Yohane 1 2:8 - Katɔti Ɔku Kedee

⁸ Nsu ɔda bubo bɔni na muunweni lite-mii ɔƒɛni ni, bɔmu bɔdi bɔwɔdi. Na ɔkɛnku Kristo ku amii lɛnɔ lɛlɔ ni, bekyuli badubɔnu bati litemi geen lɛni nkya ɔda bubo bɔmmɔ kemmo. Ɔsika kayawi kamɛni lɛdisa uwi ɔdaku bɔvi, na litemi geen bukeye bɔmmɔ búuse kalɔ bɔdaku bukeye.

Yohane 1 2:8 ပူးပေါင်းရင်းမြစ်များ

Kɔgya 27:1

Unwoti ndi mina bukeye na anwu muudie-mi lɛbibo biala kemmo. Ɔdi mina katamikukɔ kani muukeli teesie na ɔɔgyumana-mi ɔsu naaayia.

Kɔgya 36:9

Awɔ muute lɛla biala ngba. Na ƒula bukeye mɔɔyá na bɔɔnu nwaa.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Yesaia 9:2

Bekyuli bani na nka beli baabla ala na lɛdisa kemmo badubɔnu bukeye. Na bani na belie kukpi ɔgbankpi kemmo ni, Katɔti bukeye bɔdubuwi-ma lɛlɔ.

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Luka 1:79

Na ɔya na bukeye bɔmɛni bɔsi katɔ buwi bekyuli bani nli kasuudikɔ na kukpi liƒu lɛɛda-ma kalɛ na ɔkpanku-bu ɔvinku keyi buɛɛ ulu lɛlɔ.”

Yohane 1:9

Na uwi ɔmmɔ kemmo ni, bukeye geen bɔni muuti bukeye teete ukyuli biala bɔ́si bɔdubo kayawi.

Yohane 12:35

Mmɔ ni, Yesu údie kenye ɔnini, “Uwi klukui ɔdi kani na bɛdubɔsɔ bɛnu Katɔti bukeye bɔmmɔ. Anwuɔsu ni, uwi ɔni na kadi kammɔ kamu keekeye ni, bɛkya ɔkplu na bisie anumi kalɛ na kadi kalása kalakya-mii. Ɔsika ukyuli ɔni nkɛ na lɛdisa kemmo ni, ɔɔɔgyi kesii kani na úsela.

Yohane 12:46

Líbo kayawi kamɛni kemmo aani ukyuli ɔni mɔɔyá na bekyuli baanu bukeye kalɛ na ukyuli biala ɔni náƒɔ-mi ɔ́di ni, uláƒɔ lɛlɔ ulakya lɛdisa kemmo.

Yohane 13:34

“Na ɔƒɛni ni, muubó-mii ɔda ɔwɔdi. Bɛyɔ lɛlɔ! Na kalɛ na ami lɛ́yɔ-mii ni, lɛni kani na ɔlɛka amii lɛnɔ bɛyɔ lɛlɔ.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Batalane Kabla 17:30

Na ɔ́si kalɔ kesekɔ úti úbedu uwi ɔmɛni kemmo ni, Katɔti útani bekyuli kɔtu ɔsika bátati-nwu. Nsu ɔƒaani ni, úbo-bu ɔda ɔnii bɔda anumi budie ala amɛni bene lɛlɔ na bunwini anumi buboku-nwu kudɔ.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Romaƒuɔ 13:12

Usien ɔmmɔ ɔ́ɔvi ɔ́wɔlɔ, na kadi ndaku bugye. Anwuɔsu bɛya na bɔda lɛdisa kemmo ala bɔbla bɔya, na bɛkya kekpo awu ɔni námanku bekyuli bani nkya bukeye kemmo.

Korintoƒuɔ 2 8:9

Ɔsika bɛgyi kalɛ na Blɔti Yesu Kristo lɛƒɔndia lise. Na ina ka ɔdi Katɔ Ɔga Ubi muedi ni, ɔ́nyonu lɛla biala na bina bɔdia ɔsu kalɛ na ɔkɛ nwuna lɛwaba kemmo na amii bínwini Katɔ Ɔga Ɔma ala bakɛne.

Eƒesoƒuɔ 5:8

Ɔsika kudeedi ni, na bɛkya lɛdisa kemmo. Nsu ɔƒɛni ka bínwini Blɔti badi ɔsu ni, bɛkya bukeye kemmo. Anwuɔsu bilie ngba aani bekyuli bani nlie bukeye kemmo.

Timoteo 2 1:10

Nsu ɔƒɛni na Katɔti údie ɔmɛni ɔ́tina-bu nwaa na Ɔƒɔne Yesu Kristo ɔmɛni bubo kemmo. Anwu nádi kukpi ɔyikun lɛlɔ. Na ɔkɛ nwuna litemi buni lɛlɔ ni, údie ngba bɔni nsɔ naaadubo bɔsa kudii keyi.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Yohane 1 3:23

Ɔda bubo bɔni na úse úte-bu ndi ka bɔƒɔ Ubidi Yesu Kristo ɔmmɔ bɔdi, na bɔyɔ bula lɛlɔ aani kalɛ kani na úbo-bu ɔda úbavi.

Yohane 1 4:11

Banwa bayɔne, ka Katɔti ɔ́yɔ-bu geen lɛni ɔsu ni, ɔlɛka abu lɛnɔ butaayɔ lɛlɔ.

Yohane 1 4:21

Na ɔda ɔni na Kristo úbo-bu ndi ka ukyuli biala ɔni mɔɔyɔ́ Katɔti ni, ɔlɛka ɔyɔ nwuna ɔnwa ɔƒɔtaadine lɛnɔ.