Yohane 1 3:1 - Katɔti Ɔku Kedee

¹ Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Yohane 1 3:1 ပူးပေါင်းရင်းမြစ်များ

Samuel 2 7:19

O Unwoti Ɔbune, ɔɔɔdi ami kani na éte kusɛ kusɛ ábavi. Mmomu ƒula anu asia mina ɔtɔ kemmo bekyuli lɛnɔ lɛlɔ. Na aasu kpakplaa ɔƒaani ka adubute-ma kusɛ kusɛ na uwi ɔni ndubo kemmo. O Unwoti Ɔbune, mɔɔnu ka ɔmɛni ɔɔɔdi lɛla lɛni na aabla teete bekyuli ƒui.

Kɔgya 31:19

Áklibi ala abuni geen ése bekyuli bani mɔɔbu-ɔ na békeli bábatamiku-ɔ. Na adubuti-nya ete-ma na bekyuli ƒui anumi.

Yeremia 3:19

“Ami ɔlati násu nnini, ‘Lɛ́yɔ ka lɛbla-mii mina bebi na lite-mii kalɔ kabunidikɔ ƒui kani mɔɔdia bɔnu teetulo na kalɔ kammɔ ƒui lɛlɔ.’ Na lɛ́yɔ ka bɛnu-mi bɛti na bɛlɔ-mii bɛnii Ati, na bɛsɔ bilatɔlɔ-mi kudɔ.

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Luka 20:36

Badubuse aani kalɛ na Katɔti batu bese, na basɔ belekpi lɛnɔ. Badi Katɔti bebi ɔsika báta bálɛ kekpine.

Yohane 1:12

Nsu ɛlɛɛ badi báƒɔ-nwu. Na bani ƒui náƒɔ-nwu mmɔ aani Katɔti Ukyuli Ɔƒunadi ɔmmɔ ni, úte-ma ɔyikun ɔni náya na benwini Katɔti bebi.

Yohane 11:52

Na ɔɔɔdi ama lɛti. Mmomu ku kalɛ na ɔsala Katɔti bekyuli bani négyingya bakya kayawi ekpo ekpo ƒui lɛlɔ na ɔbla-ma unwi.

Yohane 15:21

Nsu kayawi bekyuli badubo-mii bukpoku, ɔsika binye na mina lɛnyi kemmo. Na baaagyi anwu ɔni nátala-mi lɛnɔ.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Yohane 17:25

“Ati, ese siin. Na kayawi bekyuli baaagyi-ɔ, nsu ami ngyi-ɔ. Na ƒula badi lɛnɔ bagyi ka awɔ nátala-mi.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Romaƒuɔ 5:8

Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Romaƒuɔ 8:19

Ala ani na Katɔti údie ƒui aanu ulu kpakplaa teete uwi ɔni na Katɔti ɔdubudie nwuna bebi ɔtina.

Romaƒuɔ 8:21

ɔdubudie ala ammɔ ƒui ɔlɛku kukpi enu kemmo na anwuna, na ɔya na ekeye aani nwuna bebi kalɛ.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Korintoƒuɔ 2 6:18

Na ami ndubɔbla bina Ɔti, na amii lɛnɔ bɛbla mina bebi banana ku belekubi. Lɛni na Katɔti Ɔyikune Ƒui ɔɔsu.”

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Galatiƒuɔ 3:29

Anwuɔsu si bɛdi Kristo ɔdi ni, na bɛdi Abraham kaba bebi, na bɛdi Katɔti linyese lɛmmɔ ala badine.

Lɛkpa Ulu 14:1

Amii Israelƒuɔ bɛdi bekyuli bani na bina Unwoti Katɔti údie úte lɛlɔ. Anwuɔsu si bɛɛbla ukpine ɔdi kekwa ni, ɔdi uteti lɛla lɛdi utekulo nwuna ɔlɔna kakɛ kadi, na ɔdi utekpeyi nwuna lɛtɛntɛ na ukpine ɔdi ɔsu aani kalɛ na kadi bamba bekyuli baabla.

Koloseƒuɔ 3:3

Ɔsika use aani bíkpi na bɛkya Katɔ Ɔga Ɔma ku Kristo.

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Yohane 1 4:17

Na ulu ɔmɛni lɛlɔ na bɔyɔ búdu bɔ́wɔlɔ na bula akɔ. Ɔmmɔ ɔsu na bɔdubɔkana na bunye Katɔti anumi na litemi bɔtɛ limeyi lɛmmɔ lɛlɔ ku kayi buse. Ɔsika kalɛ na Kristo use ni, lɛni kani na buse na kayawi kamɛni kemmo.

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.