ɛlɛɛ badi báƒɔ-nwu. Na bani ƒui náƒɔ-nwu mmɔ aani Katɔti Ukyuli Ɔƒunadi ɔmmɔ ni, úte-ma ɔyikun ɔni náya na benwini Katɔti bebi.

Yohane 11:52

Na ɔɔɔdi ama lɛti. Mmomu ku kalɛ na ɔsala Katɔti bekyuli bani négyingya bakya kayawi ekpo ekpo ƒui lɛlɔ na ɔbla-ma unwi.

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Yohane 8:47

Ukyuli ɔni ndi Katɔti ɔdi ni, anwu muunú ala ani na Katɔti ɔɔsu. Na lɛla lɛni ɔsu na bilabla taasiaku mina litemi lɛlɔ ndi ka bɛɛɛdi Katɔti ɔdi.”

Romaƒuɔ 13:8

Si bɛda ukyuli ɔdi kayu ni, biteni-ka bɔƒɔ. Bɛƒɔ kana ƒui na kasa. Nsu kayu kani na bɛdubɔda na kalása bɔƒɔ ndi bina ukyulikpana bɔyɔ. Ɔsika ukyuli biala ɔni na ubo bɔyɔ ute nwuna ukyulikpana ni, ɔɔtina ka ɔ́ɔdi Katɔti ɔda bubo bɔmmɔ lɛlɔ.

Eƒesoƒuɔ 5:1

Ka bɛdi Katɔti bebi bani na ɔɔyɔ́ ɔsu ni, amii lɛnɔ bɛkya ɔkplu na bɛlɛ-nwu.

Koloseƒuɔ 3:14

Na ɔmɛni kama ƒui ni, bɛyɔ lɛlɔ. Ɔsika bɔyɔ muunyimi ala ƒui taasala na aabla unwi.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Yohane 1 2:29

Si bɛgyi ka Kristo use siin ni, ɔlɛka bɛti ka ukyuli ɔni mɔɔbla ala ani nse siin ni, ɔdi Katɔti ubidi aani Kristo kalɛ.

Yohane 1 3:1

Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Yohane 1 4:21

Na ɔda ɔni na Kristo úbo-bu ndi ka ukyuli biala ɔni mɔɔyɔ́ Katɔti ni, ɔlɛka ɔyɔ nwuna ɔnwa ɔƒɔtaadine lɛnɔ.

Yohane 1 4:6

Nsu abu ni, bɔdi Katɔti badi. Na ukyuli biala ɔni ngyi Katɔti ni, uunú-bu litemi. Na ukyuli biala ɔni nátasi Katɔti kudɔ ni, ulenu-bu litemi. Ɔmɛni buuti taanu taati Kɔyu kɔni mɔɔtina litemi geen lɛmmɔ ku kɔyu kɔni mɔɔtɔ́lɔ bekyuli.

Yohane 1 4:8

Na ukyuli biala ɔni naaayɔ bekyuli ni, ɔɔɔgyi Katɔti. Ɔsika Katɔti ablala ƒui adi bɔyɔ.

Yohane 1 5:19

Abu bɔgyi ka bɔdi Katɔti badi geen, na kayawi bekyuli bakladi ƒui bakya ukisine ɔmmɔ lɛlɔ bɔdi kalɔ.

Yohane 1 5:2

Na dɛ na bɔdubɔnu bɔti ka bɔɔyɔ́ Katɔti bebi? Bɔɔnu ɔmɛni taati si bɔɔyɔ́ Katɔti na bɔɔdi nwuna etemila lɛlɔ.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.