Yohane 1 2:16 - Katɔti Ɔku Kedee

¹⁶ Ɔsika ala amɛni udu ani nkya kayawi ni, átasi Katɔti kudɔ. Adi ala ani mɔɔda bula likyulikpi ɔlɔna ɔmɛni ɔkwɛ, ku adikpi bɔdi ala ani na bɔɔnu na aada-bu ɔkwɛ, ku kayawi ala ani kemmo na ukyuli ɔɔkun lɛmɛnɛ. Ana akɔ lɛla lɛdi lítasi Katɔti kudɔ. Mmomu kayawi udunkpi kemmo na ana ƒui aasí.

Yohane 1 2:16 ပူးပေါင်းရင်းမြစ်များ

Ala Kalɔ Buse 3:6

Amu ka uleku ɔmɛni ɔ́nu ɔ́ti ka kugyii kɔmmɔ ebi adia bɔdi, na aadia bɔnu, na aayá na ukyuli ɔɔdá anu ɔsu ni, úde adi na ɔ́di. Na úde ɔdi úte ɔgyani ɔni nkya mmɔ lɛnɔ na ɔ́di.

Ala Kalɔ Buse 6:2

ɔni na kayaa batu bani náyila bana kenyekɔ na Katɔti kudɔ ni, bánu kalɛ na beleku bammɔ baadia bɔnu ɔsu ni, béti bani na baayɔ́.

Hiob 31:1

“Líse kenye ka lɛɛɛdubo ugblebi ɔdi ɔnusɛ bɔnu na ɔda-mi ɔkwɛ.

Kɔgya 73:6

Ɔmmɔ ɔsu baakun lɛmɛnɛ na baatina lɛlɔ. Na kalɛ baatú bekyuli na baanu-ma anumi únwini awu na bakya.

Kɔgya 78:18

Békpoku Katɔti lilu pii lɛlɔ na béye-nwu banii ute-ma adila ani na ama baayɔ́.

Kɔgya 78:30

Nsu uwi ɔni na bamu beli baadi adila ani báwia kpakplaa mmɔ ni,

Agba 27:20

Kukpi ku lɛla lɛni mɔɔyila lɛla lɛdi udu belemo. Lɛni kani na kayawi ala ani mɔɔda ukyuli ɔkwɛ elemo-nwu.

Agba 6:25

Ƒula kayi ketenwini katasia nwuna bɔdia lɛlɔ na ɔda-a limɔ. Taya na uti nwuna anumi ani na uusé ɔtɔlɔ-ɔ na uƒu-ɔ kasusu.

Bumomo Bɔka 11:34

Anwuɔsu na baalɔ kesii kammɔ banii Kibrot-Hataawa. Na nwuna kalɔ ndi ɔkwɛ adala kaƒiɔtɔ. Ɔsika mmɔ na báva bekyuli bani nkya muuwulo ka lɛna lɛɛda-ma ɔkwɛ.

Bumomo Bɔka 11:4

Amu na baƒɔ bani nsiaku Israelƒuɔ na ketele kalɔ kakwiidi kemmo ku Israelƒuɔ alati bésie kalɔ baawia adila ani badi. Ɔmɛni ɔsu bése kalɔ baasu banini, “Si nka bɔkɛ lɛna lɛdi nka bɔdubɔkun.

Mateo 4:8

Amu na ukisine ɔmmɔ úti Yesu úsienku kɔbi kangyaa kɔdi lili. Mmɔ na ɔ́tina-nwu kayawi agala ku ana bukeye ƒui.

Mateo 5:28

Na ami mɔɔsu-mii nnii ɔnana ɔni manu uleku ɔbambadi na wada-nwu ɔkwɛ ni, ɔ́bla likpidi na nwuna kayi kemmo.

Luka 4:5

Ɔmmɔ kama ni, Satan ɔ́sɔ útiku-nwu útényene kesii kani nákuku. Na ɔ́tina-nwu kayawi ala ku kana lɛga kadikɔ ƒui.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Korintoƒuɔ 1 10:6

Ɔmɛni ɔdi ala ani na bɔnu bɔtɛya kalɛ na alaekpidi emini asɔ alátaada-bu ɔkwɛ aani bana kalɛ,

Galatiƒuɔ 5:17

Na ala ani na bula ɔlɔna ɔɔyɔ́ ni, aata teenye ala ani na Kɔyu kɔɔyɔ́ lɛlɔ. Lɛni kani na ala ani na Kɔyu lɛnɔ kɔɔyɔ́ aata teenye ala ani na ɔlɔna ɔɔyɔ́ lɛlɔ. Na ɔlɔna ku Kɔyu kɔmɛni badi bekisine bete lɛlɔ. Anwuɔsu bɛsɔ bilakana na bitaabla lɛla biala mɔɔda-mii ɔkwɛ.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Tito 2:12

Lɛƒɔndia lɛmmɔ mɔɔtina-bu ka ɔlɛka bɔda atu budie ngba bukpidi bulie kemmo ku kayawi ala keeke kama bɔsiaku. Na bɔda lɛlɔ kaduɛ, na bulie ngba bɔbuni, na bɔbla lɛlɔ kedee na kayawi kamɛni kemmo.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Yakobo 3:15

Lɛnunda lɛmmɔ udu lítasi Katɔti kudɔ. Kayawi mɛni na lɛ́si, na lɛɛɛkɛnku ngba buni bulie ulu lɛlɔ. Mmomu lɛdi lɛnunda likpidi.

Yakobo 4:16

Nsu ɔƒaani ni, bɛɛtina lɛlɔ na bɛɛkun lɛmɛnɛ lɛnɔ. Na lɛmɛnɛ bɔkun biala bɔɔɔdia.

Yosua 7:21

Uwi ɔni bunye kekpo kemmo ni, mmɔ na lɛ́nu Babilon awu buni gyɔlɔɔ ɔdi ku sika ɔƒualadi ebi aƒɔ alɔ ku sika ugyiedi ugyii unwi ɔni unu metulo sika ɔƒualadi ebi koƒo kunwi. Ka lɛ́nu ala ammɔ ni, anumi egyie-mi na líti-nya. Na adubɔnu-nya na mina kevo kemmo ka líku-nya lɛkya mina ɔtɔ kalɔ. Na sika ɔƒualadi ebi ammɔ akya-nwu kalɔ.”

Petro 1 1:14

Binu Katɔti litemi, na bɛda udu ukpidi ɔni kemmo na bɛ́kya uwi ɔni na bítenwini tɔ baƒɔtaadine mmɔ bɛya.

Petro 1 2:11

Bayɔne, mɔɔlɛ-mii aani si baƒɔ ku belusiene na bɛdi na kayawi mɛni nnii bɛda lɛlɔ bidie ɔlɔna ɔkwɛ adala ani muukpóku-mii kudɔ.

Petro 2 2:10

Na bani geen na ɔdubɔni kɔtu utulo ndi bani na ɔlɔna ala aada-ma ɔkwɛ na balábu Katɔti munu munu. Bekyuli bamɛni ni, beesé kayi kekpidi muedi teedumi kayaa bayikune.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.