Yohane 1 2:25 - Katɔti Ɔku Kedee

²⁵ Na ngba bɔni naaadubo bɔsa ndi kenye kani na Kristo úse úte-bu.

Yohane 1 2:25 ပူးပေါင်းရင်းမြစ်များ

Daniel 12:2

Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Luka 18:30

ɔdubɔkɛ ala ammɔ udu ɔsia kama na ngba bɔmɛni kemmo ku ngba bɔni nsɔ naaadubo bɔsa kudii na uwi ɔni mebo lɛnɔ kemmo.”

Yohane 10:28

Mɔɔyá na beelie ngba bɔni nsɔ naaadubo bɔsa kudii, na balayii ku udu. Na ukyuli biala ulakana-ma buƒie bɔƒɔ na mina kɔnu kemmo.

Yohane 12:50

Na ngyi ka lɛla lɛni na ɔ́tala-mi ka mbasu mmɔ ni, ani mɔɔyá na bekyuli beelie ngba bɔni nsɔ naaadubo bɔsa kudii. Anwuɔsu lɛla lɛni na Ati ɔ́su-mi ka masu ni, ani kani na mɔɔsu.”

Yohane 3:15

kalɛ na ukyuli biala ɔni maƒɔ-mi madi ni, ɔkɛ ngba bɔni nsɔ naaadubo bɔsa kudii.

Yohane 5:39

Bɛɛtɛya Bunweni Kedee Ɔku kemmo ala uwi biala ku kakali ka si bɛ́bla lɛni ni, bɛdubɔkɛ ngba bɔni nsɔ naaadu bɔsa kudii. Na ɔku ɔmmɔ geen muudie kenye taasiku-mi lɛlɔ.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Yohane 6:47

Mɔɔsu-mii geen ka ukyuli ɔni mɔɔƒɔ́-mi taadi ni, uulie ngba bɔni nsɔ naaadubo bɔsa kudii.

Yohane 6:54

Ukyuli ɔni mɔɔdi mina ɔlɔna na ɔɔní mina ubugya ni, anwu muulie ngba bɔni nsɔ naaadubo bɔsa kudii. Na ndubɔgyila-nwu na limeyi likplodi lɛlɔ.

Yohane 6:68

Amu na Simon Petro údie kenye ɔnini, “Blɔti, ɔma kudɔ na búnwini búsela? Awɔ nda ngba bɔni nsɔ naaadubo bɔsa kudii etemila.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Romaƒuɔ 5:21

Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Galatiƒuɔ 6:8

Si aavá ala ani mɔɔda ɔlɔna ɔkwɛ ebi ni, kukpi na adubɔkɛ. Nsu si aavá ala ani mɔɔda Kɔyu ɔkwɛ ebi ni, ngba bɔni nsɔ naaadubo bɔsa kudii na adubɔkɛ.

Timoteo 1 1:16

Ɔmɛni ɔsu geen na Katɔti ɔ́nu-mi kɔnyana kalɛ na ɔkɛnku ami ɔni ntulo-ma akɔ ƒui lɛlɔ ni, Kristo Yesu ɔdubɔya na bekyuli banu kalɛ na ubo bɔyɔ bɔni muuti taakyiɛ ute ekpidi bablane bani maƒɔ-nwu madi. Na ɔdubute-ma ngba bɔni nsɔ naaadubo bɔsa lɛnɔ kudii.

Timoteo 1 6:12

Nye bɔƒɔtaadi kabla lɛlɔ kpakplaa na adi lɛlɔ na akɛ ngba bɔni nsɔ naaadubo bɔyii kudii. Ngba bɔmɛni ɔsu na Katɔti ɔ́ƒuna-a uwi ɔni na édie ƒula lɛlɔ kalɔ na baƒɔtaadine bakladi anumi.

Timoteo 1 6:19

Si bábla lɛni ni, badubɔkɛ ala ani naaayii udu bese lɛlɔ kama. Na badubuƒie ngba geen bɔmmɔ bada.

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Tito 3:7

Na ɔkɛ nwuna lɛƒɔndia ɔsu ni, abu ku-nwu ntɛ bɔ́dia kalɛ na abu lɛnɔ bɔ́kɛ ngba ƒui bɔni lɛlɔ na bula anu asia.

Yohane 1 1:2

Ngba litemi lɛmɛni ndi anwu ɔni náda ɔ́lɛ-bu anumi, na buudie-nwu kenye. Na anwu ɔni ndi ngba bɔni naaadubo bɔsa kudii mɛni lɛsa na bɔɔkɔ́ teete-mii. Na anwu ku Katɔti nkya asa na Katɔti údie-nwu keyi ɔ́tina-bu.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yuda 1:21

Bɛda lɛlɔ na bitaayɔ Katɔti uwi ɔni na binye bɛɛnu ulu ka Yesu Kristo wanu-mii kɔnyana na bɛkɛ ngba bɔni nsɔ naaadubo bɔsa kudii.