Yohane 1 2:18 - Katɔti Ɔku Kedee

¹⁸ Mina bebi bayɔne, mɔɔsu-mii nnii kayawi kadaku kawɔlɔkɔ budu. Na aani kalɛ na bínu ka Kristo ukisine ɔmmɔ ɔdububo ni, ɔƒɛni muedi Kristo bekisine pii béebo bakya. Na ɔmmɔ ndi kalɛ na búti bɔ́ti ka kayawi kawɔlɔkɔ kammɔ kéede.

Yohane 1 2:18 ပူးပေါင်းရင်းမြစ်များ

Mateo 24:11

Bekyuli pii badubɔta banyi ɔkɔ banii ama ndi Katɔti kenye bediene na batɔlɔ bekyuli pii.

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Mateo 24:5

Bekyuli pii badubuti mina lɛnyi bebo babasu-mii banini, ‘Ami ndi Ukyuli Ɔƒunadi ɔmmɔ’ na batɔlɔ bekyuli pii.

Marko 13:6

Bekyuli pii badubuti lɛlɔ bakɔku-mi na basu-mii banini, ‘Ami mɛni,’ na batɔlɔ bekyuli pii.

Yohane 21:5

Amu na ɔ́kpali-ma ɔnini, “Bakloƒu, bítedie kɔbɛ kɔdi?” Mmɔ na ama bédie kenye banii, “Oowo!”

Romaƒuɔ 13:11

Bɛgyinya! Na bɛsia ulu ɔmɛni lɛlɔ. Ɔsika bɛgyi uwi ɔni kemmo na bɔkya. Uwi ɔni kemmo na Katɔti ɔdubɔƒɔ-bu úude útulo uwi ɔni na bɔ́ƒɔ Kristo bɔ́di kalɔ kesekɔ.

Romaƒuɔ 13:12

Usien ɔmmɔ ɔ́ɔvi ɔ́wɔlɔ, na kadi ndaku bugye. Anwuɔsu bɛya na bɔda lɛdisa kemmo ala bɔbla bɔya, na bɛkya kekpo awu ɔni námanku bekyuli bani nkya bukeye kemmo.

Hebriƒuɔ 1:2

Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.

Petro 1 1:20

Katɔti ɔ́ƒuna Kristo úse asa na údie kayawi. Na amii ɔsu na Katɔti údie-nwu keyi na uwi ukplodi ɔmɛni kemmo.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Petro 1 4:7

Kawɔlɔkɔ kammɔ kéede. Anwuɔsu bɛya na ukyuli biala kasusu kemmo kabla nwaa, na ɔda lɛlɔ use utaakpali katɔ.

Petro 2 2:1

Kalɛ na ɔkɔ kenye bediene bákya uwi ɔni návi ni, lɛni kani na ɔkɔ ala batinane bammɔ udu badubɔkya-mii akɔ. Badubo ɔkɔ bɔnyi bɔtina ala na ulu ɔni lɛlɔ na ɔdi ka bekyuli basia bada bana ngba lɛlɔ. Nsu ɔmmɔ ɔdubɔya na bekyuli bayii. Na badubuni ala ƒui lɛlɔ ɔdine Blɔti ɔni nédie-ma ɔ́lɛku bana ekpidi kemmo. Na ɔmmɔ ndubɔyila-ma udu.

Petro 2 3:3

Kudeedi ni, bɛya na ɔbla-mii nwaa ka na emeyi ekplodi ammɔ kemmo ni, bekyuli bani nsiaku bana ɔlɔna ala ɔkwɛ adala kama badububo-mii kudɔ na bama-mii.

Yohane 1 2:22

Na ɔma ndi ɔkɔ ɔnyine? Ɔkɔ ɔnyine ɔmmɔ ndi ukyuli ɔni muuní ka Yesu ndi Ukyuli Ɔƒunadi ɔmmɔ. Ukyuli ɔmmɔ udu ndi ukisine ute Kristo. Na ukyuli ɔmmɔ úni Katɔti ku Ubidi ɔmmɔ ƒui.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Yohane 1 4:3

Nsu ukyuli biala ɔni meni ka ɔsu ɔnii Yesu úbo aani ɔyawine kalɛ ni, kɔyu kɔni na ubo mmɔ kútasi Katɔti kudɔ. Kɔyu kɔmɛni kɔdi Kristo ukisine. Na bínu ka kɔyu kɔmmɔ kɔdububo kayawi, na kúubo kɔkya ɔƒaani muedi.

Yohane 2 1:7

Bekyuli bani mɔɔtɔ́lɔ bekyuli béebo bakɛ baaví kayawi. Bekyuli bamɛni muuní ka basu banii Yesu Kristo úbo kayawi aani ukyuli ɔyawine kalɛ. Na ukyuli ɔmɛni udu ni, unye ute ɔkɔ ɔnyine ɔni ndi Kristo ukisine ɔmmɔ.

Yuda 1:18

Básu banini, “Emeyi ekplodi ammɔ kemmo ni, bekyuli badubo-mii buti bɔbla lɛmala na ala ani baasu taasiku-mii lɛlɔ ɔsu. Na basiaku bana udunkpi ala ani na Katɔti ulayɔ kama.”