Yohane 1 2:3 - Katɔti Ɔku Kedee

³ Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Yohane 1 2:3 ပူးပေါင်းရင်းမြစ်များ

Kɔgya 119:32

Ndubugyele anumi lɛsia ƒula ɔda bubo kama, ɔsika adubɔya na linu ala kalɔ libu.

Kɔgya 119:6

Na si lɛ́kana na lɛ́di ƒula ɔda bubo lɛlɔ ƒui kaduɛ ni, kɔƒa kulékpo-mi.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Luka 6:46

“Bi ɔsu na bɛɛlɔ-mi bɛnii Blɔti, nsu bilábla taasiaku lɛla lɛni na lɛ́su-mii lɛlɔ?

Yohane 14:15

“Si bɛɛyɔ́-mi ni, bɛdubɔdi mina ɔda bubo lɛlɔ.

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Yohane 15:14

Na amii ndi mina bakpana si bɛɛdi mina ɔda ɔni na líbo-mii lɛlɔ.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Yohane 1 2:13

Na amii bati ni, muunweni-mii ɔmɛni ɔsika mɔɔwia ka bɛti ka bɛgyi Kristo ɔni nkya ɔ́si kayawi kalɔ kesekɔ. Na amii bakloƒu ni, muunweni-mii ɔmɛni ɔsika mɔɔwia ka bɛti ka bɛ́di ukisine ɔmmɔ lɛlɔ. Na amii, mina bebi bayɔne ni, muunweni-mii ɔku ɔmɛni ɔsika bɛ́ɛti Katɔti.

Yohane 1 3:14

Na bɔgyi ka bɔ́ɔlɛ kukpi enu kemmo, na búbo buli ngba geen, ɔsika bɔɔyɔ́ bula banwa baƒɔtaadine. Na ukyuli biala ɔni naaayɔ bekyuli ni, úkpi na kɔyu kemmo.

Yohane 1 3:19

Ɔmɛni bɔbla kemmo na bɔdubɔti ka bɔgyi litemi geen lɛmmɔ na bɔkɛ kayi ƒaa na Katɔti anumi.

Yohane 1 3:6

Anwuɔsu ukyuli ɔni nliku Kristo ni, ulélie taabla likpidi. Nsu ukyuli ɔni muulie taabla likpidi ni, ɔɔtina ka útati Kristo kudii, na ɔƒaani muedi ɔɔɔgyi-nwu.

Yohane 1 4:13

Bɔgyi ka buliku Katɔti geen, na anwu lɛnɔ uliku-bu, ɔsika anwu ɔlati Kɔyu na úti úte-bu.

Yohane 1 4:7

Banwa bayɔne, bɛya na bɔyɔ lɛlɔ. Ɔsika bɔyɔ bɔ́si Katɔti kudɔ. Na ukyuli biala ɔni mɔɔyɔ́ bekyuli ɔdi Katɔti ubi, na ɔgyi Katɔti.

Yohane 1 5:19

Abu bɔgyi ka bɔdi Katɔti badi geen, na kayawi bekyuli bakladi ƒui bakya ukisine ɔmmɔ lɛlɔ bɔdi kalɔ.

Yohane 1 5:2

Na dɛ na bɔdubɔnu bɔti ka bɔɔyɔ́ Katɔti bebi? Bɔɔnu ɔmɛni taati si bɔɔyɔ́ Katɔti na bɔɔdi nwuna etemila lɛlɔ.

Yohane 1 5:3

Na dɛ na bɔɔnu taati ka bɔɔyɔ́ Katɔti? Bɔɔnu ɔmɛni taati si bɔɔdi nwuna etemila lɛlɔ. Na nwuna etemila eeese aani etila ani nétulo-bu.

Budie Taatina 12:17

Mmɔ ni, kɔlakpi kɔmmɔ kúti kɔnyi kɔ́kya uleku ɔmmɔ geen, na kɔ́gyu kɔ́tɔlɔ kúsie kútékpoku nwuna bawɔ bakladi bani muunú Katɔti litemi na beedie Yesu kenye.

Budie Taatina 14:12

“Ɔmɛni ɔsu ɔlɛka amii Katɔti bekyuli bani mɔɔdi Katɔti litemi lɛlɔ na bɛsiaku Yesu kama ulu lɛlɔ ni, binye lɛbibo kenye kpakplaa.”

Budie Taatina 22:14

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.